هو ده المصرى

[ahmed rashad 1991]

زاى تعــرف المصـــرى من بين 1000 واحـــد ...... ؟
.
.
.
.
... ... ... .
.
.
.
.

- لو سألت سواق تاكس على عنوان وبدل ما يدلك قالك امشي ورايا .. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه

- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا

- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد ... شعب مصر....

[الأستاذة / أم أمل]

جزاك الله خيرا

[Mr.Hani]

ده المصري الاصيل فعلا
شكرا لك

[عبد الله الرفاعي]

أنا مصرى وأبويا مصرى

[LoOoLy El Treikawya]

ههههههههه فيه بعض العادات ضحكتنى لانها فعلا فى مصر بسس وغريبة جدا

شكرا كتييييير على التوبيك

الحمد لله انى مصرية

[ام ياسين وآمر]

[د.عبدالله محمود]

يارب احمي مصر

[suzy m]

المصرى ابو الشهامة والاخلاق

[amal_elhnde]

ولما تلاقى ام مات زوجها وعاشت تربى ايتامها لما يصبحوا عرائس وعرسان
يبقى انت اكيد فى مصر