محدش يتكلم عن مظاليم فى تعيينات التربية والتعليم

[بحراوية من دمنهور]

البحيرة مفهاش مظاليم لان اكتر من 90%من اللى اتعينو ميستحقوش التعيينات دى لانهم جايين بالواسطة والرشاوى واغلبهم تقدير مقبول ومتهيئلى يحمدو ربنا انهم قدرو يتعينو ويبقى لهم مرتب ثابت كل شهر وغيرهم افضل منهم وذاكرو وجابو تقدرات عالية ومش عارف حتى يجيب عقد بالحصة لانه مش بيستخدم لاواسطة ولا معاه يدفع اقل حاجة 10000 جنيه عشان ياخد عقد مضروب من الادارة او مدير مدرسة بصراحة مهزلة عندنا فى البحيرة واكيد فى محافظات تانية فيها ظلم وافترى وناس بتاكل حقوق ناس لانه نظام فاسد وبقى اكتر فساد بعد الثورة انا كنت بقول ان التعيينات تبقى بمسابقات وكل واحد يقدم ورقه واذا تساوى فى الظروف واحد بيشتغل بالحصة او بالعقد مع واحد مشتغلش قبل كدة وكانو جايبين نفس التقدير يبقى الاولوية للى اشتغل قبل كدة .....مش الكوسة واللخبطة اللى حصلت انا عندى فى المدرسة اكتر من 24 مدرس بالعقد الجديد من ضمنهم اكتشفنا ان واحد منهم متعين بالثانوية العامة مدرس لغة عربية والصراحة ولا واحد فيهم يصلح يكون شيخ فى كتاب حتى ( اللى مخارج الالفاظ عنده مش واضحة واللى حجمه وشخصيته ضعيفة ومهزوزة ومش قادر يسيطر على الطلبة كويس واللى طريقة لبسها مستفزة ومسخرة وكانها رايحة كباريه مش مدرسة واللى واخد عقد اخصائى تطوير واساسا المدرسة عندنا مفهاش حجرة تطوير وبيقعد كل يوم فى المكتبة ساعتين كدة ويروح وحوالى 19 منهم خريجين جامعات خاصة يعنى من الاخر فشلة وجايين زى الجراد يزاحمو اصحاب الحقوق الفعلية فى التعيينات) بجد حاجة تقرف وكان نفسى دفعتى اللى اتعيينت فيها انها تمشى بنفس الاسلوب اللى وضحته فى التعيين يعنى من الاخر محدش يتكلم عن زيادات فى المرتبات او يحس انه مظلوم واحنا عارفين ومتأكدين ان اغلبنا بل كلنا من غير مبالغة لا نستحق اللى احنا فيه وبجد حاجة تقرف وتزهق

[محمد حسين الشربينى]

الصورة ليست قاتمة الى هذا الحد
ولا زال الخير موجوداً طالما هناك شرفاء أمثالك
صحيح ان الفساد استشرى لكن للظلم نهاية

[حمدى أبوزيد]

المشاركة الأصلية كتبت بواسطة بحراوية من دمنهور

البحيرة مفهاش مظاليم لان اكتر من 90%من اللى اتعينو ميستحقوش التعيينات دى لانهم جايين بالواسطة والرشاوى واغلبهم تقدير مقبول ومتهيئلى يحمدو ربنا انهم قدرو يتعينو ويبقى لهم مرتب ثابت كل شهر وغيرهم افضل منهم وذاكرو وجابو تقدرات عالية ومش عارف حتى يجيب عقد بالحصة لانه مش بيستخدم لاواسطة ولا معاه يدفع اقل حاجة 10000 جنيه عشان ياخد عقد مضروب من الادارة او مدير مدرسة بصراحة مهزلة عندنا فى البحيرة واكيد فى محافظات تانية فيها ظلم وافترى وناس بتاكل حقوق ناس لانه نظام فاسد وبقى اكتر فساد بعد الثورة انا كنت بقول ان التعيينات تبقى بمسابقات وكل واحد يقدم ورقه واذا تساوى فى الظروف واحد بيشتغل بالحصة او بالعقد مع واحد مشتغلش قبل كدة وكانو جايبين نفس التقدير يبقى الاولوية للى اشتغل قبل كدة .....مش الكوسة واللخبطة اللى حصلت انا عندى فى المدرسة اكتر من 24 مدرس بالعقد الجديد من ضمنهم اكتشفنا ان واحد منهم متعين بالثانوية العامة مدرس لغة عربية والصراحة ولا واحد فيهم يصلح يكون شيخ فى كتاب حتى ( اللى مخارج الالفاظ عنده مش واضحة واللى حجمه وشخصيته ضعيفة ومهزوزة ومش قادر يسيطر على الطلبة كويس واللى طريقة لبسها مستفزة ومسخرة وكانها رايحة كباريه مش مدرسة واللى واخد عقد اخصائى تطوير واساسا المدرسة عندنا مفهاش حجرة تطوير وبيقعد كل يوم فى المكتبة ساعتين كدة ويروح وحوالى 19 منهم خريجين جامعات خاصة يعنى من الاخر فشلة وجايين زى الجراد يزاحمو اصحاب الحقوق الفعلية فى التعيينات) بجد حاجة تقرف وكان نفسى دفعتى اللى اتعيينت فيها انها تمشى بنفس الاسلوب اللى وضحته فى التعيين يعنى من الاخر محدش يتكلم عن زيادات فى المرتبات او يحس انه مظلوم واحنا عارفين ومتأكدين ان اغلبنا بل كلنا من غير مبالغة لا نستحق اللى احنا فيه وبجد حاجة تقرف وتزهق

كلامك جميل وواقعى واحنا ف أبوحمص بدأنا نتحرك

[بحراوية من دمنهور]

المشاركة الأصلية كتبت بواسطة حمدى أبوزيد

كلامك جميل وواقعى واحنا ف أبوحمص بدأنا نتحرك

ميرسي لتعليقك على الموضوع بس انا عايزة حل بجد لكم الفساد اللى موجود واللى لسة بينهش فى مواردنا بجد البلد دى عايزة ولد يكون حاسم وعارف انه جاى للاصلاح مش للشهرة والسلطة الفارغة اللى تعبنا من قيودها الوهمية اللى طبقت على نفسنا سنين حتى من قبل مبارك واعوانه ويا ريت يا استاذ حمدى تقولى ازاى الخطوة الاولى اللى بدأتوها عندكم عشان نعممها فى الادارات والمحافظات الباقية انا سمعت ان عندكم بدأو يقيلو كل قيادة فاسدة اخرها مدير الادارة لاشتراكه هو ومديرين مدارس فى التزوير والبلاوى والسرقة اللى بقت حق مكتسب بالنسبة لهم بجد انا زهقت وعايزين حل ؟؟؟؟؟

[بحراوية من دمنهور]

المشاركة الأصلية كتبت بواسطة محمد حسين الشربينى

الصورة ليست قاتمة الى هذا الحد
ولا زال الخير موجوداً طالما هناك شرفاء أمثالك
صحيح ان الفساد استشرى لكن للظلم نهاية

لا اكيد الصورة اسوأ من كدة وحضرتك عارف ومتأكد ان الفساد ده بقى كل حياتنا فى مصر ومش حنتفلسف ولا نقول كلام طخين بس انا عايزة الالتزام ومبدأ خلية النحل يكون موجود عندنا والله شايفة ناس كتير مستعدة للعمل الجاد بس اللى بيزعلنى ان الاغلب متشائم وكسول وعايز الحياة تمشى زى مهية من غير تغيير فى الروتين اليومى لانهم اعتادو على البلطجة وان الشغل على قد فلوسكم وان الزمم بقت مفرشحة اوى وانا مثلا شايفة ان فى مدرسين عندنا بيجو المدرسة عشان يفطرو ويشربو الشاى ويهشو فى الطلبة كانهم غنم قدامهم والحمد لله ان العيد اجازة عشان كان زمان المدرسين ضحو بالطلبة زى مبيضحو بمستقبلهم ولكى الله يا مصر

[محمد حسين الشربينى]

نحن نتكلم جميل لكن وقت الفعل لا نجد أحد مع احترامي وتقديري للجميع
انظروا لمليونية المعلم الماضية