حياة او موت ارجو من احد المدرسين الدخول

[Mr Mohamed Barakat]

لم اجيب بطريقة جيدة فى امتحان اليوم واريد ترك المادة للعام القادم هل لو تركت الفرعين ( التفاضل + الجبر ) هل سوف ارسب فى الامتحان مباشرة لو غبت من الامتحان حتى لو حصلت فى الميكانيكا على 18 درجة وتتم اضافة درجتين رافة ام ماذا
ارجو الرد بسرعة حياة او موت

[احمد الهارب]

مبقتش فارقه سينا من سونيا

[ابراهيم فرج عوض]

نرجو الرد ن الأساتذة الكبار بالمنتدى للأهمية وشكرااااااااا

[hamada966]

برضه مبقتش فارقه سينا من سونيا

[ricolding]

طالما امتحنت لو جبت 20 فى الميكانيكا وده اكيد لا واح من كلامك يبقى انت كده قدامك تكمل وتنجح او متحضرش اى امتحان جاى ولا تحضر الدور التانى وتعيد السنة بكل موادها

انما التأجيل بيتم قبل دخولك الامتحان

بس انا شايف انك تكمل اللى سار عليك سار على الكل بطل تهور دى سنة من العمر

والقرار يرجعلك انت صاحبه وانت متحمل مسؤليته ربنا يوفقك

[mohamedmohamed1]

استفسار اخر من فضلك انا لم احضر الفيزياء و الميكانيكا و لن احضر باقى فروع الرياضة 2 و لكن سوف احضر علو النفس

[ricolding]

الصراحة الله اعلم على حكاية عدم الحضور

اظن عدم الحضور غير يعنى
المواد دى هتعد تذاكرها السنة الجاية لوحدها كانك اجلت لانك غائب عن الامتحان
انما اللى حضر ده خلاص مهما حصل مينفعش تتأجل

الله اعلم بردو

[Elgohary1a]

المشاركة الأصلية كتبت بواسطة mohamedmohamed1

استفسار اخر من فضلك انا لم احضر الفيزياء و الميكانيكا و لن احضر باقى فروع الرياضة 2 و لكن سوف احضر علو النفس

طب ايوه فين المشكلة يعنى؟
وبعدين جاى على نفسك ليه وهتحضر امتحان علم النفس بالذات ياراجل اركنه جنب اخواته

[Elgohary1a]

العمر لايفرق فى الدراسة ده راى الشخصى ممكن اعيد السنة وميفرقش معايا السن:لان لو جيبت مجموع حلو فى السنة الى جاية يبقى مضيعتش سنة من عمرى ببلاش وكمان مستعد اعيد اول وتانى ولكن للاسف لم يخطر ببالى انى اعيد وانا فى تانية ثانوى وندمت كثيرا

[jquery]

بص يا سيدى الى يقولك ان التأجيل اثناء السنة ده مش عارف حاجة انا مأجل من السنة الى فاتت عادى جدا انت مش حتروح الامتحان ومش حتروح الدور الثانى بس خليك فاكر ان السنة الى جاية حتروح المدرسة تعمل استمارة جديدة ورقم جلوس جديد وتمضى اقرار انك حتدخل امتحان بس كدا يعنى لو عايذ تأجل لازم تغيب عشان تضمن انك متنجحش بالرأفى بس ده متوقف على حلك فى الامتحان ممكن تجيب مثلا ذى مقولت 18 يرفعوك ل 20 تبقى لبست الخبور مش حتقدر تعيد وتبقى خصرت الدرجات

اعرف انت حالل ايه فى الميكانيكا وقرر يعنى لازم عشان تعمل كدا تبقى متأكد انك مش عامل حاجة فى الميكانيكا

ملحوظة ثانية لوجه الله من واحد قسم غصب عنه عشان ظروف السنة دية كانت اصعب سنة فى حياتى حتلاقى نفسك لوحدك صحابك كلهم فى الكلية وانت لوحدك فى الدروس وفى البيت وصدقنى حتكون سنة طويلة بشكل مزعج

عشان كدا نصيحة ادخل الامتحان وسلم امرك لله وعسى ان تكرهوا شىء وهو خير لكم حتى لو مدخلتش الكلية الى انت عايذها اعرف ان ده الخير وده المستقبل ليك لاننا بلا استثناء بنجرى ورا كليات لمجرد انها بيقولوا انها كليات قمة لكن فى الواقع مش بنكون عارفينها صح انا صاحبى السنة الى فاتت مدخلش هندسة على كسور % والله انا بتكلم جد ودخل فنون عمارة فضل مكتأب لغاية مدخل الكلية تعالى دلوقتى كلمه يقولك ان هوا مبسوط اكثر من لو كان دخل هندسة ومتفوق فيها وحاببها جدا وبيحمد ربنا ان دخلها

ربنا معاك ومعانا