يا جماعة هتختارو ايه

[annoccc]

أنا عملت الصفحة دى مخصوص عشان الى زى حالاتى ، الموجودين فى الصف الثانى لسة ، و الذين لهم حق الاختيار بأن يكملوا على النظام القديم أو يختارو النظام الجديد فى الثانوية العامة يعنى السنة الواحدة ، و على فكرة الى فى سنة اول ثانوى ورايحين تانية لهم ايضا ان يختاروا بين النظامين عشان يدرسوا عليه .

كل واحد يدخل يقولنا هو عاوز يكون شغال على اى نظام و يدينا رايه هو ليه اختار النظام ده بالذات .


عاوزين نكون انطباع عام عشان دا أحسن لو كنا كلنا أو حتى معظمنا ماشيين على نظام واحد ، أصلى خلي بالكم كل نظام منهم ليه امتحانات وحده صعبة سهلة محدش عارف ، بس فى النهاية كلنا لينا تنسيق واحد بمعنى ان ممكن نمشى على نظام السنة الواحدة و تكون الامتحانات صعبة عن نظام السنتين و يخلوا الامتحانات سهلة جدا فى النظام القديم على أساس انى آخرتها خير و خاتمتها مسك ، و كلنا لينا نفس التنسيق الى دخل امتحانات سهلة أو صعبة و دا كله هيأثر على مجموعنا طبعا و بالتالى الكليات الى هندخلها بإذن الله .

عشان كدة لازم نفكر و بتأنى عشان منندمش ، يلا ادخولو و قولننا آراءكم و مقترحاتكم .

:022yb4 :

[جمــ الروح ـال]

هو بصراحه اول مره اسمع عن اختياركم ده لكن كمعلومه يعنى
أنا قرأت انهرده موضوع من الصحف بس صراحه مش متذكره اسمها بيقول فيه عنوان 0 وزير التربيه والتعليم يقرر أنه لا تراجع عن تطبيق نظام الثانوية الجديد ) ولما قرات التفاصيل لقيت ان ده أساسى لكن فكره انك تختار دى أول مره اسمعها
بس افتكر ان في حاجه غلط مستحيل تكون باختياركم يعنى مثلا الثانوية فيها 2000 الب مثلا يبقى منهم 1000 سنه و1000 سنتين مفتكرش علشان المواد
عمتا ربنا ييوفقكم
ملحوظه ( انا مش اولى ولا ثانيه ) بس قلت اقور راى

[annoccc]

أشكرك على رأيك ، بس أنا لسة كنت متصل بالكنترول انهاردة الصبح ، و لما سألتهم عن حالتنا قالى انتم لكم أن تختاروا بين أي نظام تدرسوا بيه مع كتابة اقرار على ذلك من ولى الأمر دا مش بس للموجودين فى سنة تانية من العام الماضى وكما الى داخلين سنة تانية السنة دى .

و هذه المعلومة انا عارفها من قبل الامتحانات ، و اليوم أكدتها .

[T.RocK]

لو كنت مكانك هختار على حسب المجموع
يعنى لو كانت نتيجتى كبيره ممكن تعوضلى اى نقصان فى تالته هكمل النظام القديم
و لو نتيجه ضعيفه هتنقصلى المجموع الكلى يبقى اختار النظام الجديد
بالتوفيق

[مريوم2000]

انا اول مره اسمع عن فكره الاختيار دي انا في اولى وداخله تانيه السنادي واسمعتش حاجه غير الاقرار اللي نزل على نفس الموقع هنا وكان فيه كلام غريب قوي بس لو كان الكلام ده صحيح فانا في رايي النظام القديم بتاع السنتين احسن بكتير بس في الاخير رفعت الاقلام وجفت الصحف

[annoccc]

المشاركة الأصلية كتبت بواسطة مريوم2000

انا اول مره اسمع عن فكره الاختيار دي انا في اولى وداخله تانيه السنادي واسمعتش حاجه غير الاقرار اللي نزل على نفس الموقع هنا وكان فيه كلام غريب قوي بس لو كان الكلام ده صحيح فانا في رايي النظام القديم بتاع السنتين احسن بكتير بس في الاخير رفعت الاقلام وجفت الصحف

لكن انت رأيك ايه لو كان فى حق الاختيار هتختارى الدراسة على النظام القديم ولا الجديد ، و كمان عاوز أعرف يعنى رأي اصحابك فى نفس الظروف محتاجين نعرف الطلاب رايحين على أنهى نظام فى الغالب عشان كلنا أو معظمنا ندرس بنظام واحد لأن سبق و قلت انى دا هيأثر على درجة صعوبة الامتحانات و تنسيق القبول بالكليات لأن فيه تفاوت فى الامتحانات و كمان فى درجة صعوبتها ، ياريت تبلغينا بآرائك وتطلعاتك أنت وزملائك .

و ربنا يوفقنا جميعا لما فيه الخير ، و كل سنة و انتو طيبين .
و السلام عليكم و رحمة الله وبركاته

[مصر الجديده]

سؤال من له حق الاختيار 1 - طالب 2ث ناجح ومنتقل الى 3ث
2- طالب 2ث سايب مواد ومنتقل الى 3ث
3 - طالب 2ث راسب وباقى فى 2 ث