عمل المرأة خارج البيت هل هو مرغوب ؟

[المســ نور ــتقبل]

عمل المرأة خارج البيت هل هو مرغوب ؟
=========================


===============================
السلام عليكم ورحمة الله وبركاته

إن متطلبات الحياة في الوقت الحاضر تدفع بالكثيرين للبحث عن زوجة عاملة خارج البيت
لتساهم بتكاليف ومصاريف البيت معه..

فهل عمل المرأة خارج بيتها ضرورة لها ولأسرتها أم العمل داخل البيت أهم ؟

وهل عملها خارج البيت له تأثيرات على أسرتها ؟

وهل المردود من عملها خارج البيت يستحق ما تتكبده من مشاق فيه ؟

وهل يؤثر العمل خارج البيت على فطرة النساء وقدراتهن ؟
========================
أخى الكريم وأختى الكريمة فى منتدى ( بوابة الثانوية العامة)

في هذا الموضوع سيتم بأذن الله مناقشة موضوع عمل المرأة خارج البيت
مع التطرق للمشكلات إلى تأتي منه وبدونه ..

مع طرح الحلول اللازمة ..

وفق الله الجميع ..

منتظرأراء كم ومقترحاتكم ولا تبخلوا علينا بها

شكرا لكم جميعا

[عاشقة الطفولة]

انا رأيي ان عمل المرأه مرغوب في حالة ان الاسره محتاجة للمال وان الزوج راضي وان الزوجة ليست مقصرة في اعمال بيتها

اما اذا اخذت العمل للتسلية واهملت ببيتها فهذا لا يجوز

وهذا رأيي والله اعلم

[asmaa232]

من وجهة نظرى لا أؤيد فكرة عمل المرأة خارج البيت ومن رأيى ان الوقت اللى هتقضيه ف العمل بيتها أولى بيه دا غير كدا ان اى عمل مهما كان مش هيخلى من امشاكل والاضطرابات مما يشغل المرأة عن دورها الأساسى وهو رعاية اسرتها

[ايه كمال]

طبعا عمل المرأة مهم جدااااا
كفاية أنه بيدلها كيانها ولكن إذا كان ذلك لا يتعارض مع مطالب الأسرة

[أريــــ الجنة ــــد]

المرأة ليها الحق في العمل

فيما يرضي الله سبحانه

والعمل للمرأة محلل من الله سبحانه

والاسلام مدي للمرأة كامل حقوقها في العمل

لكن لو كان فيه مثلا اعتراض من زوجها

فهي لازم تطيع أمره

لكن عن نفسي .. مش شايفة اي مانع في عمل المرأة

[smsma81]

انا حدخل في الموضوع علي طول اني طرقت الباب سادخل !
عمل المرأه يا جماعه له سلبياته وايجابياته !
اولا انا حكلم عن المرأه المتزوجه !سيبكم من العالم الفاضيه اللي زيي
لو افترضنا انها اصلا امرأه نشيطه في بيتها وفي عملها مرتبه موعدها كل شئ ليه نظام! حقولك مينفعش لازم حاجه تقع وغالبا البيت .!
طيب لو الزوج محتاج للدخل بتاع الزوجه ايه اللي بيحصل في الحاله دي بيشيل معاها في البيت ,يعني اي حاجه ناقصه بيكملها هو وممكن يعمل حاجات خفيفه عليه ويريحها منها وده برضه ممكن يحصل للقاعده في البيت بس بتبقي بمزاجه مش اجباري يعني!,طيب لو زوج غير متعاون .بيفضل في تقصير يؤدي الي انفجار من الطرفين .
هو شايف انها مقصره في البيت
وهي شايفه انها بتشتغل داخل البيت وخارجه ومش عشاني لا عشان الاسره كلها ولازم تقدر من غير ما كلم فبيحصل ضغط عندها نفسي .
غير انها جسديا مش مؤهله لاعمال عضليه كتيره .الراجل عضليا ربنا خلقله قوه عضليه عشان يسعي وربنا مخلهوش يشيل طفل تسع شهور عشان نفس السبب يبقي فاضي فيسعي في الارض علي رزقه ويقيم الاسره.

طيب ايه المميزات اللي ناس بتبصلها في شغل المرأه

1. حماتها تقول علي الاقل شيلي الميه والنور دول كتير اوي وخلي مرتبه لمصاريف البيت
2. او خليكي في الشغل إذ ربما يحصل ازمه ماليه للزوج يبقي نقايه تسند الزير
3. او لا كده ولا كده ومات ربنا يبعد الشر عن الازواج كلهم الحلوين والوحشينبتعملي ايه في الزمن الهباب ده.؟
4. وفي بعض الاحيان بيبقي الزوج مش محتاج والحمدلله وهي نفسها تقعد بس والدتها تقولها لما عيالك يكبروا بتفقدي مكانتك اللي ممكن تكوني وصلتي ليها وبعدين عيالك اهم موجودين معانا وهي ايام بتعدي ولا يهمك .

طيب اصلا لو هي زوجه شاريه دماغها ومش فارق معاها مقصره ولا مطوله بيبقي طبع اصلا

انا مكلمتش علي الناس الفاضيه اللي زيي دايما بيتعذروا فيهم في الشغل وسعات بسلك وقولهم مش كل مره معلش خلي جوزك ينفعكبيبقي طلعت روحي من الاعذار

بس ده عرض الموضوع من وجه نظري وانا نفسي مش عارفه ابقي مع اي طرف البيت ولا الشغل

[الطب التكميلى]

بصراحة هو بيبقى مهم بس يبقى الشغل الى حد ما يحترم المرأة ويحترم طبيعتها اى اقصد ان المراه ممكن ان تعمل اى شغل الا الاهانة فى الشغل

[ياسمين سعيد]

المرأة مثل الرجل لها عقل وقدرة وتفكير
من حقها تعمل وتثبت وجودها وكيانها
وتمسك اعلى المناصب
انا مرأة وبإذن الله هعمل وهثبت وجودى
العمل فى البيت فعلا هو عمل المرأة فى الاسلام والمجتمع
بس من حقها ان الرجل يساعدها فيه لانها مش خدامة
وكمان طبيعة العمل بالخارج لكليهما تحدد مسئوليه كل واحد فى البيت

الفرق بس ان عمل المراة بالخارج يتوقف على رغبتها يعنى مش اجبارى زى الرجل
بس لو ليها الرغبة مش من حق الرجل يمنعها
ولو مش عايزة برده مش من حقه يشغلها
لان هو ال مفروض يوفر المصاريف زى ما هى من المفروض تقوم بواجبات المنزل

أما لو الحياة بين الرجل والمرأة مشاركة واتفاق _اعتقد بأة نادر ف الزمان ده _ يبقى عظيم

[commix]

عمل المرأة مرغوب فى جميع الاحوال والله اعلم دى وجهة نظرى

[small star]

طبعا أكيد وأنا من المؤيدين لعمل المرأة

بس طبعا ماتتخطاش حدود الدين

يعنى لما تتعامل مع الرجال فى العمل لازم يبقى فى حدود الدين والعمل فقط

[elmosskhmb]

اؤيد عمل المرأة في مجالات معينة ( الطب - التدريس - اخصائية اجتماعية /نفسية )

وارفض عملها في مجالات معينة ( وزارات الري - الكهرباء - .... الخ - المطاعم والكافيتريات - المكتبات - محلات البقالة و....هذا )

وهذا مجرد رأي

[Mr. Ali 1]

عمل المرأة خارج البيت واحتكاكها بالرجل لا يجوز شرعاً فالمرأة لها عين ومشاعر ورغبات مثلما للرجل فإذا اجتمعا حتي وان كان في العمل كانت الكوارث والفضائح وكل مجال من مجالات العمل حدث ويحدث به هذا الأمر سواء اعترفنا به ام لا. المرأة مخلوق أضعف بدنياً من الرجل فكيف يطلب من الأضعف أن يقوم بمهام البيت ومهام عملها؟؟ وإذا فام الرجل ببعض مهام البيت لا يكون هذا الأمر عن رضاً منه وانما اضطرار أو اجبار وهذا يخل بنواميس الخلق التي فطرنا الله عز وجل عليها. الرجل للعمل والكسب خارج البيت ورعايه أهله داخل البيت وحمايتهم وتوفير الأمن والأمان لهم , والمرأة لرعاية شئون البيت والأولاد وتربيتهم علي الدين الاسلامي الحنيف. وإذا لم يستطع الرجل أن ينفق علي البيت فلا يتزوج حتي يغنيه الله من فضله. بسم الله الرحمن الرحيم " وليستعفف الذيدن لا يجدون نكاحاً حتي يغنيهم الله من فضله" " والليل إذا يغشي. والنهار إذا تجلي. وما خلق الذكر والأنثي. إن سعيكم لشتي." صدق الله العظيم. وقال رسول الله صلي الله عليه وسلم " يا معشر الشباب من استطاع منكم الباءة فليتزوج ومن لم يستطع فعليه بالصوم فإنه له وجاء" صدق رسول الله صلي الله عليه وسلم. ومنذ أن خرجت المرأة من بيتها بدعوي العمل ونحن نري مدي الإنحطاط الذي وصل إليه مجتمعنا والتفكك الأسري الذي أصبح سمة واضحة في مصر بصفة خاصة. أفيقي أيتها المرأة وعودي إلي بيتك. أفق أيها الرجل ولا تسمح لها بالعمل خارج البيت , أين رجولتك؟ أين النخوة؟

[سمر2000]

عمل المرأة خارج البيت واحتكاكها بالرجل لا يجوز شرعاً فالمرأة لها عين ومشاعر ورغبات مثلما للرجل فإذا اجتمعا حتي وان كان في العمل كانت الكوارث والفضائح وكل مجال من مجالات العمل حدث ويحدث به هذا الأمر سواء اعترفنا به ام لا. المرأة مخلوق أضعف بدنياً من الرجل فكيف يطلب من الأضعف أن يقوم بمهام البيت ومهام عملها؟؟ وإذا فام الرجل ببعض مهام البيت لا يكون هذا الأمر عن رضاً منه وانما اضطرار أو اجبار وهذا يخل بنواميس الخلق التي فطرنا الله عز وجل عليها. الرجل للعمل والكسب خارج البيت ورعايه أهله داخل البيت وحمايتهم وتوفير الأمن والأمان لهم , والمرأة لرعاية شئون البيت والأولاد وتربيتهم علي الدين الاسلامي الحنيف. وإذا لم يستطع الرجل أن ينفق علي البيت فلا يتزوج حتي يغنيه الله من فضله. بسم الله الرحمن الرحيم " وليستعفف الذيدن لا يجدون نكاحاً حتي يغنيهم الله من فضله" " والليل إذا يغشي. والنهار إذا تجلي. وما خلق الذكر والأنثي. إن سعيكم لشتي." صدق الله العظيم. وقال رسول الله صلي الله عليه وسلم " يا معشر الشباب من استطاع منكم الباءة فليتزوج ومن لم يستطع فعليه بالصوم فإنه له وجاء" صدق رسول الله صلي الله عليه وسلم. ومنذ أن خرجت المرأة من بيتها بدعوي العمل ونحن نري مدي الإنحطاط الذي وصل إليه مجتمعنا والتفكك الأسري الذي أصبح سمة واضحة في مصر بصفة خاصة. أفيقي أيتها المرأة وعودي إلي بيتك. أفق أيها الرجل ولا تسمح لها بالعمل خارج البيت , أين رجولتك؟ أين النخوه
اتفق معك تماما وفعلا نجرب المراه ترجع للبيت وتربى على الدين الصحيح ونشوف من تانى صلاح الدين ومحمد الفاتح

[ENG.HAGAR]

يا شباب ويا بنات
مهما حاولت البنات انها تتجنب الاختلاط اللى بيبقى فى العمل مش هتقدر
على فكرة
انا سمعت قصة لواحده وهى بترويها عن نفسها مش يعنى قصة او حدوتة
هى بتقول انى متزوجى وليا اولاد وزوجى على اتذكر مات او طلقها يعنى المهم انها مالهاسند
وبنتها قالتلها ياماما انا هنزل اشتغل او كده
قالتلها لا
ان كان ربنا عايز يرزقنا يبقى انا عندى حسن ظن فى ربنا وهو لو عايز هيحط ليا الفلوس تحت مخدتى - شوفوا حسن ظن الام -
وبالفعل يا بنات قالت والله كنت اصحى الصبح الاقى معايا فلوس
واحالتىاتحسنت كتيـــــــــــــــــــــــــــــــــــر جدا وكل الناس اللى حواليا مستغريبن من حالتنا الميسورة على عدم توافر مصادر للرزق
وبكدة نطرد فكرة موضوع انها توفر لنفسها فلوس علشان الزمن وكده
نقطة تانية يا شباب ويابنات تخيلوا ان لو البنات كلها قعدت فى البيت هتلاقوا البنات كلها هتتجوز ازاى بقى يا ست حلا هقولكم
اذا البنات قعدت زى الملكة فى البيت
الشباب هم اللى هيشتغلوا
لان احد اسباب البطاله ان دلوقتى البنات بتشتغل والشباب لأ !
وبصوا حواليكم يا بنات شوفى كده اللى بتشتغل دى معاها كم بنت بتشتغل وكم ولد بيشتغل ؟
هتلاقوا الولاد اقل بمرااااااااااااااااااااااااااحل
وكمان احنا كبنات لازم نقعد زى الملكات فى بيوتنا والرجاله تتعب وتجيب لنا اللى احنا عايزينه
والكلام ده قاله الشيخ ابو اسحاق الحوينى
انا شوفت بنفسى امثله على كده حواليا كتير من الناس اللى بتحسن الظن فى ربنا
يعنى مش امثله فردية او معدودة
وكنت قريت فى يوم فى كتاب لا تحزن للدكتور عائض القرنى وقال ان واحده احنبية عرفت عن حقوق المرأة فى الاسلام وعن كونها مربيه لجيل المفروض يكون قدوته الصحابه والصحابيات
فردت وهى متعجبه "انتوا عندكم المرأة ملكة "
وده رأيى المتواضع
جزاكم الله كل خير

[moha_eslam]

عمل المرأة غير مرغوب فيه و بيتها اهم من العمل
علي الاقل تعرف تربي عيالها كويس