سؤال الى الأساتذة الأفاضل

[hamo2011]

هل ينفع اكتب اكتر من اجابة لسؤال واحد ولا لازم أعيد السؤال كله تانى ؟

و فى سؤال "Find The Mistake" هل اكتب السؤال كله فى كراسة الاجابة و احط خط تحت الغلط و اكتب الجملة صح و لا ايه ؟

أرجو الرد سريعا

[mimo108]

احنا المستر قالنا اكتبوا على طول الجملة صح

[amothman123]

المشاركة الأصلية كتبت بواسطة mimo108

احنا المستر قالنا اكتبوا على طول الجملة صح

و يحط خط تحت الى هو عدله

[mimo108]

لا من غير ما تحط خط لان لما تكتب الجملة اكيد حيتعرف ايه اللى شلته وغيرته و هما عندهم الجملة الغلط وعارفين تصحيحها مش محتاج تحط خط لكن لو عايز كزيادة تأكيد مش مشكلة

[hamo2011]

طب ينفع اكتب اكتر من اجابة لسؤال من غير ما اعيد السؤال كله ولا لازم اعيده ؟

يعنى سؤال زى المواقف ينفع اكتب اكتر من حل لكل موقف ولا لا ؟

[Mohamed Erfan]

ينفع لأي سؤال أكتر من اجابة ماعدا الأختياري ال 16 والأختياري بتوع القطعتين دول لو كتبت فيهم اكتر من اجابة مبتخدش ولا درجة .

[hamo2011]

المشاركة الأصلية كتبت بواسطة mohamed erfan

ينفع لأي سؤال أكتر من اجابة ماعدا الأختياري ال 16 والأختياري بتوع القطعتين دول لو كتبت فيهم اكتر من اجابة مبتخدش ولا درجة .

يعنى اكتب اكتر من اجابة لجزئية من سؤال من غير ما اعيد السؤال كله ما عدا اسئلة الاختيار صح ؟

[Mohamed Erfan]

المشاركة الأصلية كتبت بواسطة hamo2011

يعنى اكتب اكتر من اجابة لجزئية من سؤال من غير ما اعيد السؤال كله ما عدا اسئلة الاختيار صح ؟

الأختياري ممنوع تعيده خالص
بالنسبة لو هتعيد نقطة في سؤال بيستحسن انك تعيد السؤال كله والمصحح بيعلم الأثنين وهياخد اللي درجته اعلي

[amothman123]

المشاركة الأصلية كتبت بواسطة mimo108

لا من غير ما تحط خط لان لما تكتب الجملة اكيد حيتعرف ايه اللى شلته وغيرته و هما عندهم الجملة الغلط وعارفين تصحيحها مش محتاج تحط خط لكن لو عايز كزيادة تأكيد مش مشكلة

الخط بيسهل للمصحح يشوف الى عدله و يديله الدرجة فوراً من غير ما يقعد يقلب فى الجملة
و لا انت عاوز تنتقم من المصحح