استفسار بخصوص الكلية والجامعات الخاصة

[ma7md3adel]

انا مجموعى 93.05 .. ان شاء الله الحق حاسبات بس لا قدر الله لو ملحقتهاش ايه احسن الاماكن اللى ممكن ادرس فيها حاسبات وتبقى اقرب حاجة للى كنت هدرسه فى جامعة حكومية ؟؟

[Eng.Mo'men]

هتلحقها ان شاء الله ولو مش لحقتها ادخل العاشر او الشروق او العبور التلاتة دول تمام اوي اوي ومصاريفهم مش كتيرة يعني 6-8 تلاف جنيه فى السنة وقبل كل حاجة استخير ربك وصلي صلاة استخارة .

[ma7md3adel]

الف شكر على ردك .. انا فعلاً كنت بفكر فى الشروق جنب الروسية والاهرام الكندية والبريطانية .. فايه رأى حضرتك ؟ وهل البريطانية خصوصاً فيها علوم حاسب زى اللى بره ؟؟

[Eng.Mo'men]

ايوة البريطانية فيها علوم الحاسب المعتمدة فى النقابة وفى المجلس الاعلى للجامعات بس انت بتبص عالحاجة المصنفة , الشروق والعاشر مصنفين اعلى من الجامعة البريطانية بياخدوا من مجموع اعلى يعني ودا فى مصلحتك لأنك مش هتخش مع واحد جايب 65% او 70% هتخش مع واحد من مستواك بالاضافة ان هيكون فيه منافسة بينكم ودا اكيد لمصلحتكم , انا لو مكانك اروح العاشر او الشروق او امبابة وآخرهم العبور .

[ma7md3adel]

انا عايز احسن مكان فى الدراسة .. اكيد المنافسة مهمة بس انا يهمنى اللى هدرسه .. انا يهمنى اخد قرار بدرى علشان الحق اقدم .. ياريت ترشحلى اكتر من مكان كمان جنب الشروق .. ومتشكر جداً على متابعتك

[Eng.Mo'men]

ما انا براعي المصاريف والمستوى يعني بمسك العصاية من النص , طيب انا ممكن اقولك الجامعة الامريكية بس مصاريفها تعجيزية , لو انت باصص على اسم المعهد وكدا يبقا انت غلطان المعاهد دلوقتي بقت احسن من الكليات بالاضافة ان شهادتك معادلة زي خريج الكلية بالظبط ويمكن تكون احسن منه كمان , وبالنسبة لأحسن مكان ماقدرش اقولك احسن مكان لأن الاتنين كويسين ونضاف اوي وفيهم اهتمام عالي , ف الحالة دي انت تشوف الأقرب ف المسافة وتروحلها .