العسكر و الثورة

[معاذ نجم الدين]

هل المجلس العسكري حمي الثورة فعلا ؟؟؟؟
ارجو لمن يبدي رأيه عدم الاعتراض علي اصحاب الرأي الاخر و لكم جزيل الشكر ......

[Pro Saher Abdel-Aziz]

هل المجلس حمى الثورة؟؟؟ .. بجد سؤال صعب .. المجلس خلال ال 18 شهر اللى فاتوا عمل مجموعة من المتناقضات ممكن تتفسر على انها حماية للثورة وممكن تتفسر على انها محاولة للهروب من المحاسبة ..من التحية للشهداء وحق التظاهر والوعد بعمل انتخابات حرة ونزيهة لغاية اللى ماتوا فى ماسبيرو ومحمد محمود والقبضية القضائية والاعلان الدستورى .. بجد سؤال مينفعش يتجاوب عليه .. بس انا عملت تصويت انه محماش الثورة لانه المفروض يكون ادائه افضل من كده.. والله اعلم بالنيات

[(*أحمد عرفة*)]

محماش الثورة خالص ..... هو يدوبك كان مدايق من مشروع التويث و أبطله .... ده كل اللى عمله ....

[محمد اسماعيل 99]

لا كان نفسه يبقى هو الحاكم

[ayah25]

حمى الثورة وكفاية انه لم يقف بجوار مبارك ووقف بجانب الشعب
الناس الى بتقول كلام يشكك فى الجيش عاوز يهدم جيشنا وهذا
لن نسمح به لوبتشوف اخبار سوريا تعرف قيمة جيشك العظيم
ربنا يحميهم

[ayah25]

احمدوا ربنا على الى احنا فيه
شعب ميتمرش فيه الطيب
مينفعكوش غير فرعون

[ayah25]

المجلس العسكرى سلم السلطة كفاية فتن
مش مكسوفين الى كانوا بيقولوا مش حيسلم السلطة

[الاستاذة نجلاء علي]

أعتقد أن المجلس العسكري عمل أقصي ما في وسعه لحماية البلد و عندما فاض به الكيل من تمادي المتظاهرين لدرجة أنهم ذهبوا الي وزارة الدفاع كان لابد من اتخاذ اجراء حاسم معهم
أما موضوع الإعلان الدستوري المكمل أعتقد أنه لم يكن في حسبانه أنه سيضعه فكم طلب من مجلس الشعب عمل الدستور و لكن المماطلة أدت لإجراء انتخابات رئاسية دون وجود دستور
لكن موضوع الثورة فالثورة أساسا لم يكن لها رئيس و لم يكن يعرفون ماذا يريدون سوي أنهم يريدون اسقاط النظام و فقط وعندما حان موعد الترشيح للإنتخابات تقدم أربعة مرشحين كممثلين للثورة ألف باء سياسة المفروض أن يتفقوا لكي لا تتفتت الأصوات

[mfa1]

المشاركة الأصلية كتبت بواسطة ayah25

حمى الثورة وكفاية انه لم يقف بجوار مبارك ووقف بجانب الشعب
الناس الى بتقول كلام يشكك فى الجيش عاوز يهدم جيشنا وهذا
لن نسمح به لوبتشوف اخبار سوريا تعرف قيمة جيشك العظيم
ربنا يحميهم

دا عين العقل و الصواب ودا صح الصح و دا المفروض الناس تفهمه و تعرفه لآنه غير كدا تشكيك لا يليق بجيشنا و مجلسنا العسكري اللي من الطراز السامي الفريد اللي موش ممكن يتكرر كتير ولولا الله ثم هو كانت الصوره اختلفت كتير كتير كتير