الوقت يمر وان لم اقطعه فسيقطعنى فساعدنى على قطعه ان كنت طالبا او معلما اريد المشورة

[المنسي للكمبيوتر]

لو سمحتم انا طالب فى الصف الثانى الثانوى وجبت مجموع مخيب لآمالى وامال كل من يعرفنى بصراحة86.59% وبعد ما شوفت تنسيق السنه دى ولما اجى انصح حد فى تالته يقول كمل ادبى افضل مع العلم ان انا مش بحب الادبى نهائى ولا بحب الحفظ احب افهم وبعد كدا احفظ وانتم عارفين ان الادبى معظمه حفظ وكمان انا ماشى بقانون( حب ماتعمل حتى تعمل ما تحب )او مش بحب اعمل حاجه الا اذا كنت انا حاببها ونفسيتى راضيه عن الحاجه دى وانا عايز اكمل رياضه2 لانى بحبها جدا وكنت حضرت حصتين مع مدرس الرياضيات بتاعى اللى هو اخويا ولقيتها ممتعه جدا جدا جدا وحببه جدا ومصمم ادخله بس متردد شويه فافيدونى افادكم الله لان الدروس هتبدأ بعد يومين اطلب من كل واحد عالمنتدى طالب ومعلم ان يعطينى رأيه وبكل صراحه وشكرا جزيلا (مصطفى عبدالله01014859095 )

[amany96]

أنا قدك فى تانية بس جبت 96.34 وبرده زيك مش عارفة اكمل احياء ولا رىاضة
أما عن نصيحتى ليك مادام انت مش بتحب الحفظ اتكل على الله وشد حيلك وخش رياضة اتنين وان شاء الله تجيب درجة كويسة تلحق علوم او حاسبات ومش بعيد على ربنا هندسة بس أنت شد حيلك وسيب الباقى على ربنا

[عبير الشذى]

انا كنت جايبة السنة اللى فاتت 93,7
والسنة دية جبت 95,12
علمى علوم بجد ندمانة انى محولتش ادبى لانى تعبت جدا فالمذاكرة وفالاخر حدخل كلية ادبيه
بنصحك تحول ادبى

[المنسي للكمبيوتر]

شكرا يا ايمان عالرد وهتكل على ربنا وهعمل كل اللى عليا ومش فى حاجه مستحيله هى صعبه بس مش مشتحيله لان انا قدامى اجيب 94.5دا فى حالة ان جبت 100%فى تالته وانا عارف ان الكل هيتريق بس دا مش بعيده عن ربنا مع العلم ان المجموع ده كان سببه ظروف حصلتلى فالامتحانات بس وربنا يسهل

[amany96]

لا محدش هيتتريق مهو أنا نفسى أدخل طب برده وعشان أدخله لازم أجيب فى تالتة 100 برده (ملحوظة اسمى أمانى مش ايمان )

[المؤمن الصغير]

المشاركة الأصلية كتبت بواسطة المنسي للكمبيوتر

لو سمحتم انا طالب فى الصف الثانى الثانوى وجبت مجموع مخيب لآمالى وامال كل من يعرفنى بصراحة86.59% وبعد ما شوفت تنسيق السنه دى ولما اجى انصح حد فى تالته يقول كمل ادبى افضل مع العلم ان انا مش بحب الادبى نهائى ولا بحب الحفظ احب افهم وبعد كدا احفظ وانتم عارفين ان الادبى معظمه حفظ وكمان انا ماشى بقانون( حب ماتعمل حتى تعمل ما تحب )او مش بحب اعمل حاجه الا اذا كنت انا حاببها ونفسيتى راضيه عن الحاجه دى وانا عايز اكمل رياضه2 لانى بحبها جدا وكنت حضرت حصتين مع مدرس الرياضيات بتاعى اللى هو اخويا ولقيتها ممتعه جدا جدا جدا وحببه جدا ومصمم ادخله بس متردد شويه فافيدونى افادكم الله لان الدروس هتبدأ بعد يومين اطلب من كل واحد عالمنتدى طالب ومعلم ان يعطينى رأيه وبكل صراحه وشكرا جزيلا (مصطفى عبدالله01014859095 )

أعتقد يفضل لحضرتك بعد اللي قلته إنك تكمل رياضة، بس تشد حيلك جداً ممكن تلحق حاسبات أو حتى هندسة بإذن الله، وأتمنى لك دوام التوفيق.

[المؤمن الصغير]

المشاركة الأصلية كتبت بواسطة amany96

أنا قدك فى تانية بس جبت 96.34 وبرده زيك مش عارفة اكمل احياء ولا رىاضة
أما عن نصيحتى ليك مادام انت مش بتحب الحفظ اتكل على الله وشد حيلك وخش رياضة اتنين وان شاء الله تجيب درجة كويسة تلحق علوم او حاسبات ومش بعيد على ربنا هندسة بس أنت شد حيلك وسيب الباقى على ربنا

أعتقد لحضرتك تكملي أحياء في تانية، الموضوع يعتمد على الميول وللعلم معنى إن الواحد يجيب في 3 ث 100% إنه مثلا ينقص أربع درجات ويجيب في المستوى 9 من 10 الموضوع مش صعب خالص إن شاء الله.

[amany96]

شكرا لحضرتك واللى ربنا عاوزه هيكون

[Mohamed Nada*]

طيب انا الحمد لله جايب 97 % .. ومش عارف اكمل ايه من اللي بيحصل في مصر والتعليم ده

[babagamil]

لا اله الا الله محمد رسول الله