الانجليزي

[boom boom]

السلام عليكم ورحمه الله
ياريت يا جماعة نفيد بعض لو حد يقدر
انا كنت عايز اعرف من الناس ال ليهم خبرة ل انجليزي 2 ثانوي ازاي اذاكرة في الوقت دا اعمل اية انا زي ريشة في الجو مش عارفة متجهها فين انا زعلان ع نفسي اوي لدرجة بفكر اعيد السنة ياريت حد يرفع نفسيتي الأيام دي كلنا تعابنين بجد وببعص بنرفع بعض

[Dr..Soha]

الاول افضل حل انجليزى وانت بتذاكر العربى يعنى خد بالليل امتحانين كدة
تانى حاجة ابعد فكرة انك تعيد السنة دى لانها هتقلل من قدرتك عالمذاكرة
استهدى بالله واستعيذ بيه من الشيطان ان شاء الله هتعدى ع خير

[amothman123]

هو فعلاً كلماته بتتنسى بسرعة بس ماقدرش أقولك غير احفظ كلمات على قد ما تقدر نظم للإنجليزى جدول كويس يراجع على كلمات الدروس و القواعد
الامتحان مفيهوش غير 21 درجة مذاكره و الباقى كله مهارات لغوية فلازم تنمى مهاراتك كويس
أنا أحسن جدول عملته للإنجليزى على 6 أيام
كل يوم 3 وحدات و فصلين قصة باستثناء آخر يومين 3 واحدات لك منهم
حل على قد ما تقدر خاصة الـ workbook و الدليل .. أنا جبت the best مراجعة نهائية و قفلته و هو حلو و ممتاز
لاحظ أن قدامه أسبوع قبل الإنجليزى يعنى هاتذاكر إنجليزى لحد ما تشبع قبل الامتحان فامتقلقش كله هايبقى 100 / 100 بإذن الله

[mimo108]

انا الانجليزى ده مضيعة فيه خالص
بس قلت حذاكر اسئلة المهارات مع العربى كل يوم حاجة صغير كدة والمنهج نفسه حسيبه للاسبوع للى قبل الامتحان وانت اتوكل ع الله وركز على كل مادة قبل امتحانها انا بالنسبالى حعمل كده عشان لو زاكرت حاجات تانية حنساها فملهاش لازمة ركز قبل العربى وقفل مذاكرته كويس وحل كتير وهكذا فى كل مادة وشيل من دماغك خالص موضوع انك تعيد السنة الموضوع مش سهل

[the_genius girl]

انصحكم بزيارة قسم تعلم اللغة الانجليزية فى حاجات مفيدة جدا بخصوص حفظ الكلمات جربوها وان شاء الله تفيدكم
وربنا معاكم ومع كل طلاب الثانوية العامة منهم(اخى)