جوزيه خلع !!!!!

[T!to]

يغادر القاهرة مساء اليوم، الخميس، البرتغالى مانويل جوزيه، المدير الفنى للأهلى، عائداً لبلاده بعدما قرر فسخ عقده مع إدارة النادى عقب الأحداث المؤسفة التى شهدتها مباراة الفريق أمس مع المصرى ببورسعيد، وأسفرت عن وفاة ما يقرب من 75 مشجعاً وإصابة أكثر من ألف مشجع .

علم "اليوم السابع" أن جوزيه أبلغ مسئولى النادى بقراره النهائى بالرحيل خوفا على حياته من الأحداث الأخيرة.

وقال مصدر فى النادى، إن جوزيه سيصطحب معه جهازه المعاون المكون من البرتغالى بيدرو المدرب العام للفريق، والأرجنيتنى أوسكار مدرب تحليل أداء اللاعبين والبرتغالى فيدالجو مدرب الأحمال البدينة.

وأشار المصدر ذاته إلى أن جوزيه وجهازه المعاون سيجتمع مع حسن حمدى رئيس النادى اليوم وسيُغادر بعده القاهرة بعدما أنهى إجراءات الحجز مساء أمس.

http://www.youm7.com/News.asp?NewsID=592652&

[T!to]

is not nice what happened is very bad but not nice frome him to leav now but this the uropean coaches after interest

[bebo_93]

معاه حق انه يفسخ عقده ويمشى اى حد مكانه هيعمل كده

الراجل مش جاى هنا عشان يموت كان جاى وواخد فكره كويسه عن مصر اللى انبهر بيها طول فترات تدريباته للاهلى

لكن للاسف بعض الجهله البلطجيه شوهوا صوره مصر كالعاده
وطول ما احنا بنتخاذل فى قرارتنا وتحقيقاتنا ووصولنا للحقيقه هيحصل كده تانى وتالت

شكرا عالخبر يا طاهر

[Golden Eagle]

اظن ف المؤتمر النهاردة كذبوا الخبر دا

[mon mon مصطفى]

والله عندة حق

[kalefam]

حسبنا الله و نعم الوكيل فى كل من يسعى أول تسول له نفس تخريب مصر

[زكى يوسف]

عنده حق لما اهلها يعرفوا قيمتها و يعنى اية كلمة مصر وما يدوش فرصة لاى حد يتطاول عليها و يقتل شبابها و يطلع منها فى كل مرة من غير حساب و لا عقاب يبقى هو يتمسك بيها

[زكى يوسف]

بس انا قرات انه تراجع عن موقفه يا جماعة الراجل ده شكله ابن ناس وملوش فى البهدلة بس برادلى طلع راجل كمان وقال عمرى ما فكرت أرحل عن مصر عجبنى قوى مع ان ناس من اهاها منكثر الظلم بيفكروا يبعدوا عنها

[T!to]

ماشى مفيش مشاكل يمشى ..مش هتفرق
بس خلع على طول كده ..
سيبك من العشرة وان النادى له افضال عليه ..
مش يشوف الدنيا هتمشى ازاى الاول وبعد كده يقرر..!!
بصراحة الموقف مش عاجبنى لو بجد
شكرا للمرور

[أ/محمد ابراهيم]

نفى مانويل جوزيه المدير الفني للنادي الأهلي كل الأخبار التي تناقلتها بعض وسائل الإعلام عن نيته في الرحيل عن قيادة الفريق الأحمر.
وجاء النفي في بيان رسمي صدر عن النادي الأهلي وجاء على النحو التالي:
أعلن مانويل جوزيه المدير الفني البرتغالي للنادي الأهلي أنه مستمر في مهمته مع الفريق الأول لكرة القدم بالنادي وأنه لا صحة على الاطلاق لما ذكر في بعض وسائل الإعلام اليوم أنه تقدم بطلب لفسخ تعاقده مع النادي.
وكان الكابتن حسن حمدي رئيس مجلس ادارة النادي الأهلي قد عقد اجتماعا مساء اليوم الخميس مع مانويل جوزيه وتحدث معه في كافة الأمور المتعلقة بأحداث بورسعيد التي وقعت بالأمس، وكان هناك اتفاق تام على استمرار المدير الفني مانويل جوزيه في موقعه ومهمته، ولم يتقدم البرتغالي بطلب لفسخ تعاقده على الاطلاق، مبديا ارتباطه الشديد بالنادي الأهلي وجماهيره العظيمة

[LoOoLy El Treikawya]

حتى لو فكر يمشي دا حقه

الراجل كبير فى السن ومش قد البهدلة

وبعدين هو يموت فى سبيل ايه؟ شهرة ؟ بطولة؟ مال؟ معتقدش ان حاجة من دول تستاهل

اصلا مانويل اخر واحد معرفش يجري فى الاحداث اللى حصلت نظرا لكبر سنه واتضرب وكان اقرب ما يكون للموت

[دموع القهر]

أحنا حنسيب الى ماتو والقتلة الخونة وبعض رجال الشرطة الخونة وندور على أخبار ملهاش لزمة فى الوقت الحاضر

[ياسمين_45]

جوزيه بيعشق جماهير الاهلي و الفريق و لا يمكن يسيبه

[عبد الرحمن محمد كامل]

هو في أجازة وهيرجع إن شاء الله بلاش ننقل أخبار مش متأكدين منها