احببتة عبر الشات وكرهتة عندما رايتة

[اميرة ولكن حزينة]

بسم الله الرحمن الرحيم


ازيكم



عاملين اية


يارب تكونوا بخير

دى مشكلة وحدة عرضها وعايزة ح حبيبت اعرضها عليكم وتشوفوا اازا كانت صح فى قرارها و لا لاء

المشكلة بتقول....................

ثانيا: أنا فتاة عندي 28سنة، محجبة، عن طريق الصدفة البحتة تعرفت على شخص عن طريق أحد مواقع الشات، وكان وقتها يعمل مهندسا معماريا في السعودية، قال إن سنه 36 سنة، وإنه طويل، وعرض صورته فتقبلتها، لكن شكله كان به شيء ما غير مقبول، ولكنني قلت "يعني أنا هاتجوزه"، ولكن بدأت بيننا اتصالات تلفونية بشكل يومي حتى تعودت عليه وعرف ظروفي العائلية، حيث إن والدي ووالدتي منفصلان.

بدأت بيننا علاقة حب، حيث وجدته شخصا محترما لأبعد الحدود، ووعدني أنه سيتقدم لخطبتي فور نزوله لمصر، حيث إنه من الإسكندرية وأنا من القاهرة وفور نزوله بعد قصة حب هاتفي دامت سبعة أشهر نزل القاهرة، وقابلته أولا خارج المنزل بعلم والدتي، ولكن حدث شيء غريب جدا؛ أحسست أن الشخص الذي أحببته من كل قلبي شخص آخر ليس هذا الشخص الذي أمامي.

أولا: طويل جدا يتخطى190 سم وأنا 169 سم.

ثانيا: لم أشعر ناحيته بأي ارتياح تمامًا كما لو كان شخصًا آخر، ومع ذلك قلت لنفسي سوف أعطي فرصة لنفسي، وهو لاحظ رد فعلي.

المهم حضر للمنزل لمقابلة أهلي وكان أول تعليق من أخي "هو متجوز قبل كدة"، حيث إن شكله أكبر من سنه غير أنه عندما حضر للمنزل لم يحضر معه أي شيء عند دخوله المنزل، وفي اليوم التالي ظهرت المفاجأة، حيث قال أبي إن سنه ليس 36، ولكن 41، وعندما واجهته قال: "مش فاكر أنا قلت لك كام سنة"، وغير ذلك أنه كان يريد "كتب الكتاب" فورا قبل سفره مرة أخرى بعد شهرين، ولكن هذه الكذبة أقلقتني جدا من الارتباط به.. وأخيرا وجدت نفسي أرفضه بنفسي.

أرجوكم أفيدوني.. هل أنا ظلمته؟

[مس رانيا حسن]

الظاهر انه شخص غامض
وموضوع السن ده يقلق
وما خفى كان اعظم
الافضل انها ترفضه
لانه من البدايه الموضوع قام على كدبه
وما بنى على باطل فهو باطل
نتمنى التوفيق للجميع

[fariooo]

لا يوجد كلام بعد هذا

المشاركة الأصلية كتبت بواسطة رانيا حسن

لانه من البدايه الموضوع قام على كدبه
وما بنى على باطل فهو باطل
نتمنى التوفيق للجميع

[mR . mOstafa Fathi]

ارفضيه طبعاً

الظاهر انه شخص غامض

وربنا يقدم الى فيه الخير


______

[♥έĻ-мΰšŧâρèdâ♥]

اذا كان الواحد كذب اول مرة ثقى ثقى ثقى انه هيكذب تانى

هيقولك علشان مكونتش عاوز اضيعك من ايدى لا متصدقيش

وبعدين انا ضد فكرة الزواج على النت

ذى ماعرفك بالصدفة ممكن يعرف غيرك بالصدفة

وبعدين ده شكله كبير اوووى خدى لك واحد شاب وعايش فى بلدك وقدام عينك

وعارفة كل حاجة عنه بالصدق احسن من واحد يخطبك ويطير على السعودية ومتعرفيش حتى اذا كان اسمه ده ولا مزور

على العموم ده رااايى

تقبلى مرورى

[شموخ مسلمة]

لا كويس انها رفضته

بس للصراحة هى غلطانة من الاول

أولا: طويل جدا يتخطى190 سم وأنا 169 سم

"هو متجوز قبل كدة"،

سنه ليس 36، ولكن 41

يريد "كتب الكتاب" فورا قبل سفره مرة أخرى بعد شهرين،

وما خفيا كان اعظم

[postan algana]

اضافة لكل المرور
اعترض عن الجواز عبر النت
ولكن هي مش رفضته عشان الكدبه كان ممكن تسامحه لو بتحبه فعلا
هي رفضته عشان شكله مش عجبها
لان اللي بيحب بجد ممكن يسامح مهما كانت العقوبات

من الافضل انها رفضته لان حتي لو كان صادق معها هي لا تضمن
من هو تلك الشخص ....
حب النت مجرد وهم صنعه الانسان

وده راي

[yasmeen 2008]

طبعا لكى كل الحق ترفضيه

[mohamed_92]

انا فى اعتقادى ورأيى المتواضع ان من يصل الى سن 33 فيما فوق ولسه متجوزش يبقى بالتأكيد عنده كلاكيع نفسية و عقلية واجتماعية وبالتالى فانه بكون مريض ومعقد وبعدين يعنى بالعقل كده واحد مهندس يعنى مركزه مرموق ـ بيشتغل فى السعودية يعنى معاه فلوس ـ عنده say 36 سنة يبقى معارفه كتير والعرايس قدامه اكتر ـ بس هو لجأ للإنترنت والشات علشان هو عايز حد مش عارف عيوبه ولا عقده والكلاكيع اللى فى دماغه ده ، فهو عايز واحده بعيده وبيسرع فى ميعاد الجواز علشان ميظهرش عيوبه كلها فى فترة الخطوبة .
وبعدين والله يا جماعة المشكلة ده مبقتش للبنت اللى بنحكى عنها ده وبس وانما بقت موجوده فى كل حى وفى كل شارع وفى كل بيت ان واحد يكون وصل هذا السن وترعرعت داخله مبادئ العنوسه والعقد بأنه سوف لا يلاقى من تحبه ولن يلاقى البنت الصغيرة التى حلم بها فى ريعان شبابه .
فأنا نفسى يا جماعة نتصدى لهذه المشكلة الخطيرة لانها ليست مقتصرة على الزواج فقط بلا فانها اصبحت مشكلة اجتماعية خطيرة تهدد الامن العائلى المصرى
وشكرا
ههههه

[لولو داد]

لالا قرار سليم
مدام ما ظهر بالحقيقة بتاعتة من الاول خلاص

[الامبراطورةالفارسة]

عندها حقفى رأيها وان شاء ربنا يوفقها

[اميرة ولكن حزينة]

شكرا ع مروركم

انا كمان من رائى انها كان قرارها صح ونها مظلمتش ولا حاجة لان النت دة عبارة عن وهم الانسان بيوهم بية نفسة

[اميرة ولكن حزينة]

شكرا ليك يا فريد سلطان على مرورك

[اللهم ادخلني الفردوس]

سوري يعني حتي لو مش كداب كفايه انه كان بيشيت وبعدين يا جماعه انا بستغرب جدا لحكايه الرجال اللي عايزين يتجوزا فيبحثو علي النت هو لو واثق من نفسه كان فكر في قريبه او في جاره .وربنا يهديه ويرزقها بالزوج الصالح