العلاوة زى البقلاوه

[الكابتن أحمد الباشا]

بيقولوا إن العلاوة حتبقى 15% دا ايه الكرم دا كله يعنى انا إنشاء الله مرتبى هيزيد 30 جنيه ياااااااااااااااااااه مش عارف والله نودى الزياده دى فين بفكر أفتح حساب فى البنك أحوش الزيادة الرهيبة دى وكمان أضيف عليهم علاوة الجواز اللى طلعت اتنين جنيه وعلاوة بنتى المولوده اللى طلعت كمان اتنين جنيه يا بلاش والله الفلوس دى بتفكرنى بالعصر الحجرى وأيام الجنية الجبس وعلى فكرة أنا والدى كان مدرس بس طلع على المعاش سألته لما اتعينت كنت بتاخد مرتب كام قالى 13جنيه ونص قلتله طيب وجرام الدهب كان بكام قالى 95قرش يعنى مرتبه كان حوالى 14جرام دهب أنا بقى مرتبى دلوقت حوالى 608 وبيخصموا مش عارف أيه بيقى حوالى 600 وضيفوا العلاوة ال 15%هيبقى حوالى 630جنيه قولولى أعمل بيهم إيه ولا إيه حد عاوز فلوس سلف ؟؟؟؟؟؟؟؟؟؟؟؟؟؟؟؟

[EhabFathi]

أنا أعتقد أن الخير قادم - وسريعا - بإذن الله لما يقف الاقتصاد المصري على حيله قليلا .. وطبقا لخبراء اقتصاديين كثيرين مصريين وأجانب الاقتصاد المصري سينهض بسرعة كبيرة إن شاء الله

[هشام الشوري]

كل سنة وانت طيب اللي بيطلبني اصبر يطالب الناس اللي باستلف منها عرض مستمر تصبر عليا او يديني مرتبة وياخد مرتبي ويصبر هو اللهم الهمني الصبر

[شريف ذكى]

ما احنا الاضراب قلتم قالوا الاخوانا مصلحة البلد وهما الى كانوا بيشجعوا الناس أولياء الامور على الاحتكاك مع المدرسين المضربين لما رأوا ان الاضراب نجح من غيرهم ومع ذلك ضحكوا عليكم وانتخبتوهم فى النقابة وحياتكم ما أنتم محصلين مرتب غفير وسلملى على الحلوانى بيه ومن بعده مرسى بيه

[اشرف عبد عيد]

منهم لله الاخوان المسلمين

[maged_wil]

مشكوووووووووووووووووور

[رفعت توفيق 2]

المشاركة الأصلية كتبت بواسطة الكابتن أحمد الباشا

بيقولوا إن العلاوة حتبقى 15% دا ايه الكرم دا كله يعنى انا إنشاء الله مرتبى هيزيد 30 جنيه ياااااااااااااااااااه مش عارف والله نودى الزياده دى فين بفكر أفتح حساب فى البنك أحوش الزيادة الرهيبة دى وكمان أضيف عليهم علاوة الجواز اللى طلعت اتنين جنيه وعلاوة بنتى المولوده اللى طلعت كمان اتنين جنيه يا بلاش والله الفلوس دى بتفكرنى بالعصر الحجرى وأيام الجنية الجبس وعلى فكرة أنا والدى كان مدرس بس طلع على المعاش سألته لما اتعينت كنت بتاخد مرتب كام قالى 13جنيه ونص قلتله طيب وجرام الدهب كان بكام قالى 95قرش يعنى مرتبه كان حوالى 14جرام دهب أنا بقى مرتبى دلوقت حوالى 608 وبيخصموا مش عارف أيه بيقى حوالى 600 وضيفوا العلاوة ال 15%هيبقى حوالى 630جنيه قولولى أعمل بيهم إيه ولا إيه حد عاوز فلوس سلف ؟؟؟؟؟؟؟؟؟؟؟؟؟؟؟؟

عندك حق أنا عن نفسي موافق جدا يعطوني اول مرتب اتعينت عليه(74جنيه) كنت لوحدي ولا زوجه ولا عيل ولا (تيل) وموافق دلوقتي في السن ده والمسؤليات دي بشرط رجع الأسعار زي ايام تعييني

[saad200979]

الكلااااااااااااااااااام ده كبيييييير اوى


هههههههههههههههههههههههههه

اشرب واسقينى ياواد عمى


كلام مكرر واقتصادنا منهار وان شاء الله هيوقف على رجليه واول مايوقف هنقول لكم علشان

تيجوا تشوفوه وهو واقف بسم الله ما شاء الله


الشرطه والاطباء والتعليم العالى اخدوا الكادر والحوافر والاقتصاد ميت ومرمى على الارض


ولما المعلمون طالبوا بالمساواه قامت الدنيا عليهم

وكلنا اصبحنا محللين وخبراء بالاقتصاد


الله يخرب بيوت الظلمه اللى اكلوا حق المعلم

وربنا يخرب بيت المعلم اللى خلاهم كلو حقه

ويخرب بيت النت على النتيته على اللى عنتتوا عليه

[saad200979]

المشاركة الأصلية كتبت بواسطة رفعت توفيق 2

عندك حق أنا عن نفسي موافق جدا يعطوني اول مرتب اتعينت عليه(74جنيه) كنت لوحدي ولا زوجه ولا عيل ولا (تيل) وموافق دلوقتي في السن ده والمسؤليات دي بشرط رجع الأسعار زي ايام تعييني

انتبه من فضلك




الاسعار ترجع الى الخلف



سلملى عالمترو

[teacher_2]

المشاركة الأصلية كتبت بواسطة saad200979

الكلااااااااااااااااااام ده كبيييييير اوى


هههههههههههههههههههههههههه

اشرب واسقينى ياواد عمى


كلام مكرر واقتصادنا منهار وان شاء الله هيوقف على رجليه واول مايوقف هنقول لكم علشان

تيجوا تشوفوه وهو واقف بسم الله ما شاء الله


الشرطه والاطباء والتعليم العالى اخدوا الكادر والحوافر والاقتصاد ميت ومرمى على الارض


ولما المعلمون طالبوا بالمساواه قامت الدنيا عليهم

وكلنا اصبحنا محللين وخبراء بالاقتصاد


الله يخرب بيوت الظلمه اللى اكلوا حق المعلم

وربنا يخرب بيت المعلم اللى خلاهم كلو حقه

ويخرب بيت النت على النتيته على اللى عنتتوا عليه

التعليم لا يهم احدا والمعلم ما اهتمش به سوى مبارك بالكادر اللى اجبر الحكومة على تنفيذه رغم صعوبات المرحلة والناس بتنسى
دلوقتى يعطو حقيبة التعليم للسلفيين وبعد كده مفيش تحية علم في الطابور هتبقى دى قضيتنا الجاية في التعليم
اعمال الكنترولات فى الثانوية العامة اغلب من فيها موظفين واداريين وتتكلف ملايين الجنيهات ونعتبره اهدار للمال العام
والحل بسيط
تكليف موظفيين من التعليم باعمال الكنترولات طوال العام
ويبقى عملهم واجرهم عليه فقط
دلوقتى لو حبيت تعمل اى مصلحة فى المديرية
مش هتلاقى موظفين هناك يبقى الموظف بيقبض راتب وكمان فلوس الكنترول وعمله الرسمى معطل ومصالح الناس متعطله

[mr hima]

ومش ايام الجنيه الجبس بس ده كان جوز الحمام 3 فرد وكيلو اللحمة كان بالمتر الخشب

[مرفت77]

يارب تطلع علاوة كويسه تنفع الموظفين

[شعبان عيسي]

ام كلثوم قالت للصبر حدود واحنا صبرنا بما فيه الكفايه لحد الخفير مخد حقه نصبر ان شاء الله لما نطلع معاش

[abdo6514369]

ان شاء الله هتزيد وترتاح بس الصبر يعني لو ايام المخلوع كانت هتبقى 10 بس

[mr emoo]

يا جماعة الصبر شوية الراجل لسة ماسك بقاله يومين و السكاكين شغالة عليه من كل صوب و ناحية في الاعلام القذر اللي عايز يرجعنا ورا من تاني و متنسوش ان الراجل ماسك البلد خربانة فلابد من الصبر لرؤية النتائج و لا تنسوا ان الموازنة العامة اللي عملها هو المجلس العسكري و ليس الرئيس فمن الظلم تحميله اخطاء غيره