سؤال هااام جدا لجميع الاساتذة الافاضل

[M.G.W foR help]

اساتذتى الافاضل واخوتى وزملائى الطلبة : تقابلنى فى علم النفس مشكلة كبيرة جدا وهى
1- هناك العديد من الاسئلة يكون فى نفسى لها اكثر من اجابة ولا اعلم ايهما الصحيحة فما الحل ؟
2- بعد انا اذاكر واحفظ الدرس جيدا اجد انى لا استطيع الحل خوفا من ان تكون الاجابة ناقصة ؟
فارجوا من احد الاساتذة الافاضل افادتى ولكم جزيل الشكر

[Hager Adel]

انا كمان بحس بالمشاكل دى احيانا

لكن لما اكون شاكة فى اجبتين لسؤال معين

بكتب الاتنين فى الامتحان ..

وبحل اسئلة بعد الدرس على طوول وبخلى المستر يصححها

ولو فى حاجه ناقصة بعرفها ..

ياريت حد يفيدنا اكتر

تحياتى

[مستر محمود فتحى سليمان]

السلام عليكم ورحمة الله وبركاته
اولا بالنسبة للنقطة الاولى انا عامة بنصح كل الطلبة اللى عندى انهم يفكروا ويفهموا مايحفظوش علشان النقطة دى بص ياباشا فكر فى السؤال قوى وأسأله لنفسك بطريقة عامية وحاول تجاوب عليه فى نفسك بردوا شوف اقرب اجابة انت حاسسها انها صح اية وتمشى مع السؤال وهتلاقيه صح
تانى حاجة مذاكرة علم النفس عامة لازم ينطبق عليها بأسئلة وحل أكثر من مرة
بالنسبة للحاجة التانية اللى هيا بتبقى خايف انه يبقى فيه حاجة ناقصة علشان انت بتحفظ وانا من وجهة نظرى المتواضعة ان علم النفس بيعتمد على 70% فهم و30% حفظ حاول تفهم مش تحفظ والله الموفق

[user20]

بجانب كلام مستر محمود, حاول تحل امتحانات وأسئلة مجابة وصحح لنفسك وقارن اجابتك بالموجود في نموذج الاجابة ومع الوقت وكتر الحل هتلاقي اجاباتك شبه نموذجية .

وفي الامتحان تقدر تعمل حل واتنين وتلاتة بس ما يكونوش متناقضين .

بالتوفيق للجميع ان شاء الله .

[heshamahmedsaleh]

أحبائى الطلاب
ألابد أن تعرف شيئان
أولهما الفهم ضروى جدا لحل هذه الأسئلة
ثانيهما لابد من التركيز مرة واثنين وثلاثة فى صيغة السؤال حتى تتوصل للاجابة الصحيحة
ثالثا اعرض لهة الأسئلة لنا وسنجيب عليها جميعا متى واجهك سؤال حتى تنتهى وتتدرب عليها