الحقيقة يعرض فيديو للشيخ يعقوب يتهم طالبات جامعة المنصورة بالانحلال والعرى.. وغضب بين

[aboyoussef]

الحقيقة يعرض فيديو للشيخ يعقوب يتهم طالبات جامعة المنصورة بالانحلال والعرى.. وغضب بين الأهالي



الحقيقة يعرض فيديو للشيخ يعقوب يتهم طالبات جامعة المنصورة بالانحلال والعرى.. وغضب بين الأهالي

- يعقوب يطالب بالفصل بين الطلبة والطالبات.. ويؤكد: رأيت ما لا عين رأت ولا أذن سمعت داخل المنصورة- عميد طب أسنان : كلام الشيخ مرفوض و يسيء لجامعة المنصورة كتب – سامي جاد الحق :أذاع برنامج ” الحقيقة” في حلقة الثلاثاء تقريرا مصورا هاجم فيه الشيخ محمد حسين يعقوب، الداعية الإسلامي طالبات جامعة المنصورة حيث وصفهم بال*****ة والعرى خلال ندوة أقيمت بالجامعة الاثنين.ورصد البرنامج الذي يقدمه الإعلامي وائل الإبراشي وبثته فضائية دريم 2، حالة الغضب التي سيطرت على أهالي المنصورة غيرة على بناتهن بعدما وصفهم الشيخ يعقوب بأنهن طالبات ووصفهم بال*****ة.وتضمن التقرير مطالبة الشيخ يعقوب إدارة جامعة المنصورة بالفصل بين الطلبة والطالبات وعدم الاختلاط بينهن.وقال حسين يعقوب أثناء الندوة، رأيت مالا عين رأت ولا أذن سمعت داخل جامعة المنصورة مشيرا أثناء الندوة إلى انه ظن انه يعيش في دولة غير مصر بسبب ما رآه داخل الجامعة.وقال محمد قناوي، عميد كلية طب أسنان المنصورة لكاميرا برنامج الحقيقة إن كلام الشيخ يعقوب مرفوض واصفا الشيخ يعقوب بأنه يسيء لجامعة المنصورة مشيرا إلى أن الطلبة والطالبات الذين أساء إليهم يعقوب من أهل الريف…..وهو ما دعا الإبراشي إلى التعليق قائلا: إن الاختلاط داخل الجامعة لا يؤدى أبدا إلى الانحلال الذي تحدث عنه الشيخ يعقوب مشيرا إلى أننا لا يجب أن ننظر إلى الفتاة حسب ملبسها على أنها تثير الفتن لكن يجب أن ننظر إلى العقل.
http://news.egypt.com/arabic/permalink/1970370.html

[صفاء عزمى]

كلا مه صح مية مية
لبس بنطلونات ضيقة وماكياجات ومسخرة كلها في الجامعات وكافتريات

[أنين الأنين]

يا ترى ايه لازمه الخبر ده دلوقت ؟؟؟؟؟؟
ولا بيكملوا الحملة الموجهة
حسبنا الله ونعم الوكيل
شكرا على الخبر

[صوت العقل]

شكرا .. جزاكم الله خيرا على نقل الخبر ..

[Mr.Hani]

فعلا لابد من اعادة تقييم الامور لدى المواطنين
اصبح الانحلال سائدا بين اوساط الطلبة الجامعيين للسف الشديد الا من رحم ربي
شكرا على الخبر

[.. New life recharge]

هي المنصوره بس

[عاشق البلانكو الابيض]

امال لو شاف الباقى هيقول ايه
شكررا على الخبرررر

[mr salah Osman]

هو الشيخ لما يقول الحقيقة ويصرح بالواقع الأليم الذي رآه ونراه نحن كل يوم يكون مسيء للجامعة ؛ ثم مين الأهالي الغضبانين
دول ؛ هم مش بيشوفوا بناتهم لابسين آيه .... يا راجل بلاش دياسة وقذارة وخلاعة ... أليس فيكم رجلُُ رشيد

[مروه]

هههههههههههههههه
لا حول ولا قوة إلا بالله
والله العظيم أنا كل يوم بحتقر الإعلام ألف مره عن اليوم اللى قبله
وكمان مسمى البرنامج " الحقيقة "
هى فين الحقيقة دى
بتعرضوا الكلام اللى على مزاجكم بس

أنا كنت فى الجامعة اليوم ده
ومش حضرت الندوة بس لو الشيخ يعقوب قال
أكتر من ده 100 مره هيبقى عنده حق

وده كلام زميل لنا فى الكلية
واللى حصل مع كتير من أصحابى

""انا يا جماعه عايز اقول لكم حاجه حصلت معايا النهارده
النهارده الساعه واحده رحت السنتر اجيب حاجه
المهم رحت لقيت مراسله من برنامج الحقيقه للاستاذ وائل الابراشى
لكن انا احترامى قل جدا للراجل ده بعد اللى حصل
طبعا كلنا عارفين بندوه الشيخ يعقوب ف الجامعه وتعليقه الظريف على لبس بعض بنات الجامعه والانتمه اللى بتحصل قال الشيخ : رايت مالا عين رات ولا اذ...ن سمعت
بصراحه لقيت المذيعه دى واقفه وبتدور على اى حد يغلط ف الشيخ وخلاص
وكل لما تصور مع واحد يرفض انه يغلط ف الشيخ قالت كلمه والله استفزتنى جدا قالت كده التقرير( هيبوظ )
عرفت انها بتدور على اى حد يشتم ف الشيخ قلت والله لأعلى عليها الضغط وقولتلها انا ممكن اسجل معاكى وكان معايا كذا واحد صاحبى
هيا فرحت اوى وقالتلى انت عارف انا عايزه ايه الكلمه دى ضايقتنى اوى بس بقى انا لما اضايق اتراخم على اللى مضايقنى
قولتلها اه طبعا دا متشدد اوى
المهم هيا فرحت اكتر بعد الكلمه دى وساعه لما وقفت قدام الكامير وبدا التصوير قالتلى ايه رايك ف الشيخ
قولتلها عالم فاضل من علماء المسلمين وعنده حق ف اللى قاله وبدل ما تصورى معايا صورى البنات اللى ف الجامعه والناس تفصل بينا

ولقيت وشها جاب الوان وكانت هتدينى بالميكرفون ف دماغى بس الحمد لله حرقت دمها
وفضلت ماشى وراها انا وصاحبى وكل لما الاقى حد من اصحابى اقولهم لحد لما شدينا معاهم قدام صيدله واتلم طلاب سفينه النجاه علينا ونزل دكاتره من الاداره وخدوا الشريط وطلعوا يراجعوه مع العميد لانهم مكنش معاهم موافقه صلا
بس برده حرقت دمهم وزعقت للمخرج والمذيعه
حفظ الله الشيخ محمد يعقوب وبارك له ولنا فى عمره
واتمنى بعد القصه دى اننا نتاكد من كل قضيه بتعرض ف الاعلام القذر ده ونعرف انه بيركز على افكار معينه""




ربنا يخلصنا بقى من الإعلام المستفز ده