تغيرات العام القادم في اللغة الانجليزية

[alielzayyat]

بسم الله الرحمن الرحيم

ما يثار الآن بالوزارة هو
1. حذف قصة أولي ثانوي وثانية وثالثة ووضع روايات من الأدب الانجليزي القديم ذي 3 ث قديم لما كانت بتأخذ Hard times
2. عودة سؤال الـ rewrite
3. عودة سؤال الـ Dialogue
4. وأن يكون سؤال الـ reading على الصفوف الثلاثة

جميل قوي مع الطالب الفاهم والطالب اللي مش عايز يذاكر يا ريت يلتزم بيته وما يحرقش اعصابنا في المدارس

تقريبا سوف يكون التغيير من العام القادم


لي رأي متواضع في حاجتين
1. كان المفروض هذا التغيير يطبق من أولي ثانوي العام القادم مع كتب جديدة تتماشي مع التغيرات
2. كمان نظام الثانوية سنه واحدة ايضا كان المفروض ايضا يكون مع اولي ثانوي العام القادم

وأخيراً حد فاهم حاجه؟ وكمان هي مصر رايحه على فين؟

[Aya Mn Allah ♥]

يا حرام
الحمدلله انى ف اخر سنة ف الثانويه

[محبة الصحابة]

مفروض يلغوا السؤال بتاع الحفظ ده السؤال السابع فى اولى ثانوى

[mlhadeer]

مش عارف رايحة على فين ...طب ليه مسألتش قبل ما تركب يا مستر ..هههههههههههههههههه

[mrhamed]

الصراحة اسئلة امتحان اولى ثانوى بعيدة كل البعد عن اسئلة تانية وتالتة ثانوى رغم انها مرحلة واحدة , يعنى بتعرف تحفظ تعدى فى اولى ثانوى
نريد تطوير حقيقي وليس مجرد تسكينات

[مستر / سعيد كفراوى]

كل التغيير الذى تم أو ما يتم حالياً او حتى الذى سوف يتم فى المستقبل ما هو إلا تحصيل حاصل , و يظل تدريس اللغات الأجنبية فى مصر على شكل منهج , زيها زى التاريخ و الجغرافيا و الرياضيات و ليست لغة يسمعها و يتحدثها و يستخدمها الطلاب . لذلك أنا بسأل نفسى منذ أن عملت فى التدريس فين سؤال الإستماع ( Listening ) ؟ فين سؤال التحدث ( speaking ) فى عملية التقويم ؟؟ !! . لابد أن يمارس الطالب هذه المهارات الهامة ولا يمارسها و لا يهتم بها الطالب إلا إذا أُمتحِن فيها و للأسف يظل المدرسون - إلا ما رحم ربك- يعرضون اللغة على شكل منهج إذا وجدت قبل الاقواس خُد كذا لو ما فيش يبقى كذا !! و أمهر مدرسين فى مصر ينشغلون فى حلول قواعد اللغة التى قد يجهلها أهلها أحياناً ( Native Speakers ) يا جماعة الدول العربية كلها تقدمت فى تعليم اللغات الأجنبية إلا مصر و بالتحديد المدارس الأميرى

[احمد بكير]

المشاركة الأصلية كتبت بواسطة مستر / سعيد كفراوى

كل التغيير الذى تم أو ما يتم حالياً او حتى الذى سوف يتم فى المستقبل ما هو إلا تحصيل حاصل , و يظل تدريس اللغات الأجنبية فى مصر على شكل منهج , زيها زى التاريخ و الجغرافيا و الرياضيات و ليست لغة يسمعها و يتحدثها و يستخدمها الطلاب . لذلك أنا بسأل نفسى منذ أن عملت فى التدريس فين سؤال الإستماع ( listening ) ؟ فين سؤال التحدث ( speaking ) فى عملية التقويم ؟؟ !! . لابد أن يمارس الطالب هذه المهارات الهامة ولا يمارسها و لا يهتم بها الطالب إلا إذا أُمتحِن فيها و للأسف يظل المدرسون - إلا ما رحم ربك- يعرضون اللغة على شكل منهج إذا وجدت قبل الاقواس خُد كذا لو ما فيش يبقى كذا !! و أمهر مدرسين فى مصر ينشغلون فى حلول قواعد اللغة التى قد يجهلها أهلها أحياناً ( native speakers ) يا جماعة الدول العربية كلها تقدمت فى تعليم اللغات الأجنبية إلا مصر و بالتحديد المدارس الأميرى

كلام حضرتك يا مستر ممتاز بس يا ريت الوزارة تهتم بمثل هذه الاراء

[ايادكو]

كلها تعديلات شكلية ولا تخدم تدريس اللغة يا اخوانا الطالب بيجى من الاعدادى ابيض مع ان المفروض العكس وانا متفق مع مستر سعيد ان الطالب المصرى اصبح متاخر جدا فى اللغة طلاب اولى ثانوى العام الفائت مستوى مهلهل

[abdohod]

متفق معاكم بس بصراحة لازم يرجع سؤال المحادثة - عجيب انك تعلم لغة ومتحطش سؤال للمحادثة يعني كأننا بنقول للطالب اتعلم اللغة مش عشان تتكلمها لأ عشان تتعامل معاها ورق وقلم و s و ing وخلافه وانا مش فاهم يعني ايه قطعتين فلو الطالب ضعيف في المحادثة فيواجه الصعوبة مرتين ولو السؤال بالنسبة له سهل فسيواجه السهولة مرتين واعتقد ان ده هرتلة مستشارية لا اصل لها واذاي تعود الطالب من صغره على سؤال ال rewrite ثم تنسف ده كلها في أعلى شهادة مدرسية للطالب --- قمة العته والهرتله والتخبط وحسبي الله ونعم الوكيل ---- على فكرة انا خريج 2001 ولم يتم تعييني حتى الأن بس انا شغال ثانوي بره وطبعا اتبهدلت في المدارس الخاصة (استعباد) وديه هي برده هرتلة انك تسيب كفاءاتك بلا جدوى ---- مع تحيات مستر عبدالرحيم السويسي

[Mr.Ammar]

المشاركة الأصلية كتبت بواسطة abdohod

متفق معاكم بس بصراحة لازم يرجع سؤال المحادثة - عجيب انك تعلم لغة ومتحطش سؤال للمحادثة يعني كأننا بنقول للطالب اتعلم اللغة مش عشان تتكلمها لأ عشان تتعامل معاها ورق وقلم و s و ing وخلافه وانا مش فاهم يعني ايه قطعتين فلو الطالب ضعيف في المحادثة فيواجه الصعوبة مرتين ولو السؤال بالنسبة له سهل فسيواجه السهولة مرتين واعتقد ان ده هرتلة مستشارية لا اصل لها واذاي تعود الطالب من صغره على سؤال ال rewrite ثم تنسف ده كلها في أعلى شهادة مدرسية للطالب --- قمة العته والهرتله والتخبط وحسبي الله ونعم الوكيل ---- على فكرة انا خريج 2001 ولم يتم تعييني حتى الأن بس انا شغال ثانوي بره وطبعا اتبهدلت في المدارس الخاصة (استعباد) وديه هي برده هرتلة انك تسيب كفاءاتك بلا جدوى ---- مع تحيات مستر عبدالرحيم السويسي

عندك حق في كل كلمة