|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
03-09-2008, 10:02 PM
|
||||
|
||||
الرياضة جميلة متخفش
السلام عليكم ورحمة الله وبركاتة انا بخاطب كل تلميذ وتلميذة داخلين ان شاء الله رياضة 2 والله يا جماعة مادة الرياضة دى تحفة بجميع اقسامها مثلا قسم الجبر دة بقى اتفه الاقسام بجد تافه جدا لعب عيال يعنى ونقدر كمان نضمن درجتة والهندسة الفراغية واو مادة جميلة فعلا كلها مسائل غالبا ما بتحتاج تفكير وبجد اللى عاوز يضمن درجة فيها يبدا بحل مسائل كتاب المدرسة اوعى تسيب مسالة اوعى وتحل امتحانات السنين اللى فاتت هتلاقيها متكررة ومفيش حاجة بتخرج عن كتاب المدرسة نجي بقا على التفاضل فيها تفكير منك سيبك بقى من منهج تانية التافهة دة وركز بقى حل مسائل كتاب المدرسة صدقنى وحلها التفاضل مش سهل حل امتحانات وبردة مش صعب علينا التكامل دة بقى عكس التفاضل وعلى فكرة سهل ان شاء الله ومش تقلق نيجى بقى على الاستاتيكا مادة جميلة والله محتاجة انك تشغل مخك وسهلة وبردة اهم حاجة كتاب المدرسة واوعى تنسى القوم الكبير ياساتر يارب بعبع الرياضة الديناميكا هى مش بعبع ولا حاجة مادة جميلة اعرف معادلة الحركة وحل مسالتك وكتاب المدرسة طبعا زملائى نتيجى بقى لخلاصة مادة الرياضة انا عارف طبعا ان كلنا بناخد دروس علشان كدة بطلب منك انك تركز مع مدرسك اللى فاتك اساله ومتسرحش دة مش واقتة اما تيجى الاجازة ابقى اسرح ابعد عن الشلة الفاشلة اللى تقولك دى صعبة مش عارف اية ابعد عنها احسن اى حد يكلمك والاستاذ بيشرح مالكش دعوة بية متردش خليك منتبة حتى ولو زعل منك درسك الاول وقت الجد جد ترجع بيتك على طول مش تتمشى شوية لا الحق ارجع بيتك وزاكر الدرس وحل الواجب ولو مش فاضى يا سيدى عليا بكره دروس تانية ومش هلحق والكلام دة انا عارفة بيحصل معانا اقراء الدرس حتى دى رياضة علشان مش تنسى ولو فاكر الدرس يا سيدى حل مسالة اتنين من الواجب علشان حتى يبقى من خط ايدك تانى حاجة بقى ودى بقى اية ركز ركز على كتاب المدرسة بكل مسالة سواء محلولة او مش محلولة صدقنى مفيش امتحان بيخرج عنها مش تحفظ المسالة يعنى لا افهمها بلاش شغل الحفيظة دة دا انت رياضة يعنى كل اللى بتستخدمة مخك بيفكر مش بيحفظ تانى حاجة النماذج اينعم فيها اخطاء بس معلش شوف المدرس بتاعك هيقولك هتحل اية وحلة مفيش حجة وحل الامتحانات على اد ما تقدر دى طبعا اهم حاجة مش تخاف بقى من السنة اللى فاتت خلاص اللى فات مات ركز السنة دى اصعب وخليك واثق فى نفسك دايما اقول نفسك الرياضة دى مادة صعبة بس انا ان شاء الله هجيب فيها درجة حلوة وفى الخلاصة اتمنى منكم انكم تعملوا بكلامى صدقونى الرياضة مادة جميلة والله حبها خد المسالة ببساطة كانها مشكلة وبتعالجها وان شاء الله التوفيق ونظم وقتك واستغلة اوعى تخلى تانية منك تضيع واستعن بالله واقراء قران كل يوم وتفضل صورة يس والواقعة والاذكار احرصوا عليها وصلى دايما قبل ما تذاكر صلاة الحاجة بتبقى ركعتين على الاقل اطلب فيها من ربنا انه يوفقك فى مذاكرتك واستعن بة وبر الوالدين طبعا علشان ربنا يرضى عنك ويوفقك ويلبى دعواتك وانت بتدعى ادعى لغيرك واوعى تحقد على حد او تتكبر علية وقبل ما تنام اقراء سورة الملك ربنا هيوفقك ان شاء الله وبالنجاح والتوفيق وانا اسف انى طولت عليكم بس انا فعلا محتاج بجد انى اشجعكم ويوفقكم ان شاء الله
__________________
|
|
#2
04-09-2008, 12:58 AM
|
||||
|
||||
|
batista enas
بقى إإإلهندسة إإإلفراغية وااااو والله روح ـت الحصة طوآآل الساعتين ذى ما يكون لابسنى ميت ع ـفريت لا مسآآ/ئل عرفت احل ولا قوانين فاكراها ولا حتى عرفت احسب قال الاستاذ 3+3 كام روحت فطيت ذى الهبلة وبكل ثقة 9 يا حسرتى بس كلام ــك مشجع جدا تفاؤلت والله شكرااا لكـ على المووضووع فوتك بعافيه
__________________
آبويآ وصآني (ع) ـلي إلـ (ع) ـز وإلـ (خ) ـــير... مهرة أصيلـــة وإلطُهر له نصيبـــــــــــه ...
|
|
#3
04-09-2008, 02:00 AM
|
|||
|
|||
|
فعلا موضوع جميل جدا والرياضه دى ماده عسل و اول الهندسه الفراغيه حتحسى يا ايه كأنك مش فاهمه اى حاجه وده طبيعى بس اصبرى لما تدخلى فى النظريات حتلاقيها جمييله جدا وتحتاج انك تفهمى المسائل بس و ربنا معاكم
على فكره انا كنت من امتحانات السنه دى ودخلت هندسه الاسكندريه
|
|
#4
04-09-2008, 02:54 AM
|
||||
|
||||
|
شكراً جزيلاً على النصائح الغالية ده
هى فعلاً الرياضة ده هى أحلى مادة فى الثانوى كله طبعاً بغض النظر عن امتحانات 2008  وعن نفسى بحبها موت وواخد كل الرياضيات الممكنة فى تالتة يارب كلنا نجيب الدرجات النهائية السنة دى قولوا آميـــــــــــــــــــــن
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم 
|
|
#5
04-09-2008, 05:06 AM
|
||||
|
||||
انتظروا سحر رياضة 2
فى الغرف الصوتية بعد العيد
__________________
تمنيت أن أسجد لله سجدة لا أنهض بعدها أبدا" إلا لأرى ربى  اقتباس:
لو دخلتوا الجنة ومالقتونيش ... إسألوا على واشفعولى عند ربى
|
|
#6
04-09-2008, 10:35 PM
|
|||
|
|||
|
معلش ياجماعه انتو لو جالكوا امتحانات رياضه وفيزياء زى السنه دى 2008 يعنى يبقى لازم تكون معدى 98 فى تانيه ده على الاقل
عشان تدخل هندسه ده بجانب انك تجيب الدرجه النهائيه فى المستوى الرفيع لان انا كنت جايب 92 فى 2 جبت فى 3 73 على الرغم انى شديت حيلى فى 3 وتقريبا معظم اصحابى كده وليا واحد صاحبى كان جايب 95 وجاب السنه دى 65 وكتير اوى والله وعلى فكره النتيجه السنه دى ملعوب فيها جامد زودوا مجاميع ناس كتير وناس ادوها حقها الرياضه ماده حلوه وكل حاجه والفيزياء جميله والاحصاء تافهه جدا لكن الامتحانات بتاعة السنه دى غريبه جدا وعجيبه والحمد لله انى كملت الامتحانات على خير الواحد كان عايش اسوأ ايامه والله بعد امتحان التفاضل والتكامل ولا كنت باكل ولا بنام ولا حتى بشرب وبعدين دخلت امتحان الانجليزى وتفاءلت لكن امتحان الفيزياء قضى على كل حاجه وكان بيجيلى حالة هيستريا بعد كل امتحان وكنت مستنى امتحان الاقتصاد والاحصاء بفارغ الصبر عشان اجيب ال50 درجه عشان تبقى نهايه حلوه اودع بيها الثانويه الغم دى جالى امتحان الاحصاء وقولت الاحصا مافهاش لعب هيلعبوا فى ايه دى كلها شغل ابتدائى لقيت حاجات غريبه ومسائل اول مره اشوفها وحسيت انه مش امتحان احصا ده ممكن يكون حاجه تانى وتوقعت ان امتحان الاقتصاد اللى هيجيلنا مش هيبقى اقتصاد ممكن يبقى تاريخ او اى حاجه تانى لكن الحمد لله طلع اسهل امتحان وساعتها حسيت ان الادبى عايشين فى نعمه مش حاسين بيها انا مش بخوفكوا ولا حاجه بس اعملو ا اللى عليكوا وزاكروا وتوقعوا ان ممكن يجيلكم امتحان معقد واصمدوا فى الامتحانات لان سبب نقص المجاميع الامتحانات الصعبه وفى حاجه تانيه ان الطلاب اتصدمت وجالها حاله نفسيه وماقدرتش تكمل وعايز اقولكوا نصيحه مهمه بلاش الاقتصاد والاحصاء وخليكوا فى الفسفه وعلم النفس
|
|
#7
04-09-2008, 10:45 PM
|
||||
|
||||
|
اقتباس:
__________________
|
|
#8
04-09-2008, 11:04 PM
|
||||
|
||||
|
اقتباس:
تقريباً معظم الناس اللى فقدوا الأمل بعد الامتحانات دخلوا الكليات اللى عايزينها بعد التنسيق ولعله خير يمكن ده لحكمة ربنا وحده يعلمها عموماً الامتحانات مكنتش بالعبقرية ده قد ما هى لعب بالأعصاب واللى ليه نفس طويل يكسب لأن لو سألت معظم الناس يقولك لمّا راقوا بصوا فى الامتحان عرفوا يحلوا حجات مكانوش عارفين يحلوها فى الامتحان دلوقت خلينا فى دفعة 2009 أقول لكم امشوا بمبدأ يسروا ولا تعسروا بس اعملوا خطط بديلة فى حالة لا قدر الله الامتحانات جات صعبة يعنى توقع ما لا يتوقع و ادعوا ربنا يوفق الدفعتين 008 و 009 وخصوصاً إننا فى رمضان قولوا آميــــــــــــــــن
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم
|
|
#9
04-09-2008, 11:20 PM
|
||||
|
||||
|
عندك حق والله يا بشمهندس احمد ومبروك على الكلية واسكندرية كمان فيها اجدع ناس ويالا شد حيلك كدة فى الكلية علشان تقولهم نصايح عن كلية الهندسة وان شاء الله نحاول نقف جنبهم والله انا فكرت اساسا فى فكرة الموضوع دة علشان امتحانات السنة اللى فاتت الله لا يعودها علشان نديهم دفعة حب وصبر فى المواد وفى نفس اللى الوقت يشدوا حيلهم ومصيرهم يشيفوا امتحانات السنة اللى فاتت وبرجو منك انك تساعدنى ان احنا نقدر نشجعهم ويعرفوا اد اية سنة تالتة دى سنة جميلة ويشدوا حيلهم علشان يحققوا احلامهم وان النجاح بردة كدة مش بالساهل متشكر على مشاركتك
امين يا عبد الرحمن يارب بس اهم حاجة اجدعن انت كدة وانت ان شاء تجيب الدرجة النهائية بص الرياضة دى مش مادة تعقد تحفظ فيها لاحد لما نفوخك يفرقع لا مادة عاوز حل وتخلى دايما مخك شغال علشان كدة يا احمد انا بنصحك انك تحل كتب خارجية وطبعا كتاب المدرسة والنماذج وبصراحة انا بفضل كتاب لامى وفية كتاب مخصص للمسائل فقط بصراحة كتاب جميل ومتشكر على مرورك استاذى الفاضل متشكر طبعا على مشاركتك فى موضوعى وده شرف ليا طبعا وان شاء الله تقدروا تقدملهم حاجة كويسة يحبوا بيها مادة الرياضة ولا ننسى فضل الغرف الصويتة علينا وكذلك الاساتذة الافاضل مالك بس يا احمد روق كدة ما احنا كلنا قلينا بس محدش عارف الخير فين بس بدام والله بجيب كل حاجة بمجهودك ودخلت حتى كلية مش نفسك فيها والله احسن ميت مرة من انك تدخل كلية بالغش لانك بصراحة مش هتحس بحلاوة النجاح ومش هتقدر بعد كدة تكمل فيها الا بقى وان كان ليك واسطة بس بردة اما تيجى يتخرج ويشتغل المهية اللى هيقبضها مش هتبقى فلوسة او بمعنى اصح هتبقى فلوس مش حلال وصدقنى والله اوعى تعترض على قضاء الله لان ربنا هو اللى عارف لنا الخير فين مش احنا وبعدين اية حكاية الاحصاء دى بقى يا عم دة الاحصاء دى مادة جميلة والله دا انا لما بكون زهقان بحل ليا امتحان احصاء بس بردة فيها افكار واحنا عارفين كدة بس والله اد اية الامتحان كان جميل وشيق ما عدا طبعا السؤال الرابع بس بصراحة انا كنت متضايق من امتحان الاقتصاد لانى بجد كنت بكرة مش عارف لية معنى والله كنت بجيب درجات حلوة فية بس كنت متعود انى كنت اذاكر كل فصل لواحدة وقليت فية بص مش كتير اوى يعنى الحمد لله على كل شىء طبعا ومتشكر يا احمد على مرورك
__________________
|
|
#10
05-09-2008, 12:47 AM
|
|||
|
|||
|
علمي علوم , نصهم حول علم نفس بعد ما كان واخد اقتصاد و احصاء ...
أسأل شوية منهم : حولتوا ليه علم نفس ؟ قالوا : خايفين من الاحصاء . الرد ده دليل على انه لا دعوة للتفكير و تشغيل المخ و في إيه ؟ في ابسط الفروع الرياضية : الاحصاء . * * * ما رأيكم ؟ لماذا لا نقنعهم بالاحصاء ؟ او بمعنى اصح : مبدأ شغل مخك و ركز ح تجيب ؟ ببساطة , لا يحتاجوا الى التفكير , لان التفكير يتعبهم . حتى و لو بالمحاولة . من يجب الرياضة , يحاول البحث عن افكار , يحاول التفكير حتى و لو كانت محاولاته خاطئة . هناك مننا داخل رياضة 2 لعدة اسباب : - المجموع في 2 ثانوي لا يسمح , و بشد الحيل في 3 ثانوي , سيسمح لدخول كليات عسكرية او كليات هندسة او معاهد حاسبات و معلومات . - و مننا من يدخلها لانه يحب مادة الرياضة , كمنهج و كمادة عقلية . و انا من النوع الثاني , احب الرياضة حباً جماً , على الرغم من ان معظم الناس يخافوا منها . و انا كنت كذلك في 1 اعدادي , كنت اكره الرياضة , الا انني وجدت نفسي فيها بالفهم واحدة و احدة , و بالحل . نصيحة : حبوا الرياضة , ابحثوا عن افكار , و حلوا اكبر عدد من المسائل . و كما قال صاحب الموضوع : الرياضة جميلة . متخافش . و أقول : من يحب الرياضة لا يخاف , و من يستثقلها سيخاف اكثر من افلام الرعب
|
|
#11
05-09-2008, 01:58 AM
|
||||
|
||||
 ahmedovich يعنى اللى ذى حالاتى وجايبة 93.45 والحمد لله  <<< يعنى قال وصلت للقمةبالامتحانات بتاعت السنة اللى فاتت مااحصلش حتى معهد  والله لو على الاعصاب فى التلاجة ومفيش ابرد منى فى الامتحان  وعلى المذاكرة انا من بعد العيد احتمال مش ادخل تانى  وبرضو حاسة ان الفيزياء هتجيب اجلى بدرى بدرى  الامتحانات اللى عاملهم المستر بجيب 5.5 من 20 ايه اكتر من كده  اقتباس:
انا روحت حصة اقتصاد اتفه من التفاهه بجد سهلة جدا  والاحصاء حملت درس بتاع مستر خليفه ومفهوم وبسيط  انا هروح اذاكرى شوية قبل السحور يمكن الساعه دى تجيب فايدة  سلملم
|
|
#12
05-09-2008, 02:16 AM
|
||||
|
||||
|
موضوع جميل اتشرف بالمشاركة به انا دخلت علم رياضة لانى بحبها اوى
ولانى بكره التاريخ جدا جدا جدا وانا خذت علم نفس لانه مش فيه لعب واضمن الدرجة النهائية لانى مش عايزة انقص اكثر من كده
|
|
#13
05-09-2008, 02:31 AM
|
|||
|
|||
|
موضوع جميل ويجب ان يطرح قبل بداية العام الدراسى
اولا / احب ان اقول ان حب الرياضة لا ينطبق على كل الناس فمثلا/ اذا كان احدااا يحب التاريخ وانتا تكرة فلا تقنعة ان التاريخ لذيذ لانة لايتوافق مع قدراتة التعليم فى مصر احياناااااا....!! لايجبر احداااا على الدخول فى هذا او ذاك والحقيقة انا اريد ان اغير مفهوم من وجهة نظرى قام الناس بوضع قانون ان كلية الطب والصيدلة والهندسة و العلوم .....هم المقدمة يعنى لو واحد ما دخلش كلية من دول تلاقى العيلة زعلانة ومش عارف اية ... لماذا نضع المقايس هذة ... صدقونى هذة مجرد تفاهات فاذا دخل احدااا كليية الحقوق او تجارة ننظر الية وكأنة يحمل نوعاااا من الفشل معة فكل منا يعلم قدراتة ويقدر يوزعها بشكل جيد مثلااااااا اذا كنت لاتحب الرياضة وتكرها لماذا تدخل علمى رياضة لماذااا تدخل الكلية من اجل الحصول على كلية قمة فقط يعنى من اجل المنظرة وااا حصرتاة فأنا احترم احد دخل حقوق اذا كان يحبها من كل قلبة ومتاكد انة حياتة فيهااا على احدااا دخل كلية الطب او الهندسة وهو اصلا لايحب ذلك المجال
__________________
ابداً بأذن الله محاضرات الفيزياء للعام الدراسى الجديد ....للفيزياء الحديثه لجامعه كامبريج الالكترونيه ... فى الغرفه المخصصه لها على البال توك [CENTER] يوم الجمعه الساعه 12 من منتصف الليل 10/9 تابعونا .... آخر تعديل بواسطة mena288 ، 05-09-2008 الساعة 02:41 AM
|
|
#14
05-09-2008, 09:57 AM
|
||||
|
||||
|
اقتباس:
اقتباس:
mena288 <<<< لا عارفة طالب ولا مدرس كلامك مقنع وجميل انا بحب الرياضة و حاسة انى بلاقى نفسى فيها بس المشكلة فى الفيزياء يا خوفى لتعمل ذى الكيمياء وانقص فيها 3.5% بس هو ده خوفى من السنادى والباقى سهل واعرف اعديهم وانا ان شاء الله اواصل معاكم دروس واسئلة تحياتى
|
|
#15
05-09-2008, 01:33 PM
|
|||
|
|||
|
اقتباس:
انا مش زعلان بالعكس انا سعيد جدا وراضى بالكليه اللى دخلتها وبحمد ربنا انى دخلتها انا مكنتش متوقعها اصلا وبالنسبه للاحصاء انا قولت انها ماده تافهه والمفروض تدرس فى ابتدائى بس فى فرق بين الامتحان وبين المنهج وانت بتقول امتحان الاحصاء سهل ؟؟؟؟؟؟؟؟؟!!!!!!!!!! امتحان الاحصاء اللى يتحل فيه 15 درجه بس مع 25 اقتصاد يبقى 40 وهى دى الدرجه اللى جبتها انت ممكن تكون شايفه سهل وده تبع المدرس اللى انت بتاخد عنده اللى بيديك حاجات من بره لكن انا بعتمد على النماذج والمدرسه بس وان شاء الله تكون الامتحانات سهله سنة 2009 وادعوا الجمل يمشى
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:19 AM.
