يعني ايه كلمه تحرش ؟؟ !!!

[solidsnake]

يعني ايه كلمه تحرش ؟؟ !!!

- يعني مش بس انك تلمس جسمها او تهينها و تحرجها في الشارع
التحرش يعني تكسر نفسها و كرامتها و تخليها تكره انها بنت و تعترض علي قضاء ربنا و تتمني الموت لمجرد ان تافه بيهزر مع صحابه

- يعني البنت من كتر ما اتهرست في المواصلات و غيرها تخاف تخرج من بيتها او تمشي لوحدها في شارع

- يعني كل ما حد يقرب منها تتنفض حتي لو كانت مامتها ( اتلبشت من كتر اللي بتشوفه )

- يعني تبقي طفله صغيره او حتي طفل مكملوش ال5 او 7 سنين و يلاقي اللي بيلمسه من كل حته و يقوم فيه الغرائز بدري بدري و يفتحه عقله علي حاجات مينفعش يعرف عنها ابدا دلوقتي !!!
تفتكر دا بعد كده هيبقي ايه ؟؟؟
تفتكر هيطلع و يبقي انسان سوي و محترم ... تفتكر مش هيفكر يعمل في الناس زي غيره ما عمل ؟؟
تفتكر عيونه مش هتخترق خصوصيات غيره سواء ولد او بنت بعد كده ؟؟
تفتكر مش هيتفرج علي افلام *****ه و مواقع بسبب عقله المضطرب
تفتكر هيقدر يربي اولاده صح لما يبقي اب او تبقي ام و يكونوا قدوه صالحه ليهم ؟؟

- يعني البنت دي لما تتجوز ممكن تعاني مع جوزها بسبب الموضوع دا و بسبب اللي سببهولها التحرش زمان و انها شايفه كل الرجاله ذئاب
و ان اكيد جوزها هيعمل زي ما غيره عمل و يفضل احساسها بالقرف و الخوف موجود !!!
*

التحرش مش مجرد كلمه و لا فعل .... التحرش يعني حاجات كتير قوي مقززه و مقرفه

و اللي بيقول ان البنت هي اللي تستاهل بسبب خروجها من بيتها او لبسها احب اقوله
" انت مش ربنا عشان تحاسبهااااااااااااااااا "

انت زيك زيها كل هيتحاسب علي اقواله و افعاله ... فمتعملش فيها مؤمن و متدين
لانك لو عارف ربنا مش هتعمل كده اصلا !!!!

و اللي رد و قال لو شوفت بنت لبسها مش عاجبني و ولد بيتحرش بيها مش هدافع عنها ..

احب اقوله بردو كلمه " الرجاله ماااااااااتوا في الحرب "

*
التحرش يعني لا انسانيه و لا دين و لا اخلاق و لا تربيه !!!