احتاج مساعدتكم ماذا افعل مع خطيبى

[moraelamora]

انا فتاه جامعيه مخطوبه و غير مخطوبه بمعنى ان خطيبى تقدم لى لكن الخطبه بعد سنتين و الزواج بعد 4 ولا يوجد بيننا اى اتصال و ذاك شئ يسعدنى لانى عرفت انه لى باذن الله و كمان لاننا لا نتكلم بدون صله حتى لا نغضب الله
.
مشكلتى كالاتى و اتمنى المساعده
انا فى واحد فى الاعدادى كان بيحبنى و انا لا ولا كان فى بالى و كمان كان بيعمل المستحيل علشانى و انا ولا الهوى المهم هو دلوقتى ربنا يرحمه و يغفر له و يغفر لى يارب اى ذنب و اى سبب خليته يحبنى
المهم فى واحد زميله دا كان بيحبنى و انا كنت بعامله كأخ و بس و فى فى الوقت دا اتنين بنات كانوا بيحبوه ووكانوا على اتصال به المهم قالوا فى حقى كلام كذب كتير اوى و تأليف كتير و انا مش فاهمه حتى الان ايه ذنبى
.
بس المهم ان بعد الاعدادى دخلت الثانوى فى اولى ثانوى فى واحد حبنى مش اعرفه قبل الثانوى و قال للناس كلها انه بيحبنى و اتخانق فى البيت مع اهله بسببى اكتر من مره و انا مكنتش اعرف اى حاجه عنه اساسا اما عرفت اتصدمت حبنى ازاى و امتى و انه فى البيت عنده عارفين انه بيحبنى و انه عاوز يتجوزنى اما نخلص و انا اصلا مفكرتش فيه قبل كدا
.
وفى واحد فى 2 ثانوى حبنى و بصراحه اعجبت بيه بدأ كلامنا على الفيس كنت برفض اكلم اولاد و كان دا معروف عنى لحد ما هو اتكلم معايا على الفيس فتره طويله كاخوات و بس و بعدها قالى انه بيحبنى و انا اعتبرت نفسى معرفتش اى حاجه و لا كأنى قراتها و فى يوم طلب رقمى كان بالنسبه لى صعب اووى انى اديله الرقم بس بعد محايله و اصرار و انا كنت بعتبره اخى اديته الرقم و كلمته فعلا و بعدها بحوالى 6 شهور قولت له انى بحبه و فى الفتره دى كان قالها لى كتير اوووى وانا ارفض و بعدها اخدت قرار مش حكلمه تانى ابدا
بس رجعنا و اتكلمنا و فى الوقت دا كان بيغير عليا جدا و انا كنت كل يوم بخاف اكتر من بكره و بخاف انى اكيد مش حترتبط بيه كنت مرعوبه المهم انى الحمد لله ماليش اى صله بيه حاليا بس ال ضايقنى اووى انى بعد ما بعت عنه خلاص و رجعت لربنا و استغفرته لقيت عمى عرف و ابن عمتى كمان وقتها اتكلم معايا ابن عمتى و انتهى الموضوع و عرفت ان عمى عرف فقررت اروح له و فعلا روحت له علشان اتكلم معاه و كنت خايفه اكون نزلت من نظره او اى حاجه و كنت شايفيه نفسى بنت مش محترمه و مش مؤدبه و كارهه نفسى جدا
بس اتكلمت معاه و اكان نفسى يتنرفز او اى شئ بس ما اتنرفزش ولا اى حاجه اتكلم معايا بهدوء و اقنعنى ان دا غلط و اتكلمت معاه فى كل حاجه و الوضع انتهى الحمد لله
بس ابن عمتى قالى انتى مش بنت خالى ولا عايز اعرفك تانى وقتها زعلت اوووووووى و استمريت فتره كبيره حزينه لحد ما الحمد لله رجعنا تانى اخوات كما كنا انا و ابن عمتى
.
و المشكله التانيه انى لو اى حد احتاج مساعدتى او سألنى عن اى حاجه كنت بساعده سواء بنت او ولد و للاسف حصلت لى مشاكل كتير بسبب دا
زى مثلا واحد زميلى فى جروب بيتكلم عن التحويل من الكليات للمعهد فنى صحى و انا كتبت قى كومنت ان التحويل مفتوح و سألنى حتحولى ولا لا قولت لا مش ححول و بس قالى ليه قولت انا مقتنعه بكيتى الحمد لله و هى الخير لى الحمد لله بعدها كتب كلام كتير و انا مرديتش
.
المهم اتفجأت انه بيتكلم عليا علشان رديت على الكومنت و قال كلام كتير بس بصراحه مش كلام عيب الحق اقوله هو قال انه اتكلم معايا عن التحويل بس زود كلام كتييييييير اوووى و قال انه كلمنى مش فى جروب للدفعه المهم ربنا نصرنى بواحد شاف البوست فى الجروب وواجه بالحقيقه و فى الجروب بردوا وانا مكنتش عرفت اى حاجه حصلت الا من الكلام ال صاحبه واجهه فى البوست بالكلام وقتها فهمت وزعلت اووى

.
وفى كمان واحد بيحب واحده قريبتى وللاسف كانت بتكلمه من موبايلى و انا معرفش نهائى اى حاجه و كانت بتبعت له رسايل كتير و تكلمه و اما عرفت اتخانقت معاها جدا لانها بتكلم ولد و مافكرتش اساسا انها بتكلمه من موبايلى بس حاولت امنعهم عن بعض المهم انى ما قدرتش بالعكس اتقلب الوضع ضدى انا و هى خليتنى اعتبره اخ ليا و اما تزعل منه كانت تقولى و انا كنت لو كلمت حد فيهم امنعه عن كلام التانى و للاسف هو كان بيقول ان انا ال بتكلم معاه بس ما قالش ان انا بحبه لا هو قال عن ال بيحبها و بتحبه انها بتكلمه وكل حاجه و عنى انا قال دى بتتصل عليا بحكم الاخوه و انا ما اتصلتش ولا مره انا ممكن بس لو كانوا بيتكلموا اتدخل فى الوضع واحاول ابعد بينهم بس الدنيا كلها كانت ضدى انا لانهم للاسف الاتنين كانوا بيستغلونىهى كانت بتحكى له كل حاجه عنى و هو كان بيحكى اى حاجه عنى للناس مفكر انى ممكن اخون قريبتى و ابيع سمعتها للناس
المهم و فى يوم قريبتى دى بعتت له رساله من عندى و انا معرفش فى العيد مكتوب فيها كل سنه و انت طيب طبعا انا معرفش انا اتفجأت بابن عمى بيسألنى عن الرساله دى و كنت مصدومه جدا
.
.
انا هى دى كانت حياتى او بمعنى اصح دا كل شئ سئ كان فى حياتى من يوم ما اتولد و انا دلوقتى بفكر اقوله للشخص ال حرتبط بيه بعد سنتين بس مش عارفه يا ترى ينفع اوصله الكلام دا واحنا ما فيش اى صله بينا ولا ما ينفعش و كمان هو ممكن يبقى موقفه ايه بعد الكلام دا كله
و بردوا انا لو قولت له حقوله و انا صلتى ايه بيه كل صلتى بيه خطيبته المستقبليه و مستقبليه تنفى اى صله دلوقتى بينا رغم ان ربنا يعلم انا اصلا اعتبرته خطيبى و كتبت له كلام كتير اوى كمان و اتمنين اكون الزوجه الصالحه و الام النافعه و ابنه باره لوالديه انا بجد مش عارفه اعمل ايه
المفروض اقوله كل دا ولا لا انا خايفه اضحك عليه ممكن يكون شايفنى حاجه معينه و انا للاسف كان فى مشاكل فى حياتى زى دى خايفه اووى اخبى عليه اتفاجأ بعد فتره من زواجنا بانه عرف وقتها يبقى حياتى اتدمرت للابد لان انه يعرف منى افضل من انه يعرف من غيرى انا مش عارفه اعمل ايه كان فى حياتى غلطات ال قولتها لكم دى و دلوقتى انا ما فيش اى حاجه نهائى و كل ال جويا انى بقيت بتمناه ليا و بس و مش عارفه ليه بس بجد بتمنى له الخير من كل قلبى و التوفيق ليه و لعائلته كلها و دايما بتكلم عنهم مع ماما و انى اتمنى ابقى زوجه صالحه و كلام كتير اوى بقوله انا وماما مع بعض لان محدش يعرف موضوع انه اتقدم لى
.
المهم انا دلوقتى اقوله ولا لا ؟؟؟ الصح انى اقوله طبعا بس اقوله امتى دلوقتى ولا كمان سنتين اما نتخطب ولا كمان 4 سنين اما نتزوج ولا اعمل ايه انا مش عاوزه اخبى عليه اى حاجه او اكذب عليه فى ا ىحاجه مهما كانت