مساعدة لو سمحتم ؟؟

ميمي القمر · #1 14-02-2012, 01:49 PM

ممكن حل المسألة في كتاب الامتحان صفحة 32
رقم 4

*تائبة فى رحاب الله* · #2 15-02-2012, 05:31 PM

انا هكتب راس السؤال ويارب يكون هو السؤال اللى انتى عاوزاه
الشكل البيانى المقابل (هو طبعا مفيش حاجة اهو كلام)المهم
يمثل علاقة بين الازاحة الحادثة لجسم والزمن احسب الازاحة الحادثة والمسافة الكلية.

بصى حبيبتى الحل ان شاء الله هيكون كالاتى
الازاحة هتساوى 20+20+10=50
اكيد هتقولى جات ازاى انا هقلكهو الجسم مشى فى الاول 20mوبعدين وقف شوية سكن يعنى مقطعش اى مسافة او ازاحة واتحرك بعد مسكن رجع نفس المسافىة اللى هى =20mوزيادة عليهم كمان 10 يبقى المجموع 50m
نيجى بقة للازاحة اكيد طبعا انتى عارفة ان الازاحة كمية متجهة وعارفة طبعا ان لو الجسم عاد لنفس نقطة البداية هتكون الازاحة بصفر وتفسير الجملة دى هو حل المسالة فصحصحى معايا هديكى مثال
لما الجسم مثلا يتحرك مسافة 5m جهة الشرق فى اتجاه ثابت ويرجع عكس الاتجاه دة يعنى فى الغرب هيرجع 5mبس طبعا فى عكس الاتجاه وعشان كدة هنخليه باشارة سالبة يبقى نيجى نجمعهم5-5=0
لو فهمتى دة اكيد هتحلى دة بسهولة هو قطع الاول 20 فى اتجاه معين ورجع مسافة 30 فى عكس الاتجاه يبقى هنخلى 30 باشارة سالبة ونجمع
-30+20=-10
يبقى الازاحة =-10 اتمنى ا

نى اكون افادتك احنا زمايل واللى ملهوش خير فى زمايله ملوش خير فى اهله وربنا يوفقك ويوفقنا جميعا يارب

ميمي القمر · #3 15-02-2012, 07:32 PM

جزاك الله ألف خير يا حبيبتي .. وأنا فهمت الحل وربنا يوفقك يااااااااارب ..