التقديم للدبلوم العام للعام الجامعي 2012/2013 ببنى سويف (ل ابناء المحافظة فقط )

[شريف حسن .]

السادة المعلمين الافاضل

يبدأ التقدم للدبلوم العام للعام الجامعى2012/2013 على الانترنت من 1/8/2012 حتى 15/8/2012

علي أن يكون من أبناء محافظة بني سويف (إقليمياً) ولن تقبل أي طلبات من أي محافظة أخري

موقع كلية التربية هنـــــــــــــــــــــاااااااااااااااااااااا

[ام حفصه]

مع اننى اخدتها خلاص ومش من مقيمى بنى سويف بس الدم بيحن لبلدى حبيبتى بالتوفيق لكل ابناء محافظتى ان شاء الله

[شريف حسن .]

المشاركة الأصلية كتبت بواسطة ام حفصه

مع اننى اخدتها خلاص ومش من مقيمى بنى سويف بس الدم بيحن لبلدى حبيبتى بالتوفيق لكل ابناء محافظتى ان شاء الله

طبعا الدم بيحن انا اخدتها برضه فى بنى سويف وكان معانا معلمين من جميع محافظات مصر

والله كان فى ناس من اسوان

كانوا بيراعوا ظروف المعلمين خاصة فى الحضور بس للاسف القرار جه صادم لكتير لسه ما اخدهاش

شكرا لمرورك مس أمل وأحلى تحية لبنى سويف

[ام حفصه]

والله يا مستر شريف مع انى اهلى كلهم هناك وكان اسهلى اخدها بس كان صعب اسيب بيتى واسرتى فى الجيزة وهى سمعتها ما شاء الله سمعت فى كل حته لسهولتها واللى كان يعرف اصلا انى من بنى سويف كان بيستغرب ازاى انا بخدها من القاهرة بس انا اخدتها الكترونى من القاهرة ومش كنت بروح بس الضغط كان فى كتر الابحاث يلا عدت على خر والحمد لله كان مشوار صعب بس انتهى على خير وفعلا استفدت من التربوى جدااااااا

معلش بقى بنى سويف خذلت باقى المحافظات السنه دى انا بعتذر عن كل ابناء بنى سويف وجامعتها بس اكيد هم عندهم اسبابهم

[هويدااحمد76]

لابد ان تسأل باقى الجامعات لماذا يقبل الجميع على جامعة بنى سويف والتى حققت مبالغ طائلة من الدبلومة المفروض ان كل الجامعات تعمل زى بنى سويف وتتعامل مع المعلمين على انهم موظفين وليسوا متفرغين خصوصا فى الحضور والانصراف خصوصا جامعة المنيا التى فر منها الجميع بسبب الروتين

[شريف حسن .]

المشاركة الأصلية كتبت بواسطة ام حفصه

والله يا مستر شريف مع انى اهلى كلهم هناك وكان اسهلى اخدها بس كان صعب اسيب بيتى واسرتى فى الجيزة وهى سمعتها ما شاء الله سمعت فى كل حته لسهولتها واللى كان يعرف اصلا انى من بنى سويف كان بيستغرب ازاى انا بخدها من القاهرة بس انا اخدتها الكترونى من القاهرة ومش كنت بروح بس الضغط كان فى كتر الابحاث يلا عدت على خر والحمد لله كان مشوار صعب بس انتهى على خير وفعلا استفدت من التربوى جدااااااا

معلش بقى بنى سويف خذلت باقى المحافظات السنه دى انا بعتذر عن كل ابناء بنى سويف وجامعتها بس اكيد هم عندهم اسبابهم

معلش بقى المهم انك خدتيها زى بعضه بنى سويف ملهاش حظ

وكويس جدا فكرة الكترونى لان كتيير كان بيتعذب وما يعرفش الموضوع ده

يلا زى بعضه اكيد المعلمين هما اللى زعلانين على بنى سويف

شكرا لحضرتك مس أمل

[شريف حسن .]

المشاركة الأصلية كتبت بواسطة هويدااحمد76

لابد ان تسأل باقى الجامعات لماذا يقبل الجميع على جامعة بنى سويف والتى حققت مبالغ طائلة من الدبلومة المفروض ان كل الجامعات تعمل زى بنى سويف وتتعامل مع المعلمين على انهم موظفين وليسوا متفرغين خصوصا فى الحضور والانصراف خصوصا جامعة المنيا التى فر منها الجميع بسبب الروتين

ما هما عارفين مس هويدا كل حاجة ومع ذلك بيتعمدوا تعذيب المعلمين

شوفى بقى السنة دى واللى هيعملوه لانه كده كده لا مفر من المنيا

شكرا لحضرتك مس هويدا

[ام حفصه]

يا ريت والله كل الجامعات تطبق النظام الالكترونى زى القاهرة بجد سهل جدا وتواصل مع الدكاترة على طول عن طيق الموقع ومفيش اى ضغوط غير فى الابحاث ودى برده المكتبات بتوفر المادة اللى بنشتغل منها على الابحاث مش البحث نفسه بنا يسهل للجميع ان شاء الله ويخلصوا من رحله العذاب والضنا

[محمد شعبان الاول]

والله العظيم انا زعلان جدا لهذا القرار انا خدتها العام اماضى من بنى سويف وكان معانا ناس من لمنيا واسيوط والقاهرة يلريت الجامعة تعيد النظر فى هذا القرار لان بنى سويف انسب للمدرين من الناحية المادية

[Rabee hassan]

انا برضو والحمد لله اخدتها من بنى سويف سنه 2003 ساعتها كانت لسه تبع جامعة القاهرة فرع بنى سويف
والحمد لله استفدت منها جدااااااااا
ربنا يوفق الجميع

[علاءمالك]

ياريت المسئولين فى جامعة بنى سويف مايرفضوش الناس اللى من خارج المحافظة وينظروا ليهم بعين الرحمه والعطف والانسانيه والشفقة