ازاى تعرف المصرى من بين 1000 واحد .

[abomokhtar]

- لو سألت سواق تاكس على عنوان وبدل ما يدلك قالك امشي ورايا.. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه
- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تقابل واحد وتسأله وعمره مايقول "ما أعرفش!" جينيوس مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-. و لما ركبه تخبط فى بعضها من الرعب و هو داخل القسم يعمل بطاقة الرقم القومى ........................ هو ده المصرى

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى الواحد (او الواحدة) ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تيجي تدفع الأجرة لواحد أول مرة تعرفه، يحلف عليك تخلي بأه

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصرين صميمين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهات
ويضحك اللى حواليه
وكل العالم يتكلم عليه وعلى خفته

يبقى انت اكيد تقصد اعظم شعب موجود على الكرة الارضيه... شعب مصر
(منقول)

[.. New life recharge]

فعلاً هو دا الشعب المصري أعظم شعب وأجمل شعب
...

يارب بكره يبقي أحلي


مشكور ع التوبيك

[أ/رضا عطيه]

يبقى انت اكيد تقصد اعظم شعب موجود على الكرة الارضيه... شعب مصر




الله عليك
دائما تسر القلب بموضوعاتك الخفيفة
جزاك الله خيرا على نقل الموضوعات التى ترفع عنا بعض الحزن فى هذاالزمن الكئيب

شكرا جزيلا أخى الكريم

[صوت العقل]

فعلا استاذى .. هو ده المصرى اللى على حق ..
شكرا .. جزاكم الله خيرا للمجهود الرائع ..

[دموع الروح]

بجد رووووووووووووووووووووووعه
فعلا اعظم شعب هو الشعب المصرى
تسلم يداك

[Heartbeat]

كلام صادق وكتيير منه بيحصل فعلا
الشعب المصرى شعب جميل اووى بجد
من اروع الشعوب بلا شك

بس محتاج شوية تعديلات

جزاك الله خيرا

[LoOoLy El Treikawya]

ههههههههههه صح والله

ماعدا بتاعت القسم

مصرية وافتخر

شكرا على التوبيك

[Ezel]

وهو دا العادى من شعب مصـــــــر ^__^
******

شكراااا ع الموضـــوعــ

[مسلمة متفائلة]

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصرين صميمين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهات
ويضحك اللى حواليه
وكل العالم يتكلم عليه وعلى خفته

بظبط : )

بـارك الله فيكم

[كليوباترا مصر]

فعلا فعلا فعلا
هم دول المصريين بخفة دمهم وجدعنتهم وشهامتهم
واصالتهم
ياااااارب احمي مصر واحفظ اهلها

[totta2101]

فعلااااااااااا هم دول المصريين

توبك رائع .. بارك الله فيك

[hamada_97]

و لما تشوف طالب شايل شنطة و لا الحمار يبقى طالب مصرى.

لما تلاقى طفل مش عارف واحد + واحد بكام ، و يقولوا ده كان وهو صغير عبقرى ، يبقى مصرى

لما تشوف مدرس شرحه عبقرى فى الدرس الخصوصى ، و فى المدرسة كأنه ماتعلمش يبقى المدرس المصرى

لما تسمع و انت معدى من امام مدرسة صوت المدير بيقول اصحى معايا يابنى ، و فجأة تلاقيه نام أعرف انه مدير مدرسة مصرية

لما تلاقى طالب محترم صحى بدرى و كان اول واحد دخل بعد الفراش ، و جرس الطابور يضرب متلقيوش فى المدرسة طالب مصرى

لما تركب ترام اسكندرية و تلاقيه مفيهوش ولا واحد و تلاقى الباب عليه 10 طلاب ، تعرف فورا انهم مصريين

لما تلاقى المناهج متخلفة و محطوطة من ايام محمد على يبقى ديه مناهج مصرية

لما وزير التربية و التعليم يكون مدرس و بيرأف بحال المدرسين - اللى بيدوا دروس خصوصية و مموتين الاهالى من الفلوس -

لما تلاقى واحد -يُحسب من المسلمين- يشوه صورة الاسلام فى دولة مسلمة يبقى اكيد عادل امام" المصرى"

لما تلاقى واحد المحكمة حكمت عليه ان امه لديها ***ية اخرى يقولوا لازم نسمع كلام المحكمة ، لكن لما تلاقى "عادل" يشوه صورة المسلمين ، و يقبض على كده فلوس ، و عنده كام مليون ، و المحكمة حكمت عليه بالسجن 3شهور فقط ، و تغريمه 100 جنيه من الكام 10000000 جنيه اللى معاه ، فيقولوا هانعمل وقفة تضامنًا معاه _يعنى خلاص المحكة والقضاء مبقاش عادل مع "عادل"_، تعرف على طول ان فى مصر

لما تشوف واحد بيشحت علشان يكمل الكام الف يدوبك اللى معاه تعرف انه شحات مصرى

لما تشوف ان فى عملة متسواش حاجة تعرف انها العملة المصرية

لما تشوف واحد مرمى فى السجن و كل ده وهو نايم على سريره اعرف ان الحرامى ده كان رئيس مصرى

لما تعرف ان الشعب المصرى مش ناوى يغير نفسه ، اعرف ان اللى هايجى هايكون رئيس زى اللى قابلوه " مصرى"

لكن لما تشوف فجأة على قناة الجزيرة الوثائقية أو ناشيونال جيوجرافيك ابو ظبى أن فى حد بنى الاهرامات التى ما زالت تمدنا بالعجائب اعرف اللى بنوها " كانوا فعلا مصريين "

لما تعرف ان فى حد هزم اسرائيل "اللى كانت القوة العظمى " ، يبقى هما المصريين مع العرب

لما تصحى الصبح تلاقى اللى يهزر معاك و انت متعرفوش يبقى هوا عربى