|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
07-07-2012, 12:19 PM
|
||||
|
||||
الفرصة ( قصة مش حقيقية خالص )
في يوم من الايام قاعد بشيت مع جروب بنات كالعادة  وفاجاه رن تليفوني --- الو ايوة ميين ازيك يا منه وحشتيني يابت فينك وفين ايامك نفسي اشوفك واشوف اخبارك طول عمرك موزة وفجاه قاطع المكالمه اذان صلاة الجمعة ارتديت جلباب الصلاة كالعادة مثل كل جمعة ان دي الحاجة الوحيدة اللي بتخليني اسمي مسلم ومن الاخر دة اللي عندي نزلت وفضلت مستني صديقي وائل صديق عمري ومتربين مع بعض من واحنا عندنا 3 سنين لينا احلي ذكريات مع بعض ومنساش ايام الثانوية والدروس حتي في الجامعة مع بعض وطبعا شيء اساسي اننا مع بعض في البنات والحشيش والخمره واي حاجة تلبسنا في النار  المهم اني كنت حموت علي سيجارة وكنت متعشم ف الواد وائل اوي وقولت نخلص الصلاة ونطلع علي المصنع المهجور نعمل احلي دماغ جمعة فضلت مستني ولكنه مجاش فاضطريت اني اروح اصلي يالا اهي جمعة وخلاص !!فجاه لقيت ناس ملمومه وزحمه  لقيت عم انور بتاع السوبر ماركت بيبصلي بنظرة حزن ويقولي لا حولا ولا قوة الا بالله ربنا يرحمه ويتوب عليه اقتربت من الجثمان وكانت اكبر مفاجاه في حياتي صديقي وائل !! ماات !! في المسجد وهو بيصلي مقدرتش اسيطر علي نفسي ودخلت في نوبة بكاء كبيرة جدا وفضلت العن نفسي واعاتب نفسي : يارتني نصحته يارتني كنت خليته يبطل وانا كمان انا السبب انه بيتعذب دلوقتي انا شيطان  وفي لحظات عدت زي الثواني في لحظة بنشيله في الصندوق وفي لحظه باخد العزا وفي لحظه بنزله القبر وبنودعه بدموع الودااع خلص العزا ولقيت نفسي تايه مش عارف ايه بيحصل ولا انا مين اصلا -لقيت نفسي رايح علي بيته -ودخلت علي امه فضلت ابكي وهي تبكي قلتلي : - -شوفت يا ادهم -حبيبك رااح خلاص -حسن الختام -ح.. حسن الختام ازاي ؟  -فجاه يابني قام من النوم علي بليل وفضل يعيط وبيقول انه شافك في الحلم بتموت وانت ماسك مصحف في المسجد وهو بيدفنك قلتله صلي يا وائل عشان تبقي معايا في الجنة ومن ساعتها وهو منهار وفضل يتأسفلي طول الليل -وياحبت عيني نزل يصلي الفجر واتصل بيا قالي انه حيقعد في المسجد لحد الجمعة واكد عليا اكلمك عشان تروح تقعد معاه - -بس اتصلت بيك كنت مشغول أ..أ اصلي كنت بكلم بابا -  -حصل ايه بعد كدة -وهو علي سجادة الصلاة سقطت علي الارض وجاتله ازمه قلبية صدمة الام لم تكن اكبر من صدمتي حزن كبير وألم كبير حسيت بيه وانا فقدت اعز اصدقائي ورفيق حياتي ولكني حمدت الله بداخلي الحمد لله يارب انك كتبتله حسن الختام وائل شافني انا بموت لاننا كنا قريبين من بعض اتاريه كان بيحلم ان هو اللي هيموت والرسالة اللي انا قلتهاله دي وصيته ليا !! شعرت بان الله اعطاني منحة ربانية لا ترد  حسيت اني محظوظ عن ناس كتير غيري واني بعيش تجربة فريدة فرصة جديدة في الحياة بالقرب من الله عز وجل بس ياتري كام واحد غيري ومجتلوش المنحة دي !! ياتري انت مين فيهم مستني الفرصة او الحدث الكبير ؟؟ ولا مقوي نفسك بنفسك وبتساعد نفسك بنفسك ؟؟ ولا مش فارقه معاك لحد متلاقي نفسك في الاخر خسرت كل حاجة !!؟؟ فكر وتخيل وانتا علي فراش الموت وعل الرجوع بتتحيل ... --------------------------------------- *ويل المصلين الذين عن صلاتهم ساهون*  اقم صلاتك قبل مماتك بقلمي http://ahmedhcapo.blogspot.com/2012/01/blog-post.html 
|
|
#2
07-07-2012, 12:30 PM
|
||||
|
||||
والله قصه جميله فيها درس ياري يفيدنا كلنا
بجد الصلاه بس مش بتحسن ختامنا كمان بتخلي دنيتنا حلوه واي حد مواظب علي صلاته بتكون نفسيته مرتاحه لكن اللي مش بيصلي بيكون دايما تعبان ومخنوق وتعبان نفسيا
__________________
" كان بيختم القرآن في حر الشمس , شايل سلاحه بيحرس على الحدود .. مات وهو بيجهز فطاره بعد صيامه .. مات وكله عزيمة يسهر ليله يكمل حراسته " (( 
|
|
#3
07-07-2012, 12:30 PM
|
||||
|
||||
|
بجد والله مش عارف أقول إيه
قصه رائعه جدا حتى لو كانت من وحى الخيال صقفه جامده جدا ليك ربنا يقوى إيماننا ي رب
__________________
<( If You Can Dream It ,, You Can Do It )>
|
|
#4
07-07-2012, 01:18 PM
|
||||
|
||||
|
قصة جميلة اوى يا احمد بس واحد ان ادهم ووائل كانوا مهيسين على الاخر
 حشيش وخمرة وبتاع ايه يا رايق الكلام ده
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا
|
|
#5
07-07-2012, 01:24 PM
|
||||
|
||||
|
رررررررررررررررائعة بجد فعلا ان الناس غافلون فاذا جائهم الموت استيقظو يارب توب علينا جميعا
__________________
ودعاً وارجو ان ذكرتونى فاذكرونى بخير ,دعواتكم ........... افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#6
07-07-2012, 01:32 PM
|
||||
|
||||
|
قصه جميله فعلاً
بس انا مش فارقه معابا لحد ملاقي نفسى في الاخر خسرت كل حاجة
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
#8
07-07-2012, 02:08 PM
|
||||
|
||||
|
قصة جميلة تنقذ الانسان من الغفلة التى يكون فيها القلب بعيد عن الله عز وجل
__________________
|
|
#9
07-07-2012, 06:29 PM
|
||||
|
||||
|
قصة من الاخر
دى جميلة جدا
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:58 PM.
