خطــــــــــا جسيم منى او من واضعين الامتحان !!!!

[elnabawy]

السلام عليكم

انا يعتبر الوحيد فى مصر الى حليت السؤال بتاع متى تهاجم الحيتان الناس ؟ انه in the morning

وانا فعلا جايب شويه أدله
1) كلمه he was unluky
2) النظريه العلميه ان وقت هجوم الحيتان هو الصباح وده الدليل

ليست كل انواع الحيتان ميالة لمهاجمة الانسان والفتك بة .وفى حالة حدوث هذا الهجوم فانة يكون نتيجة احداث مضايقات للحيتان ,او ضجيج تحت سطح الماء لاسباب مختلفة مثل استخدام معدات او العاب مائية تحدث ضجيجا او بسبب الغطس ,او حركات السباحة العنيفة ,اما اكثر ما يثير الحيتان ويجعلها ميالة للهجوم هو رؤية الدم الذى قد يظهر فوق سطح الماء لاسباب مختلفة كوجود سمكة كبيرة مقتولة .
وعادة تميل الحيتان للهجوم خلال فترة النهار .كما تعتبر المناطق المائية التى تتراوح درجة حرارتها ما بين 16_21درجة مئوية هى اخطر المناطق التى تميل الحيتان بها لمهاجمة الانسان .كما لوحظ ان هجوم الحيتان يكون عادة على مسافة تتراوح ما بين 200_300قدم من الشاطئ حيث تكون المياة ضحلة نسيبا .

ولو عاوزين تتأكدوا ادخل واعرف معلومات عن الموضوع ده بالانجليزيه

انا صح ولا الوزاره بتعلمنا معلومات غلط

[dory30]

احنا ملناش دعوة بالنظريات العلميه دي المهم القطعه والمعلومات اللي جت فيها لان ف القطعه قال evening is feeding time بس بردو كلامك مش غلط واكيد معلوماتك صح وشكرا علي الافاده

[usernamo]

اخى لعزيز 1- الحيتان ( القرش لمائى ) ليس لها وقت محدد للطعام حيث ان صاحب المزرعه السمكية او مدير المحمية لطبيعية هو الذى ينظم وقت طعامهم .... فلما جيسى نزل المياه فىالوقت ده الحيتان مكنتش اكلت لسه .... و هل يعقل اخى العزيز انه حوت مكلش طول اليوم هيسيب حد قدامه و ما يكلوش !!!

[A.L.T.A]

بعد اذنك هي القطعة من الأساس كانت حوت ولا سمك قرش

[داندن]

انا عملته in the eveningحسب القطعة بس فعلا اللي نرفزني اوي انه في القطعة قال انه غير محظوظ طب ازاي يسالني هو ليه محظوظ بجد سذاجة بطريقة صعبة .انا قولت انه محظوظ لان عمه لحقه ومرات عمه ساعدته في التنفس وان الاطباء نجحوا بعد11 ساعة ان يربطوا ذراعه بعد ان استطاع عمه اني يجيبه .يا ريت حد يقولي الصح

[turbo_totto]

انا بصراحه عامل الاجابه زى داندن بالضبط واعتقد ان الاجابه دى هى الصحيحه

[usernamo]

القطعة كلها بتدل انه محظوظ ! لان اولاً مأكلتهوش كله ... ثانياً عمه لحقه .... ثالثاً عمه جاب دراعه ... رابعاً عمته رجعتله تنفسع ... خامسً عملية ارجاع ذراعه ( مع نى فى حياتى عمر ما شفت ذراع بيطلع سليم من بطن حوت و بعديها و يركبوه تانى هو جيسى ده كان توم و جيرى ولا يه !! ) و بعد كل ده و عملية 11 ساعه عاش الخارق جيسى !!

[داندن]

ان شاء الله ده الصح.بس فعلا تحسوا اننا بنتفرج علي سبايس تووووون قنا ة شباب المستقبل

[elnabawy]

شكرا على الردود الغاليه دى
واكيد انا غلط

[usernamo]

المشاركة الأصلية كتبت بواسطة داندن

ان شاء الله ده الصح.بس فعلا تحسوا اننا بنتفرج علي سبايس تووووون قنا ة شباب المستقبل

على الاقل لما انا و انا صغير كنت بتفرج عليها كنت بتفرج على سابق و لا حق و الكلام ده و كان مقنع ( اينعم العربية مش بتطير و لا كلام طيرى يا مجنم و لا كده ) بس ده مش مقنع دانا اختى الصغيرة ضحكت و الله لما ترجمتلها القطعة !

[dory30]

فعلا الكلام اللي ف القطعه مش معقول ازاي عمه طلع ذراعه من بطنه وكان الدراع سليم وتحس ان عمو دا super man شد القرش علي الشط ودخل جوة معدتو وجاب الدراع ايه الكلام الغريب دا بس انا عندي سؤال هى mouth to mouth هتكون fainted ولا لا

[angle girl]

يا جماعه احنا مش لينا دعوه بالقصص دى ولا النظريات العلميه هى فى القطعه evening وهى الاجابه morning طب ازاى دى برده تبع توم اند جيرى ولا يه وبعدين احنا مش نعرف نظريات المنهج لما هنعرف نظريات الحيتان بتاكل امتى يعنى احنا دلوقتى كلنا غلطانين ولا ايه النظام عاوزين نعرف

[samar ragab]

هههههه بجد القطعة كانت مضحكة اوي انا فضلت طول الامتحان اضحك علي دراعة اللي عمة راح جابهولة

[بنت بلدى]

ياجماعة صلو اعلى النبى كده واهدو ا الله يلعن ده امتحان

[Dr.Gehad]

المشاركة الأصلية كتبت بواسطة داندن

انا عملته in the eveningحسب القطعة بس فعلا اللي نرفزني اوي انه في القطعة قال انه غير محظوظ طب ازاي يسالني هو ليه محظوظ بجد سذاجة بطريقة صعبة .انا قولت انه محظوظ لان عمه لحقه ومرات عمه ساعدته في التنفس وان الاطباء نجحوا بعد11 ساعة ان يربطوا ذراعه بعد ان استطاع عمه اني يجيبه .يا ريت حد يقولي الصح

العقل بيقول كده وانا عملتها كده
وبعدين السؤال مش سازج ولا حاجه لان احنا فى ثانويه عامه ولازم يكون فى نقط للطالب اللى بيفهم فى الامتحان وانت/ى لازم تفهم/ى ان الامتحانات بتيجي كده كلهااااااا