خطأ فى امتحان الكيمياء 2012

[abu amer]

هناك خطأ فى سؤال فى امتحان الكيمياء 2012 تحديدا فى السؤال الرابع رابعا لم ينتبه له الكثيرين
حيث كان المطلوب فى السؤال كم عدد المولات من الأكسجين اللازم اضافتها الى مول من البوتاسيوم المذاب فى النشادر للحصول على مول من الاكسيد .

وبما ان البوتاسيوم مذاب فى النشادر سيكون الاكسيد الناتج مثالى بالطبع وليس سوبر أكسيد بوتاسيوم
فتكون المعادلة كالتالى

2k + 1/2 o2 ----------------> k2o مذاب فى النشادر

الملاحظ من المعادلة السابقة الصحيحة والمتزنة أننا أضفنا نصف مول من الاكسجين الى 2 مول من البوتاسيوم للحصول على 1مول من أكسيد البوتاسيوم .

والخطأ فى السؤال أنه قال عدد مولات الأكسجين اللازم إضافتها الى مول من البوتاسيوم للحصول على مول من الاكسيد . أى أنه ساوى عدد مولات كل من البوتاسيوم والاكسيد وهذا يستحيل أن يحدث لانه ستصبح المعادلة غير متزنة .

فكان من الأحرى أن يقول ......اللازم اضافتها الى البوتاسيوم للحصول على مول من الاكسيد . أى دون أن يحدد عددمولات البوتاسيوم .

وشكرا لتعاونكم وأرجو الرد من المدرسين الأفاضل

[M_Sallam]

الصيغة الصحيحة للسؤال هو ان يقول كم عدد المولات من الاكسجين اللازم اضافتها لنحصل على 1 مول من الاكسيد في وفرة من البوتاسيوم

[abu amer]

أشكرك أستاذ سالم , ولكننى أقصد انه ان لم يحدد عدد مولا البوتاسيوم أصلا ستكون الصيغه ايضا صحيجة لأنه فى هذه الحاله سينصب التركيز كله الاكسيد الناتج الذى يجب ان يكون 1مول بغض النظر عن البوتاسيوم بالعربى يعنى يطلع البوتاسيوم زى ما يطلع 1 او 2 او3 اللى يحدد ده هو وزن المعادلة ,
بس هو ما يكتفنيش ما ينفعش يقول لازم الاكسيد يكون 1مول وهكذا البوتاسيوم يكون 1 مول يعنى هو كده ما يعرفش ان المعادله هتكون غير موزونة أصلا

[sheko ghost]

بغض النظر دلوقتى هل فى جميع الكنترولات تم تصحيحها 1 وربع ونص مول ام نص وربع مول فقط

[abu amer]

بالنسة الى sheko ghost
هو فى نموزج الاجابة الرسمى قال ان عدد مولات الاكسجين هتكون نصف مول من الاكسجين . على اساس المعادلة المكتوبة فوق فى الموضوع ولم يذكر الخطأ المذكور أعلاه
وعلى فكرة انا هرفع النموزج الرسمى دلوقتى

[محمد ماري]

استاذتي الاجلاء لي استفسار بسيط ارجو الرد عليه
في السؤال السادس : ثالثا : لوحظ انه تم تكرار السؤال مرتين فكيف يطلب واضع الامتحان في رقم 4 طلبا اجاب الطالب عليه بالفعل في 1/2 لذا فاني قد اجبت رقم 4 على النحو الاتي:
يزاح التفاعل في الاتجاه الطردي لزيادة تركيز المتفاعلات لزيادة فرص التصادم بين المتفاعلات وينتج عن ذلك كسر الروابط بين المتفاعلات وتكوين روابط بين النواتج

[abu amer]

استاذتي الاجلاء لي استفسار بسيط ارجو الرد عليه
في السؤال السادس : ثالثا : لوحظ انه تم تكرار السؤال مرتين فكيف يطلب واضع الامتحان في رقم 4 طلبا اجاب الطالب عليه بالفعل في 1/2 لذا فاني قد اجبت رقم 4 على النحو الاتي:
يزاح التفاعل في الاتجاه الطردي لزيادة تركيز المتفاعلات لزيادة فرص التصادم بين المتفاعلات وينتج عن ذلك كسر الروابط بين المتفاعلات وتكوين روابط بين النواتج

عزيزى محمد
واضح ان فهمك للسؤال تم بصورة خاطئة
فالمطلوب من السؤال ليس له علاقة بالاتزان .

ففى رقم (1)- قال لماذا تم التفاعل على مرحلتين ؟
والاجابة لأن الاسيتيلين يحتوى على رابطة ثلاثية (رابطة سيجما ورابطتين باى) لذلك يتم التفاعل على مرحلتين لكسر الرابطتين باى حيث فى المرحلة الاولى تكسر رابطة باى واحدة وفى المرحلة الثانية تكسر الرابطة باى الثانية وطبعا هذا يتم باضافة 2جزئ من بروميد الهيدروجين .

اما فى رقم (4)- ماذا يحدث عند اضافة 5 مول من بروميد الهيدروجين الى واحد مول من الاسيتيلين ؟
فالاجابة تكون يتفاعل 2 مول من بروميد الهيدروجين فقط , ويتبقى 3 مول بدون تفاعل .

حيث ان هذا التفاعل تفعل اضافة وتفاعل الاضافة يعتمد على عدد الروابط باى الموجودة .
فبالتالى يتفاعل 2 مول من بروميد الهيدروجين لكسر الرابطتين باى بالاسيتيلين , فبالتالى يتبقى 3 مول من بروميد الهيدروجين بدون تفاعل لعدم وجود روابط باى التى قد تم كسرها بالفعل , فبالتالى ايضا يتم التفاعل على مرحلتين , اى على معادلتين

وهذا يتضح تماما اذا كتبت المعادلات اولا . لذا عليك مراجعة المعادلات كى تتضح لديك الصورة

وأتمنى لك التوفيق

[hassan201022]

واحد مول من الاكسجين صح ولا اتحسبت غلط ارجوكم محتاج الرد

[abu amer]

لا , هى الاجابة هتكون نصف مول مثلما زكرت فى الموضوع , وعلى فكرة نموزج الاجابة الرسمى مرفوع فى الصفحة الرئيسية تقدر تتطلع عليه .
وبالتوفيق ان شاء الله

[vℓαмηcσ]

المشاركة الأصلية كتبت بواسطة abu amer

لا , هى الاجابة هتكون نصف مول مثلما زكرت فى الموضوع , وعلى فكرة نموزج الاجابة الرسمى مرفوع فى الصفحة الرئيسية تقدر تتطلع عليه .
وبالتوفيق ان شاء الله

رايى ان صاحب الموضوع عنده حق
السوال يحمل الاجابتين نص وواحد
السوال به غلطه

[elamal2412]

انا عايزة اعرف مصيرى من امتحان الكيميا ال.......... يلا الله يسامح الى حطه فى سوال اكتب معادلات جهد التاين والميل الالكترونى اناعملتهم بس ماوضحتش الطاقة بس كتبت التعريف كدة انقص اد ايه وكمان السؤال بتاع 5مول من بروميد الهيدروجين اناقلت يبقى حجم غازالايثاين 22.4لتر لانة مول فى م.ض.د تمشى صح ولااية ارجوووووووووووووووووالرد

[abu amer]

أختى الطالبة
للاسف هو السؤال محدد , وهو طالب المعادلات الرمزية موضحا بها الطاقة سواء ( طارد أو ماص )
يعنى لازم تكتبى المعادلات صحيحة وتكتبى الاشارات سواء الموجبة او السالبة على الأيونات وتكتبى الطاقة فى المعادلات , حيث ستوضع الطاقة فى النواتج فى حالة الميل الالكترونى لانه تفاعل طارد , وتوضع فى المتفاعلات فى حالة جهد التأين الثانى لأنه تفاعل ماص .

وانتى قولتى انك كتبتى المعادلات بس مش كتبتى الطاقة فيها وكتبتى التعريفات طيب ماهو انتى من التعريفات كنتى تقدرى تحطى الطاقة فى المعادلات , يعن مثلا فى الميل الالكترونى هو مقدار الطاقة المنطلقة , يعنى الطاقة هنا منطلقة يعنى تحطى الطاقة مع النواتج لأنها منطلقة والعكس صحيح فى جهد التأين التانى

بس اللى حصل حصل يالا نقول الحمد لله

المهم السؤال ده عليه درجتين , درجة لكل معادلة
ان شاء الله ممكن تأخذى درجة ونصف لانك كتبتى المعادلات والتعريفات الموضح الموضح بها نوع الطاقة سواء كانت ممتصة أو منطلقة , بس على شرط انك تكونى كاتبة المعادلات صح مثلما زكرت أعلاه , والنصف درجة ده هيتخصم منك لانك مش وضعتى الطاقة فى المعادلات , وممكن لو المصحح رحيم شوية تاخدى الدرجة كامله لانك كتبتى المعادلات أينعم بدون الطاقة بس اللى يعوض ده انك كاتبة التعريفات المذكور فيها الطاقة ونوعها ممتصة او منطلقة بس على شرط صحة المعادلات والتعريفات كما زكرت سابقا

اما السؤال الثانى الخاص ب 5 مول من بروميد الهيدروجين , فانا اسف انى اقولك انى اجابتك خاطئة , بس مش عايزك تقلقى لانه لحسن الحظ السؤال ده عليه نصف درجة فقط , وعلى فكرة انا مجاوب السؤال ده فوق فى احد التعليقات تقدرى تطلعى عليه

والملف المرفق ده فيه اجابة السؤال السادس كله بتوزيع الدرجات معتمد من الوزارة

وعلى فكرة برده نموزج الاجابة الرسمى كله مرفوع فى الصفحة الرئيسية تقدرى تطلعى عليه

وأتمنى لكى التوفيق

[اسير احمد]

الاجابة ربع مول واتحدى اى انسان بعد وزن المعادلة
4k+o2=2k2o
احمد الباشا خبير فى مادة الكيمياء