انا مش فرجة

[فاطمة الزهراء كارم]

النظرة تحرش والكلمة تحرش واللمسة هتك عرض


هل تعلم ان فى احصائية فى 2010 بتقول ان 71% نسبة التحرش ال***ى ضد المراة ؟ وان 98% من الحالات لا يتم التبليغ عنها خوفا من العار الذى يلحق بالبنت؟ وان اكتر من نص نساء مصر بيتعرضوا للتحرش بشكل يومى ؟ واخيرا هل تعلم ان النسبة دى ازدات بطريقة مرعبة فى السنتين اللى فاتوا ؟

هل تعلم ان البنت ممكن جدا وهى ماشية فى الشارع تسمع عبارة عن اى تفصيل فى جسمها وحتى عن اعضائها التناسلية ؟

هل تعلم ان لو لبس البنت مش عاجب المتحرش فهو بيعتبر التحرش بيها حق مكتسب له؟ والغريب هو ان الناس تحاول تمنعه؟

هل تعلم ان مافيش اى فرق بين قذارة المتحرشين مع المحجبة وقذارة المتحرشين مع غير المحجة؟

هل تعلم ان ممكن جداكل فترة تقابل واحد فى الشارع قرر يفتح بنطلونه ويفرج البنات على عضوه الذكرى بالعافيه؟

هل تعلم ان مافيش بنت فاتها اى لفظ ابيح م اللى بتسمعه كل يوم فى الشارع؟ وبيحمدوا ربنا انها جت على قد الكلام ومحدش مد ايده؟

هل تعلم ان اى بنت هاتقف فى الشارع مستنية تركب او مستنية حد عادى جدا يعدى عليها عربيات تفتحلها الباب والباْف اللى جواه يدعوها للدخول ؟ على اعتبار انها اكيد عاهرة الى ان يثيت العكس ؟

هل تعلم ان عادى جدا ان المتحرش يضرب البنت من ورا فى وسط الشارع متخدا فى ذلك تامر حسنى قدوة ويضحك ويجرى ولا كاْْْْنه عمل حاجة؟

هل تعلم ان كتير من البنالت بيتكسفوا يحكوا لاْهاليهم عن التحرش من كتر البشاعة ؟ يعنى لو حد قالك ترضاها لاختك ؟ وقلت اختى بتلبس محترم لا يا باْف اختك بتتعجن بس انت اللى متعرفش

هل تعلم ان الملايين م الشباب اللى بيتحرشوا بالبنات دول هم نفس الناس اللى دخلت فيلم شارع الهرم

هل تعلم ان اللى يربى بنته تسكت على التحرش يبقى يسكت على ال****** لما يغتصبوها بقى

هل تعلم ان التحرش بقى فى المواصلات والشارع والجامعة والنت والموبيل ؟

هل تعلم ان التحرش ال***ى ده بيتعتبر ****** علنى للبن ؟ عارف ( اختك_قربتك_خطبتك_مراتك_امك) اغتصبوها كام مرة ؟

هل تعلم ان اسواء الاهانة للمراة هو النظر لها على انها مجرد جسد وياريته جسد ليه حرمة لاْ ده جسد مستباح.

هل تعلم ان سن المتحرش بيكون 12 سنة فيما فوق؟

هل تعلم ان غالبا اى راجل طويل عريض يسوف بنت بتتعاكس او بتتمسك من اى مكان فى جسمها بيقف يتفرج وما بيحاولش يقول اى كلمة للمتحرش