هل ينفع دخول امتحان الكادر قبل الحصول على icdl

[معلم بالمعاناه]

السلام عليكم

هل ينفع دخول امتحان الكادر قبل الحصول على icdl

وهل الكادر لابد ان تنجح فى كل المواد ام بتجيب زى الملاحق كدا

[شريف حسن .]

ال icdl اصلا اتلغى من زمان

وامتحان الكادر بيكون فى ملاحق

[ام حفصه]

بص حضرتك بما انى مريت بكل هذه المعاناه فاولا مفيش اى ربط ما بين icdlوالكادر خالص من حق دخول ده قبل ده اوى العكس مفيش مشاكل بس ليه اتاخرت فى الاى سى دى ال انا عرفت انها خلاص المنحه خلصت والمديولات زادت عن سبعه كمان بس ربنا يوفقك ان شاء الله وتاخدهم الاتنين اما بقى بخصوص الكادر بس حضرتك اهم شئ انك تخلص كل الاسئله قبل الوقت ما يخلص عليك يعنى مسبش شئ وباذن الله ناجح ولا قدر الله اه فى ملاحق بس ده حسب ما شفنا للى خلص عليه الوقت قبل ما يفنش الامتحان وبالتوفيق ان شاء الله

[ام حفصه]

لا يا استاذ شريف مين قال انه اتلغى زمايلنا الجدد خدوه هم كمان هو تقريبا اجلوه سنه لكن متلاغاش حسب معلوماتى يعنى

[staam]

[b]طبعا ينفع الكادر الخاص ليس له علاقه بالرخصه الدوليه لقياده الحاسوب بس لو مكنتش تربوى لابد من الحصول على دبلومه[/b]

[ابو الفاروق]

انا امتحنت كادر دون الحصول على ال icdl كما ان الاختبار فى رسوب مثلة مثل اى اختبار ولك الحق فى دخول الامتحان مرة اخرى فيما رسبت بعد مرور 6 اشهر , وهذا مكتوب فى قانون الكادر 155 لسنة 2007

[معلم بالمعاناه]

شكرا لكم .... لكن السنه اللى فاتت كانوا بيقولوا هيدوا فرصه سنه للى امتحن الكادر بدون ميقدم الا اى سى دى ال ......انا اقصد النقطه دى ....؟
----
وهل امتحان الكادر لمن فشل فى تخطيه يلغى التعاقد بتاعه لو عقده خلص السنتين ؟؟

[شريف حسن .]

المشاركة الأصلية كتبت بواسطة ام حفصه

لا يا استاذ شريف مين قال انه اتلغى زمايلنا الجدد خدوه هم كمان هو تقريبا اجلوه سنه لكن متلاغاش حسب معلوماتى يعنى

حضرتك اتلغى من زماااااااان انا عندى زمايلى تعيين قرار 53 وعدت سنة وشهرين كمان

ومفيش حد قالهم على اى حاجة لانه ده اصلا لا فى شروط العقد ولا التعيين

كلام فاضى كانوا بيضحطوا علينا بيه

[شريف حسن .]

المشاركة الأصلية كتبت بواسطة معلم بالمعاناه

شكرا لكم .... لكن السنه اللى فاتت كانوا بيقولوا هيدوا فرصه سنه للى امتحن الكادر بدون ميقدم الا اى سى دى ال ......انا اقصد النقطه دى ....؟
----
وهل امتحان الكادر لمن فشل فى تخطيه يلغى التعاقد بتاعه لو عقده خلص السنتين ؟؟

لا سنة ولا غيره كله كلام فاضى

[محمد الاعلامي]

السلام عليكم ال ‏Icdl ‎‏ غير مطلوبة هذا ما اكده مدير فرع الاكاديمية بقنا والله لولا الثورة الععظيمة ما كان حد شاف التعيين و بعدين انا لم احصل علي ‏Icdl‏ وتم تعييني بقرار ٧٤ هم صحيح اعطونا فرصة عام للحصول عليها ولكن قرار سياسي من قراراتهم الباطلة لأنه لا يوجد ما يلزم المعلم المساعد بالحصول عليها في العقد او قانون ١٥٥ كلام أ/شريف صحيح تم الغاء شرط الIcdl