|
||||||
| كليات المجموعة الرياضية (الهندسة - الحاسبات والمعلومات - التجارة & التجارة إنجلش - الفنون التطبيقية والجميلة) |
|
|
أدوات الموضوع | انواع عرض الموضوع |
|
#1
26-07-2012, 04:49 AM
|
|||
|
|||
في شغل بعد التخرج و لا مفيش ؟؟؟؟
السلام عليكم و رحمة الله و بركاته ...
ازيكم ؟ يارب تكونوا في أحسن حال المهم ....أنا في سنة تانية و جبت الحمد لله 99.3 و مقرر ان أنا أخش علمي رياضة علشان أخش بعديها هندسة اللي أنا حاببها .... تمام كده ....بس المشكلة ان أبويا و أمي عاوزين أخش علمي علوم و أخش طب أو صيدلة زي معظم أفراد عيلتنا الموقرة ...... و السبب عندهم ان لما أتخرج من طب أو صيدلة أو علاج طبيعي هلاقي تكليف و شغل وو ظيفة محترمة أو أفتح عيادة أوصيدلية بسهولة زي ما حصل مع كتير من أفراد العيلة بس أنا كاره الطب جدا جدا جدا ....... أما لو دخلت هندسة يبقى مفيش تكليف و لا شغل و هقعد على الرصيف أغني ظلموه . أعمل ايه؟؟ مفيش شغل فعلا ؟؟!!!!! و هتخرج و مش هلاقي وظيفة ؟؟؟!!!! و هل الموضوع متأزم لدرجة ان خريج الهندسة ميلاقيش شغل ؟؟؟!!!!! يارب تكونوا فهمتوني و تردوا عليا ...سلام |
|
#2
26-07-2012, 08:24 AM
|
||||
|
||||
ههههههههههههههههه طبعا فهمناك ,
بادئ ذي بدء الأرزاق بيد الله , أما الوظيفة فالوظائف متوفرة حتى درجة رئيس جمهورية فرئيس وزراء فوزراء . . إلخ , لا يستقيم حال البلد دون مهندسين , و حتى في الفترة التي كانت فيها البلد في محنة كان المهندسين ليهم وضعهم و الي كان ماسك الوزارة نظيف مهندس اتصالات و إلي سرق البلد عز مهندس , يعني المهندسين في كل حته , , بعيدا عن الهزار طبعا في شغل و متوفر جدا , و ارجوك لا تستمع لأي حد مع كافة الاحترام و التقدير يتحدث عن الهندسة و شغل الهندسة و هو ليس بمهندس |
|
#3
26-07-2012, 12:06 PM
|
|||
|
|||
|
واضح من كلامك انك بتكره الطب جداااااااااا زى حلاتى بتخنق من حاجه اسمها طب ومادة الاحياء اللى خدناه فى اولى ثانوى
المهم علشان مخرجش برا اطار الموضوع الشغل دا حاجه بتاعة ربنا سواء طب هندسة دبلوم ربنا هو اللى بيقسم الارزاق بس نصيحه مننى خش الحاجه اللى انت حاببها انك تكون مهندس ناجح افضل بكتير اوى من انك تكون دكتور بمستوى ضعيف وان شاء الله ربنا يكرمك وتشتغل فى شركه محترمه ومين عارف يمكن تفتح شركه ونيجى احنا نشتغل معاك 
|
|
#4
26-07-2012, 04:27 PM
|
||||
|
||||
|
اييييييييه دااااااااا !!!!!!!!!
سبحاااااااان الله انتى زيى بالظبط و الله انا برده جبت 99.3 و نفسى ادخل هندسة و اهلى عايزينى ادخل صيدلة هههههههه حاااااجة غريبة بصى يا قمرر انا بحثت ف الموضوع كويس و لاقيت ان فى شغل كبيير عادى يعنى لو هندسة كهربا شغلها متوفر جدااا و لو عمارة او مدنى ممكن مفيهاش مشاكل بس المهم يكون عندك علم تعرفى تشتغلى بيه يعنى مثلا مش ترحى عشان تقدمى شغل و المدير يقولك تعرفى فوتوشوب تقوليله لاء طيب تعرفى برنامج كذا تقوليله لاء و هكذا ف دا اغلب الشعب المصرى عشان كدا مش بيلاقى شغل لكن انتى تفوقى ف الكلية اللى انتى حاباها و خدى كورسات فيها و توكلى على ربنا و باذن الله هاتلاقى شغل اذا دورتى اتمنى اكون افدتك يا قمرر 
__________________
{وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ } |
|
#5
26-07-2012, 05:38 PM
|
||||
|
||||
|
والله انا كمان في نفس المشكلة انا جبت في تانية ثانوية 97.1 %
وداخل سنة 3 ثانوي و طول السنة مخطط اني هدخل رياضة ولكن الناس قالولي نفس الكلام ده وانا كمان عائلتي دكاترة وكده .. بس انا حاسس اني عاوز هندسة عشان كده ان شاء الله نكمل رياضة وبالنسبة للشغل والرزق والكلام ده دي حاجة مكتوبة عند ربنا يعني ربنا هيقدرلك انت هتعيش كويس ولا لا واللي بيأثر عليك او عليا او على اي حد بالكلام بيكون هو اصلا ميوله احياء وطب وكده اما لو قعدت مع حد ميوله هندسة وكده هتقتنع بيه لانك مش تروح تكلم واحد هو اصلا ميوله مش زيك ولا الحاجات دي لانه مش هيقدر يفيدك اصلا الحاجة اللي انت حاببها هتبدع فيها وتعيش مرتاح بالتوفيق لينا كلنا ان شاء الله ...
__________________
ومـــا تــوفــيــقــى إلا بالله
|
|
#6
26-07-2012, 06:49 PM
|
||||
|
||||
|
عجيبا الحال اليوم يا اصدقائي , المشكلة دي قديمة و ما كانت إلا مجرد إفتراء على الكلية
|
|
#7
27-07-2012, 01:10 AM
|
||||
|
||||
|
انا حاسس انك بتقول قصتى والله ... انا نفس الكلام حاصل معايا هنا ووالدى بيحاول يكرهنى فى الهندسة بكل طريقة ممكنة وعاوزنى ادخل علوووم بس انا ان شاء الله قررت انى هفضل رياضة وزى ما تيجى تيجى
__________________
 |
|
#9
30-07-2012, 01:33 AM
|
|||
|
|||
|
حتصدقوني لو قلتلكم نفس المشكلة وكمان نفس المجموع .... بس انا عندي في البيت سايبين الاختيار ليا من مبدأ ان ده مستقبلي بس كل قريبي وكمان كل اصحابي بيقلولي حول علوم عشان شغلها كتير
بس نصيحة صغيرة من اخوكم اقتنع بالكلام ده ...... لما تبقي مهندس متميز احسن 16 الف مرة من انك تبقي دكتور فاشل او علي الاقل مش حابب المجال اللي انت فيه. علي الاقل انت لما تبقي في المجال اللي بتحبه حتعرف تبدع وتبقي حابب شغلك ده .... وصدقوني ده احسن حاجة ممكن تكون في حياتك يلا ربنا معانا كلنا وكل واحد يدخل الاحسن ليه اما حكاية الشغل ده فأعمل اللي عليك ودور وان شاء الله ربنا مش حضيع تعبك |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:15 PM.
