هام للمعلمين الجدد بالعامرية اسكندرية

[النمر2011]

انا مبحبش الكلام الكتير
1- لنا فروق منذ عام 2008 حوالى774.5 جنية
2- المنتزة صرفتها منذ حوالى عام
3- سمعنا مؤخرا ان ادارة شرق وافقت المالية على صرفها لهذه الفروق
4- احنا فى العامرية لسه عايشين فى ميه البطيخ ولما نسألهم يقولوا لما المالية ترد علينا
5- لولا انى بذن على ودنهم انا و2 من اصحابى لكانت ماتت هذه الفروق تماما
6-عوزين نتجمع فى يوم لمطالبة بحقوقنا وليكن يوم الاثنين 23 /1 / 2012 علشان اليوم دا هيكون فى لجنة واحدة بس ونقدر نروح الادارة بدرى علشان نطالب بحقوقنا
7- الساكت عن حقه لا يستحقه
8- انتم اللى هتقولوا رقم 8 هنعمل ايه مش انا وشكرا

[صفاء الجمل]

انا من ادارة شرق بس عايزه اعرف الفروق دى بتاعة ايه بالظبط انا تعيين 1-7

[النمر2011]

فروق مالية منذ عام 2008 كانت بتاعت تقريبا منحة يوليو اللى كانوا بيكلوها علينا

[صفاء الجمل]

انا عرفت ان ادارة وسط الشيكات طلعت فيها خلاص وكمان هايصرفوها عقبالنا وعقبالكم يارب

[Noor Alex]

لو حد من المنتزة يقولى ايه الفروق دى

[yasowm]

الفروف دي اللي هما تعيين المعلم المساعد من 1-4- 2008 بعد هذا التاريخ اي تعيين 1- 12 ليهم حوالي 100 وشويه ودي فروق علاوات من 2008

[رناتا]

الفروق ده بتاعتن العلاوات من للمعلم المساعد 1/4/2008 ونص القرار يصرف لوسط والعامريه لانهم اشتكوا اسوة بالمنتزه واحنا هنا في شرق اشتكينا ومستنيين الرد وما ضاع حق وراه مطالب

[مصطفي ابوطلب]

خط الصعيد كله نايم فى العسل انا متخيل لو رحت الادارة وسألتهم على الفروق فى قسم الماهيات هيضحكوا عليا لانهم مش عاوزيناى زيادة للمدرسين

[mido181173]

طبعا ادارة البرج لسة في العسل مفيش اي اخبار عنها ولا سمعنا عن الفروق ديه خالص مالص وكمان بالص

[النمر2011]

ولا واحد كان موجود معايا فى الادارة النهاردة 23 /1 عموما شكرا ليكم هذا المجهود الخرافى المتوقع

وقبل ما انهى الرسالة احب اقول لمعلمى العامرية الجدد

الساكت عن حقه لا يستحقه

متستحقوش اى حاجة