اضراب الجنيه المصرى

[wawa13]

شاركوا معنا فى حمله الاضراب العظيم اضراب الجنيه المصرى فلا اعتصامات ولا شعارات ولا صرخات بعد اليوم كل ما عليك فعله هو كتابه جمله(لا لمبارك )على اى جنيه فى ايدك وبذلك سوف تتحول العمله الورقيه فى فتره قصيره جدا الى صرخه عظيمه من الشعب المصرى فى وجه الطاغيه وسوف تجد الحكومه المصريه نفسها فو موضع سخريه واحراج امام العالم كله مما سيكون له اشد الاثر فى ازاحه الفاسدين وتطهير مصرنا الحبيبه منهم .اعمل حاجه تقول لربنا عليها لما تقف قدام ويسالك عملت ايه تقول اعلنت رفضى على الجنيه ولله الامر من قبل ومن بعد.

[بندق__2007]

و الله لو كتبنا على قورتنا و علقنا كارنيهات على صدرونا

برده مش هيعبروا

دى عالم معندهاش دم ......

بس مفيش مانع ان الفكرة حلوة

و شكرا على الموضوع

[sparkel]

مشكوره على التوبك
بس بلاش تدخلي نفسك ف حاجات زي دي عشان محدش يزعل منك
وبيني وبينك الناس دي زعلها وحش اوي

[ربيع العمر]

شكرا جدا على الفكرة الحلوة دى بس أؤكدلك يا أخ واو ان الفكرة دى مش ممكن تتعمل لأن نص الشعب من الجبناء الذي يقولون و أنا مالى خلينى فى حالى أحسن أو ياعم سبنى أربى عيالى لا يعرفون أنهم بهذا الكلام يدفنون أبنائهم فى جو لا يستطيعون بعد ذلك العيش فى هذا المكان لانه سوف يصبح ملكا لغيرهم الذين لا يستحقون ملكيته.................الموضوع حلو

[ربيع العمر]

على فكرة نسيت أقول أن الموضوع جرىء أحسن لك ذاكر لأنه ممكن يتخاف عليك عشان أحنا فى بلد ديموئراطى وصح الناس دى زعلها وحش أوىىىىى

[احمد الشواربي]

يا يا جماعة حرام عليكوا زعزعة استقرار بلدنا العظيمة مصر وبعدين انا مش عارف ليه كل الهجوم دا على الريس شوفوا الدول اللى حوالينا كفيهاا حروب وضرب نار وتشريد اسر وقتل اطفال وعندكوا لبنان والعراق وفلسطين وافغانستان وغيرهم كتير وقولوا الحمد لله ان ربنا سااترها معانا ولازم نحافظ على استقرار بلدنا انا بحب الريس وبيعجبني حكمته في الحفاظ على الامن القومي

[ربيع العمر]

يا أستاذ أحمد أحنا مبنزعزعش حاجة ولو شايف أن فيه أستقرار فى بلدنا معلش أنى أقول لك أنك عايش فى برج عالى مش عارف أيه أللى بيحصل حولك أحنا فعلا معندناش حروب أنا معاك لكن مفيش ضرب نار ماشى والولد اللى أخذ ثلاثة رصاصات وعنده 15 ومش هقولك خد الرصاص أزاى لكنة كان من الامن المصرى وبتحب حكمه الريس أنا معاك وبحبه أوى من الشباب اللى من غير خمرة بقوا سكرانين من الأطفال أللى مش مشردين من اللى بيموتوا منتحرين من..ومن.. ومن ربنا يوفأك

[Prince Of Egypt]

هى الفكره حلوه لكن مهما عملنا
مفيش فايده مش غير ان ربنا هو الى يخلصنا كلنا ...
وشكرا على الموضوع

[ابو سعيد]

فى دعاء يوم الجمعة (ربنا لاتسلط علينا من لايخشاك ولايرحمنا)
الى بيحصل فى البلد ده من الى الناس بتعمله من زنوب ومعاصى تخيل انت بتعمل كام معصية فى يوم واحد وكام حسنة ده لو كان فى حسنات احنى لو بنراعى ربنا مكنش ده حصلنا وشكرا لاثارة الموضوع