اضراب دفعة 2004 عن العمل بإدارة نبروه التعليمية بالدقهلية لحين تنفيذ مطلب النقل

[قرشم]

قررت دفعة 2004 بإدارة نبروه التعليمية بمحافظة الدقهلية وعددهم 30 مدرس بمختلف المدارس

اضراب عن العمل وعن دخول الحصص من يوم الاحد القادم الموافق 27/ 11/ 2011

ولذلك لعدم تنفيذ قرار النقل من وكيل وزارة التربية والتعليم بالدقهلية

ومع وجود موافقة من محافظ الدقهلية بالنقل

ولكن وكيل الوزارة لازم يزل المدرسين شوية

علشان كدة قررت دفعة 2004 اضراب عن العمل من يوم الاحد القادم

وكانت اول خطوة اتخذتها دفعة 2004 هى ا

رسال تلغر افات

لمدير إدارة نبروه التعليمية


ووكيل الوزارة

ومحافظة الدقهلية للعلم

اى مدرس دفعة 2004 يحب ينضم للاضراب يبلغ مدير إدارتة بذلك

[مصطفى جابر راشد]

هو كل حاجة إضراب إنا لله وإليه راجعون

[abonader]

هو كل حاجة إضراب إنا لله وإليه راجعون

[venuse_love2000]

إنا لله وإليه راجعون

[قرشم]

اللى ميعرفش يقول عدس

ولو انت مكانى كان زمانك عملت اكتر من كدة

لما تتوظف فى مدرسة بعيدة عن بلدك ب 50 كيلو متر وتصرف كل يوم 10 جنية مواصلات وغير ساعين مواصلات كنت عملت اكتر من كدة

لما وكيل الوزارة يجى له 1900 عقد جديد ويشغل كل واحد فى اقرب مدرسة له كنت عملت اكتر من كدة


لما تتنسى وتتترمى فى مدرسة بعيدة ووكيل وزارة مش بيحس بالناس كنت هتعمل اكتر من كدة

انا عاوز واحد من الناس اللى بتتكلم يدخل يقولى هو بيدفع مواصلات اد اية

بياخد وقت رايح للمدرسة كم ساعة وكم ساعة جاى

انا عملت اضراب فى الوقت ده مش علشان البلد فوضة لا
انا عملت اضراب فى الوقت ده لان ده الوقت اللى المحافظ وافق على النقل ووكيل الوزارة رفض

والوقت ده بالذات لان فى 1900 عقد جديد وهياخدوا 225% يعنى اكتر منك انت اللى بتكلم

وكل واحد شغال جمب بيته

يا رب الناس تفهم

ومش بيحس بالنار اللى ماسكها

[قرشم]

المشاركة الأصلية كتبت بواسطة مصطفى جابر راشد

هو كل حاجة إضراب إنا لله وإليه راجعون

رد عليا لو سمحت يرضيك ان انا بقالى 8 سنوات بسافر وبصرف كل يوم 10 جنيه مواصلات غير الوقت

وفى 1900 تعاقد جديد

المفروض اية اللى يحصل قولى يا مدرس يا قديم

اكيد كان ايامكم القديم بيتنقل الاول وبعد كدة الجديد يروح مكانه


لو سمحت رد