كليه تجاره تعليم مفتوح جامعة الاسكندريه اجمع هنا

[eslam elahlawy]

السلام عليكم
مبرووووووك لكل اللي دخلوا الكليه اللي عايزنها وهارد لك للي مدخلوش كليه مش عايزنها
مهم نخش في الموضوع
مين في المنتدي هنا داخل الكليه المذكوره في اسم الموضوع
عايزين نعرف التقديم امتي
وايه نظام المصاريف عشان كل لما اسأل حد يقولي مصاريف شكل
فالواحد بجد مشتت بطريقه غريبه

بعيداً عن ان الواحد كان عايز يخش انتظام بس مفيش نصيب والحمد لله علي كل شئ

بس انا عايز اعرف واعتقد اللي معايا عايزين يعرفوا
انا عن نفسي بالنسبه لحكايه المصاريف
سمعت انها مصاريف الكليه+ فتح المظاريف والكلام ده كل هتقفل 1700
وفيه ناس بتقولي 2500 وفيه ناس بتقولي 3000
يعني كلام شكل

وبالنسبه للآقسام
انا دخلت علي كليه التجاره
http://www.alex-commerce.edu.eg/

الاقسام الموجوده 3 فقط

1- شعبة المال والاعمال

2– شعبة النقل البحرى
3– شعبة الدراسات المصرفية


كنت عرفت من شخص ان الاقسام هتزيد بناء علي إن المفتوح بقي بديل للإنتساب الموجهه
بس الظاهر مفيش اي جديد

المهم

اللي يعرف معلومه واثق منها ميبخلش علينا بيها
وأسف علي الآطاله

[eslam elahlawy]

13 مشاهده ومفيش ولا رد

[hamada1957]

انا فى كلية تجاره تعليم مفتوح جامعة الاسكندريه والكليه جميله جداااااااااااا والف مبروك يا باشا
والنظام ان فيه اقسام كتير بس لسه ماتفتحتش لان لازم كل قسم علشان يفتح يكون على الاقل سجل فيه 35 طالب فا اللى اتفتحوا نقل بحرى ودراسات مصرفيه ومال واعمال والترم ده فيه كلام على ان فيه قسم التأمين والبورصه ونظم معلومات و علوم سياسيه وبالنسبه للمصاريف هى بتدفع كل ترم على حده فى اولى اول ترم حتدفع مظروف التقديم حوالى 150 جنيه والمصاريف حتكون حوالى 900 جنيه بالكتب يعنى الترم الاول لوحده حوالى 1050 جنيه والترم التانى حوالى 900 جنيه فقط بالنسبه لعدد المواد اولى الترم الاول عندك 7 مواد ان شاء الله ولازم تذاكر من اول الترم خلى بالك لان معظم المواد طبعا محاسبه ورياضه وقوانين حفظ كتييييييير اما بالنسبه للحضور المحاضرات فبيكون كل يوم فى محاضرات حتى الجمعه كمان انت بتختار الايام اللى بتتناسب معاك وفاضى فيها وتحضر لان طبعا عادى احنا ماعندناش غياب والكلام ده كله
وبالنجاح ان شاء الله لينا كلنا ولو عندك اى اسئله اخرى انا تحت امرك

[eslam elahlawy]

المشاركة الأصلية كتبت بواسطة hamada1957

انا فى كلية تجاره تعليم مفتوح جامعة الاسكندريه والكليه جميله جداااااااااااا والف مبروك يا باشا
والنظام ان فيه اقسام كتير بس لسه ماتفتحتش لان لازم كل قسم علشان يفتح يكون على الاقل سجل فيه 35 طالب فا اللى اتفتحوا نقل بحرى ودراسات مصرفيه ومال واعمال والترم ده فيه كلام على ان فيه قسم التأمين والبورصه ونظم معلومات و علوم سياسيه وبالنسبه للمصاريف هى بتدفع كل ترم على حده فى اولى اول ترم حتدفع مظروف التقديم حوالى 150 جنيه والمصاريف حتكون حوالى 900 جنيه بالكتب يعنى الترم الاول لوحده حوالى 1050 جنيه والترم التانى حوالى 900 جنيه فقط بالنسبه لعدد المواد اولى الترم الاول عندك 7 مواد ان شاء الله ولازم تذاكر من اول الترم خلى بالك لان معظم المواد طبعا محاسبه ورياضه وقوانين حفظ كتييييييير اما بالنسبه للحضور المحاضرات فبيكون كل يوم فى محاضرات حتى الجمعه كمان انت بتختار الايام اللى بتتناسب معاك وفاضى فيها وتحضر لان طبعا عادى احنا ماعندناش غياب والكلام ده كله
وبالنجاح ان شاء الله لينا كلنا ولو عندك اى اسئله اخرى انا تحت امرك

مممممممممممم
الف شكر ليك يا باشا
المحاضرات كل يوم؟؟
مش خميس وجمعه يعني؟؟

انت في سنه كام طيب؟؟

[hamada1957]

لا المحاضرات كل يوم فيه محاضرات طول الاسبوع
انا ان شاء الله داخل ثالثه

[eslam elahlawy]

قشطه
إن شاء الله

[اسامه نور الدين]

هى دى بس الاقسام اللى موجوده يعنى احول تجارة عادى فى اى محافظه يعنى ولا ايه

[اسامه نور الدين]

و عندى سوال تانى هى الدراسه جوا بالانجلش زى ما سمعت ولا عربى عادى

[اسامه نور الدين]

و اخر سوال معلش هى مكانها فين بالظبط نفس كليه التجارة العاديه ولا فين

[darkman1001]

بالنسبة للمحاضرات هنكون مع طلبة الانتظام؟

[حسين فراج]

انا عايز ادخل كلية الحقوق تعليم مفتوح جامعة القاهرة او حلوان ارجو الا فادة عن المصاريف وعن الحضور فى المحاضرات بشكل يومى ام لا .

[eslam elahlawy]

اسامه نور الدين

مش ينفع تحول بره علي فكره
ايوه في المجمع عادي
لا المحاضرات احنا ايام وطلبه الانتظام ايام تانيه


حسين فراج
معرفش والله اي معلومه عن الحقوق مفتوح

[الملاك الحزين93]

انا كتبت تجاره تعليم مفتوح حلوان وبعدين حقوق حلوان وبعدين حقوق القاهره

[ahmed ramy012]

يا جماعة انا مجموعى جايب تجارة مفتوح السادات و محافظات تانية مش جايب اسكندرية ينفع احول دلوقتى ولا لازم اقضى اول سنة فى محافظة تانية و بعدين اجى اسكندرية يا ريت حد يفيدنى علشان انا متلغبط اوى ..شكرا