|
#1
01-11-2011, 05:29 PM
|
|||
|
|||
معلم والسطح فى اداره شرق الزقازيق !!!!!!!
السلام عليكم ورحمه الله وبركاته
انا احد المعلمين الذين تم تعينهم بالقرار رقم 1429 بتاريخ 1\3\2011  رحت المدرسه الصبح لقيت فى ورقه مستنيانى جايه من الاداره الساعه 6ونص الورقه ده مكتوب فيها ايه بقى ؟؟؟؟؟؟  على المدرس الذى يعمل طرفكم اللى اسمه.  ..................................... والمعين بالقرار 388بتاريخ 1\7\2011الحضور الى الاداره فورا واحضار مصوغات تعيين مكونه من الكشف الطبى وشهاده الجيش وشهاده المؤهل واقرار قيام بالعمل وملف مصوغات تعيين ودوسوهات .......................الخ (بينى وبينكم اللى قدمتها قبل كده محدش يقول لحد خليها فى سركم )  انا اتهبلت  استاذنت من المدير وروحت الاداره طلعت التعيينات بقولهم الورقه ده جتلى الصبح قالى وايه يعنى!!!!!! هات المطلوب منك !!!!!!!قلتله ماهو مفيش مطلوب الورقه ده مبعوتالى غلط لانى مش معين لا بالقرار ده ولا بالتاريخ ده  وبعدين انا مقدم كل الورق ده من شهر 2 (فبراير ).. وكانت الصدمه ان مدير شئون العاملين يقولى ايه ؟ مفيش دفعه اتعينت فى شهر 2  :0 40vk0: طيب واحد زى كده اقوله ايه ؟ كانت هتجيلى جلطه قولتله امال جواب التعيين ده ايه ؟ والحمد لله كنت واخد كل ورقى معايا قالى الجواب ده غلط دول كانوا بالحصه وكمان ممتحنوش كادر ودول عينهم من 1\7 ( قال يعنى الراجل فاهم ) : 022yb4: وخالوا بالكم من كلامهقلتله بص انسى كل الكلام ده انا طالع على مدير الاداره ومنه على النيابه الاداريه وهكتب شكوه انى تم فقد ملفى بفعل فاعل وانكم مش فاهمين القوانين ولا عارفين اى شىء وبتستهبلوا على الناس والدليل انك متعرفش حتى ان فيه دفغه اتعينت بتاريخ 1\3 \2011 نزلت جرى على السلم وانا هتهبل ومش عارف اعمل ايه ؟ دخلت الى سكرتيره مدير الاداره وانا تايه ازاى مليش قرار تعيين ولا رقم قرار ولا ملف واشمعنى انا بالذات ؟ المهم المدام ده صعبت عليها قالتلى تعالى معايا التعينات تانى وطلعنا فوق سطح الاداره فى ملفات مرميه فى دواليب قديمه . لقيت ملف مرمى عليه اسمى من ايام المعلم المساعد وفيه اصل العقد وورق الاكاديميه اللى كنا قدمناه قبل الامتحان (الاصول ) وفيش بس . قالى هو ده ملفك ؟ قالتله ايوه بس مش ده ورقى اللى قدمته ده مفيش فيه اى مصوغ من مصوغات التعيين الناس هتسال هو ورق الاكاديميه راح الاداره ازاى ؟ هقولهم الورق ده راح قبل صدور قرار تعيينا كاستكمال لمصوغات التعيين وكدليل على دخولنا امتحان الكادر واجتياونا الامتحان . المهم قالى اهدى ونزلنا تحت فى الدور الارضى فى مكان اسمه الملفات (من السطوح الى الارض ياقلبى لاتحزن ) دخل على مدام محترمه هناك قالها الحقى شوفى حل للراجل ده قالتلى مالك؟ شرحتلها الموضوع قالتلى اسمك ايه قولتلها .................... قامت فتحه اجنده عندها ومطلعه كشف بلاسماء وانا واحد منه وملفى مستكمل ومكتوب قدامى رقم 20 قالتلى ثوانى وراحت فتحه الدولاب وسحبت الملف رقم 20 وساعتها نزلت ساجد لله على لطفه ولقيت ملفى كامل قالتلى ياابنى اللى فوق دول ........................ انت ملفك نزل هنا بعد شهرين من تعيينك رسمى ومعدش ليك اى علاقه بال................ اللى فوق طلعت فوق اغسلهم بقى طلعت غل ساعه ونص وتعب اعصاب وفى الاخر اخدت ورقى اللى كان مرمى على السطح ونزلت بيه احطه فى الملف الاصلى بتاعى قالتلى ولا ليه اى لزمه بس علشان خاطرك هحطهولك( قال يعنى ) مهتمين وخايفين على مصلحتنا تخيلوا قصه زى ده تتحط تحت اى عنوان انا اختارت عنوان الموضوع معلم والسطح فى اداره شرق الزقازيق بس متقلقوش مش معنى كده ان ملفاتنا ضايعه ده اهمال وسوء فهم من ناس المفروض انهم مسئوليين اللى عايز يطمن على ورقه يروح الملفات فى اى اداره على مستوى الجمهوريه وملوش اى علاقه بالتعيينات خالص اسف على الاطاله بس ده فرحه العيد 
|
|
#3
01-11-2011, 05:57 PM
|
|||
|
|||
اقتباس:
وده اللى انا عامله من يوم ما اشتغلت فى التربيه والتعليم
وهو ده اللى كان هيثبت حقى فى كل شىءلو كان ضاع ورقى شكرا على المشاركه
|
|
#4
01-11-2011, 07:39 PM
|
|||
|
|||
يا عزيزي الفاضل للاسف معظم الادارات التعليمية حتلاقي فيها ناس ............... زي اللي انت قابلتهم
|
|
#5
01-11-2011, 11:19 PM
|
|||
|
|||
اقتباس:
مصر لن تتغير بثوره ولا اتنين ولا عشره مش هتتغير غير بينا احنا احنا اللى لازم نغير نفسنا
الثوره مش معناه محسوبيه ولا فوضى ولا مجاملات ولا نفاق ولا غيره انما اللى حصل بعد الثوره اكثر مما كانت عليه البلد قبل الثوره وللاسف احنا محتاجين ثوره تصحيح من انفسنا اصبحنا همج لايهمنا غير مصلحتنا فقط وباى شكل من الاشكال حتى لو كانت بالنصب وروح اى هيئه حكوميه وشوفوا ايه اللى بيحصل دلوقت وحسبى الله ونعم الوكيل فى كل ظالم يستغل ظروف البلد ومش يقوم بعمله بمى يرضى الله ويرضى ضميره لك الله يامصر
|
|
#6
02-11-2011, 08:43 AM
|
||||
|
||||
مازال الإهمال مستمرا ولكن هناك أمل فلا تيأسواااااااااااااااااااااااااااااا .عيدكم مبارك
__________________
بِسْمِ اللهِ الرَّحْمَنِ الرَّحِيمِ ﴿رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ﴾(النَّمْل:19)
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:48 PM.
