المحترم لا يذهب الى الانتخابات

[ashraf_mhh]

العامل والموظف المحترم لا يذهب الى الاشراف والعمل فى لجان الانتخابات كأمين لجنة او عضو لانك فى الاخر هتاخذ زمبة وهتاخد على قفاك لانهم امام التلبفزيون ووسائل الاعلام بيقولوا المكافأة 1000 جنيه والحقيقة غير كدة لانها 500 جنيه وفى بعض الاحياء الاخرى 300 جنيه عن عمل اربعة ايام من اوسخ وابشع الايام اللى هتعيشها فى فترة الانتخابات حتى نهاية الفرز
نوم مفيش

اكل مفيش حتى ولو على حسابك

مياة نظيفة مفيش

كوب الشاى بــ 2 جنيه والكوب ريحته زى الزفت

لكن القضاه والمستشارين اللى لسه والله العظيم ثلاثة ارباعهم لا يعرفون عن الانتخابات اى شىء لهم كل الاحترام وكلامهم اوامر وطلباتهم تجاب والاخر هما ياخدوا الالوف وانت الملاليم
لو عندك كرامة بلاش تروح المرحلة التانية ولا الثالثة كمان وهنشوف مين اللى هيشرف على الصناديق مع القضاه

[أ/رضا عطيه]

الموضوع مكرر

وياترى إيه البديل

لما كلنا مانرحشى الانتخابات لأن البدلات شوية

طيب نروح ميدان التحرير هنلاقى أكتر ؟؟؟؟؟


نتعلم نطالب بالحق كباقى الفئات أفضل من الهروب من خدمة الوطن

ولا إيه ؟؟؟؟

[ممدوح مصطفى الانصارى]

المشاركة واجب وطنى
وشرف لنا ان نشارك
فى انتخابات برلمان ثورة 25 يناير
اما الحقوق المادية لها فسنطالب بها
بصورة مشروعة لا تعوق مسيرة
الانتخابات ولا تعوق تحقيق امالنا
فى التغير الى الأفضل بامر الله .

[الاستاذ عوض على]

الحقوق فعلا 1000 جنيه

500 فى الانتخابات الأولى

و 500 فى الإعادة

وبالتوفيق للجميع

[أ/محمد ابراهيم]

لو طلب منا الذهاب مجاناً سنذهب
لخدمة بلدنا واعلاء شانها بين الامم

[غاربله]

لو طلب منا الذهاب مجاناً سنذهب
لخدمة بلدنا واعلاء شانها بين الامم

غريبه هو ده معناه ان احنا نهان او ننضرب اونتمرمط كرامتنا
من تلاميذنا
او من دور اولادنا
ياساده
هو لازم نكون اقل من الناس علشان يقولوا علينا بنحب وطنا
وبعدين هما مش كانوا عارفين ان الانتخابات على يومين
والبدل لازم يزيد
وليه القضاه ياخدوا اكتر مننا
حرام عليكوا نحترم نفسنا علشان الناس تحترمنا

[aymaan noor]

جزاك الله خيرا أستاذى الفاضل و بارك الله فيك

- الامتناع عن الذهاب جريمة فى حق الوطن ، فهذا عمل الزامى يتوقف عليه صالح المجتمع بأكمله ، فلايصح التوقف أو الامتناع عنه .
- أما بالنسبة للحقوق ، فأنا معك تماما بضرورة المطالبة بأن يكون البدل 1000 جنيه ، فهذا أقل تقدير و خاصة أن القضاة يتقاضون الآلاف .
- أتمنى أن تنصت الدولة أو اللجنة العليا للانتخابات الى هذه الطلبات واعتبارها حقوق ، و ألا تضطر الناس الى عمل اعتصامات من أجل الحصول على حقوقهم .

[صفوت حمادة]

حرااااااااااااااااااااااااام

[د.عبدالله محمود]

لن تكن سلبياً وشارك
وقوِّم نفسك
فلا تأتى بتصرفات تجعل غيرك يتجرأ عليك ويعبث بكرامتك
أما الماديات
فنجاح الإنتخابات يعنى التغيير للوضع الذى لا تضيع فيه الحقوق
ويوفر العدالة التى ننشدها جميعاً بإذن الله
الشكر لصاحب الموضوع

[maths city teacher]

والتعب والبهدله

[maths city teacher]

محدش فاهم ايه بالضبط دور المعلم فى الانتخابات ؟؟؟؟