بلاغات تفيد ظهور أسماك القرش بالإسكندرية

[بوبوسا]

سمك القرش

كتب - لطفي الدمراني:

تلقت جمعية الإنقاذ البحرى وحماية البيئة بالبحر الأحمر معلومات من جمعية حماية البيئة بالاسكندرية بتلقيها عدة بلاغات بظهور أسماك القرش بالشواطئ غرب الإسكندرية وشرق الاسكندرية بميامى وسيدى بشر والعجمى وغرب حتى مرسى مطروح.


وأشارت إلى أن البلاغات تعددت مما يوحي بأن هناك وجودا حقيقيا لأسماك القرش.
ورأت جمعية الإنقاذ البحرى وحماية البيئة أن يتوخى نزلاء الشواطئ الحيطة والحذر عند نزول البحر ونحن نجزم أنها موجودة ومنها القرش الابيض القاتل ونظرا لاتصال البحر المتوسط بالمحيط الاطلنطى عبر مضيق جبل طارق، وان اتصال المحيط بالبحر يعطى الفرصة لتحرك الكائنات الحية من وإلى البحر الابيض والمحيط.


وفى الاونة الأخيرة ظهرت هجرة أسماك من البحر الأحمر عبر قناة السويس الى البحر الأبيض ومنها سمكة القراض القاتل الشهيرة بشدة السمية وأيضا أنواع أخرى تعيش بالبحر الأحمر إلا أنها ظهرت بالبحر الأبيض مما يدل على هجرة الاسماك وتحركها من بيئة الى بيئة مختلفة.


ويدلل على الرأى الدكتور علاء شتا خبير الاسماك الخطرة وطب الاعماق ان ظاهرة هجرة الاسماك طبيعية وان عوامل هجرتها يرجع الى سببين الاول الزواج ووضع البيض وعودة الى مسقط الراس مثل اسماك السلمون والذى يمر الاف الكيلومترات عابرا الانهار والمحيطات والثانى البحث عن الطعام عابرا البحار والمحيطات.


ونوه حسن فؤاد الطيب رئيس جمعية الإنقاذ البحرى وحماية البيئة بالبحر الأحمر أن التلوث البترولى والصيد الجائر يعتبر السبب الرئيسى للخلل بالتوازن البيئى بالبحار والمحيطات ،وأكد على أن الدول يجب ان تحترم الاتفاقيات والمعاهدات الموقع عليها والتى تخص الحفاظ على البيئة.

المصدر :

اقرأ المقال الأصلي علي بوابة الوفد الاليكترونية الوفد - بلاغات تفيد ظهور أسماك القرش بالإسكندرية

[عاشق البلانكو الابيض]

لو ده حقيقى
كده الناس هتحرم تروح
اسكندرية
شكررا على الخبررررر

[بوبوسا]

المشاركة الأصلية كتبت بواسطة عاشق البلانكو الابيض

لو ده حقيقى
كده الناس هتحرم تروح
اسكندرية
شكررا على الخبررررر

بصراحه الخبر مفيد جداً لينا كاسكندرانيه
الاسكندريه زحمه جداً احنا مش عارفين ننزل خالص سواء بحر او خروجات
بنصيف خارج الاسكندرية
على اي حال اهلاً بكل ضيوف اسكندريه
شكراً لمشاركة حضرتك

[صوت الامة]

يا خبر هو الكلام دة صحيح؟
كدة المصيف راح عليا

[عاشق البلانكو الابيض]

المشاركة الأصلية كتبت بواسطة بوبوسا

بصراحه الخبر مفيد جداً لينا كاسكندرانيه
الاسكندريه زحمه جداً احنا مش عارفين ننزل خالص سواء بحر او خروجات
بنصيف خارج الاسكندرية
على اي حال اهلاً بكل ضيوف اسكندريه
شكراً لمشاركة حضرتك

بس فى ناس فى اسكندرية
اكل عيشها من المصيف ده
كده خسارة ليهم

[هـمسة]

طب وهما هيعملو ايه مع الاسماك دى هيقضو عليها ولا هيقضوا على مصيفنا احناههههههههههه

[midomashakl2007]

المشاركة الأصلية كتبت بواسطة بوبوسا

بصراحه الخبر مفيد جداً لينا كاسكندرانيه
الاسكندريه زحمه جداً احنا مش عارفين ننزل خالص سواء بحر او خروجات
بنصيف خارج الاسكندرية
على اي حال اهلاً بكل ضيوف اسكندريه
شكراً لمشاركة حضرتك

يا ريت يكون صح علشان المصيف ينتهي من اسكندرية علشان ده احتلال والله كده حرام بس هما هيبطلوا فعلا لما يشوفوا واحد بعنيهم وبعدين اصلا الاسواق بتاعتنا مليانة اسماك قرش صغير وكبير وبيبيعوها للناس وطازة يعني بيجيبوا منين

[Mr Ahmed Abdel Hamid]

ربنا يستر علينا

[شروق الحرية]

مع مرسى مصر هتشوف العجب

وبكره تدخل حزام الزلازل والبراكين كمان

[seryo]

thnk yooooooooooooooooooooooooooou

[sahar2012]

المشاركة الأصلية كتبت بواسطة شروق الحرية

مع مرسى مصر هتشوف العجب

وبكره تدخل حزام الزلازل والبراكين كمان

يعنى ايه الكلام ده ...د. مرسى السبب فى وجود القرش ؟؟؟؟!!!!! يا عينى عليك

[بوبوسا]

الحمدلله دلوقتي على قناة ontv في الشريط الاخباري
محافظ الاسكندرية ينفي ماتردد عن وجود اسماك القرش على شواطئ المدينه

[بوبوسا]

الحمدلله دلوقتي على قناة ONTV في الشريط الاخباري
محافظ الاسكندرية ينفي ماتردد عن وجود اسماك القرش على شواطئ المدينه