عملتو اية لاخوانم فى سوريا؟بتفتكروهم حتى بالدعاء ؟ورب الكعبة احنا نقدر ننصرهم ادخلوا

[dandana.s]

السلام عليكم
انا با كتب الموضوع دة وقلبى بيتقطع علشانهم
علشان اخواتنا فى سوريا واللى بيحصلهم من بشار الجحش اللى ان شاء الله نهايتة قربت
بس هل ياترى على طول هنفضل نتفرج لحد امتى
كل يوم من 80 ل100 شهيد ماتو بابشع طرق القتل والتعذيب
تخيلو لو الشاب المدبوح دة اخوك الكبير او الشيخ اللى بيدوسو على رقبتة بالجزمة تخيل لو هو ابوك وتخيل الست الكبيرة اللى بيذبحوها بدون رحمة وهيا بتدافع عن بناتها علشان الشبيحة ميخدوش بنتها ويغتصبوها
تخيل لو البنت دى اختك كنت هاتعمل اية
مينفعش ياحماعة والله اللى بيحصلهم
كل يوم وسائل الاعلام تكتب عن 100 شهيد ومفييييييييييييييييييش مشاكل خالص ومحدش بيتحركك
انما المشاكل فعلا اللى المنظمات تتحرك ليها لما الكلب بتاع بان كى مون يجيلة اسهال
انما المسلمين واهل السنة يقتلو ويذبحوا بالمئات وصور تعذيهم بابشع الصور تنتشر على النتن وبردو محدش بيتحرك
اوعو تكونو سلبيين وتقولو نعمل اية
على فكرة فى سلاح قوى جدا معانا وهو الدعاء
بالله عليكم هل فكرت مرة تقوم تدعيلهم بالليل
هل فكرتو مرة تقومو تصلو ركعتين مخصوص ليهم زى ما بتقومو علشان تذاكرو او تقومو علشان تتفرجو على التليفزيون
طب بلاش تقومو تصلو وتدعولهم بالليل مع ان حقهم علينا اكتر من كدة هل فى مرة فى السجود جة على بالكم انكم تدعولهم
ياترى انتو حطينهم فى بالكم
والله العظيم الواحد عمرة ماهيقدر نعم ربنا علية
والواحد عرف بعد اللى بيشوفة فى سوريا قد اية نعمة الامن نعمة عظيمة
نعمة انك تكون مع اهلك وتكون الاسرة كلها متجمعة مع بعض على الاكل مش قاعد بتاكل فى سوريا ومش عارف اية مصيرابوك واية مصيراخوك ياترى مات ولا بيعذبوة وحاجة اخر هم
المهم احنا لازم نكون ايجابيين ونعمل اللى نقدر علية
ولو اى حد عندو مقترحات ياريت يقولها
انا باقترح اول اقتراح وهو الدعاء اناحنا نتذكرهم على طول بالدعاء ومعلش لو كنت طولت عليكم بس والله القضية خطيرة حبيت احطها فى اجتماعيات طلاب بالذات علشان عارفة ان الطلاب مشغولين بالمذاكرة وكتير منهم مش عارفين الاحداث فى سوريا
وعلى فكرة محدش يقول انة مشغول عن المذاكرة ومش فاضى حتى يفكر لاهل سوريا ويدعيلهم لان المذاكرة مش عذر وفكر كويس وحط نفسك مكانهم
وعلى فكرة انا بردو طالبة وفى ثالثة ثانوى وحبيت الفت انتباهكم للقضية دى
وعايزة اشوف منكم تفاعل
واخيرا بهدى لكم الانشودة دى وياريت تسمعوها بقلوبكم مش بودانكم
انشودة "ابكى على شام الهوى" لمشارى راشد العفاسى

ورب الكعبة مش هننساكم
ورب الكعبة يااختى وياامى ويا ابويا ويا اخويا مش هننساكم
وربنا يكتب لهم النصر عما قريب
وبالله عليكم عايزة اشوف التفاعل بتاعكم واتاكد هل فعلا احنا المسلسن اخوة مع بعض فى نفس الارض بس ولا فى اى مكان فى العالم