متعاقدى 2009

[محمدحسين على]

ماذا عن متعاقدى 2009 اللذين عددهم لا يتجاوز 5000 متعاقد هل سترسل اسمائهم الى التنظيم والاداره قبل موعد اقصاه 20 فبراير الجارى مثل ما قال د / صفوت النحاس ولا الازهر حيتأخر ذى كل مره وبعد كده نطلع بحجج ملهاش اول ولا اخر ارجو الرد

[نور الحياة2020]

أكيد طبعا هايتأخر زى كل مرة هى دى محتاجة سؤال؟!!!!!!!!!!!!!!!!!!!!!!!!!!!!!!!!!!!!!!!!!!!!!

وهايتكرر نفس السيناريو :
المسؤلين فى الأزهر هاينامو لحد ما كل الناس تتثبت وتاخد حقوقها وبعدين متعاقدين الازهر هايثوروا ويسألو احنا فين من فيلم التثبيت ده وبعدين هايرجع المسؤلين يدولهم مسكنات ويقولوا ما تخافوش اللى هايحصل لموظفين الدولة هايحصلكم وبعدين هايكتشفوا ان قانون الازهر طلع وعمل استقلال للأزهر وطبعا لأنهم ما بيفهموش اى حاجة فى القوانين (غير طبعا الالتفاف حواليها)
مش هايعرفوا يعملوا حاجة ولا هايطبق القانون صح!!!. بس كده ...وهاينتهى الفيلم ده بنفس نهاية الفيلم اللى فات وهو ان مافيش اى حاجة بتحصل اصلا وده لأن مخرج الفيلمين واحد

ومعذرة للمتفائلين اللى شايفين ان كلامى كله تشاؤم بس للأسف هو ده الواقع اللى حوالينا وابسط دليل ان لحد النهاردة مافيش ولا واحد من المثبتين حديثا -كما يقال- أخد حقه زى مثبتين التربية و التعليم

[احمد حسانين على]

كلامك صح فى التربية والتعليم ثبتوا جميع مدرسى الجمهورية بجرة قلم ومستنوش القرارات ولا المنشورات ولا الملفات ناقصة ولا اصل الموظف نسى يجيب دمغة بجنية ولالالالالالالا

[احمد حسانين على]

وكمان مقلوش فى التربية والتعليم نثبت مديرية كذا ولا محافظة كذا علشان كلهم فى وزارة واحدة علشان المدرس اللى فى اسوان هوهو اللى فى اسكندرية اما الأزهر عملها دول ويقولك هنثبت كل المناطق بحسبة بسيطة عندك 26 منطقة كل شهر بيثبت منطقة يعنى فى ناس هتتثبت بعد 26 شهر يعنى سنتين حاجة تقرف بجد

[mr.ahmedgalal2010]

ان شاء الله هنتثبت قريب
الصبر يا رجاله
اللى قبلنا صبروا كتير اوى واحنا لازم نصبر حبة كمان وربنا ييسر الامور ويسير المراكب

[أبو صهيب السوهاجي]

إن شاء الله التثبيت قريب .......صحيح اللي قبلنا صبروا كتير أوي واحنا لازم نصبر حبة كمان وربنا ييسر الأمور .

[samfantom]

امال متعاقد 2010 يعمل ايه يولع فى نفسه