الى من ينادون بمظاهرة فى بداية العام الدراسى

[محمدشومان]

بصراحة انا زهقت من كتر الكلام عن مظاهرات المعلمين والكلام الفاضى ده

يا ما قولنا ونادينا بمظاهرة او حتى تجمع ايام التجمعات ما كان لها تمن

ننادى بحقوقنا الضائعة والمنهوبه واللى يعرفعا كل الناس مش وزير مننا وعلينا

انات بقول ان المعلمين لا يمكن ان يجتمع منهم اكثر من 100:200واحد فقط

يا ساده الدروس الخصوصيه لهياهم وكل واحد اصبح له عمارات وبيوت وشقق وعربيات وفلوس كتير ملهاش اول ولا آخر وبيغير عربية كل ترم ربنا يباركلهم

والباقى مدرسى الانشطة لا حول لهم ولا قوة كل واحد عنده سبوبة بيكسب منها جوز جنيهات فى اليوم عايزه يسيبها ويروح معاك فى مظاهرة

اعتقد انك عرفت ليه لا يمكن ان يتجمع المعلمون على قلب رجل واحد

والسلام

والا اقولك من غير سلام عشان عارف اننا ها نتقابل تانى

[fathyaboalfadl]

عندك حق ولنا الله

[nm1]

عليكم اختيار موعد مناسب وليس فى الاجازة او بداية الدراسة فالكل يختار مواعيد ضغط الاالتعليم يختار مواعيد ليس لها اى قيمة الااذا كانت مستمرة وفى داهية عام دراسى لاانه اذ لم ينصلح حال المعلم فلن يكون هناك تعليم او دولة

[احمد يدوي]

انواع المدرسين

1- مدرس معاه تجارة او عمل اخر (التعليم مش في دماغه)
2- مدرس معاه املاك , مبسوط يعني ( متريش ومش فارقه معاه)
3- مدرس معاه عجلة بيلف بيها على البيوت (طالع عين اهله عشان يأكل ولاده)

هل التدريس وظيفة محترمة ؟
لا.. هي ليست محترمة , لأن مرتب المدرس مش بيفتح بيت , فكيف تكون مهنة محترمة وصاحبها يمد يده !!! ا

هل المعلم الصدمان العدمان يستطيع ان يقوم بثورة؟؟
على الرغم ان الوزراة بدأت تنضف شويه باحلال مدرسين مؤهلات عليا , وعلى الرغم ان جزء ليس بقليل منهم مثقفين .. الا ان الفقر رسم على وجوههم ذلة فهم يكتفون بانتدابهم لملاحظة الاعدادية ويا سعده ويا هناه اللي يجيلو تصحيح , وما اجمل اللحظات اللي يعيشها المعلم الصدمان العدمان حينما يجلس على كرسي معفن وعلى طاولته سندويتش الفول وبجوار كوب ماء بلاستيك طمست الاتربة الشقوق المحفوره على جدرانه

من ضد المعلم الصدمان العدمان ؟
هو شخص يجسد المثالية بصورة هزلية ويعزف لك بجمل رنانه (( اصبر واحتسب الاجر عند الله)) و ((لايهم الاجر فالتعليم اسمى مهنة والتعليم مهنة الانبياء)) و ((معلش الارزاق بيدالله)) ولا شك ان هذا الشخص اناني وكداب ولا يهمه سوى مصلحته لانه لن يتحمل يوم من ايام المعلم المسكين الصدمان العدمان
وشخص اخر يقول لك بعنف وكأنه يعطيك مرتبك من بيت ابوه ((مش عاجبك سيبها لغيرك)) و ((العقد شريعة المتعاقدين)) وتجد اخر يستعطفك ((طيب والاولاد ذنبهم ايه))

من يقوم بثورة المعلمين ؟
لابد ان تأتي فئة تؤمن بأن التدريس مهنة سامية وراقية , وتؤمن بان الذي يتصدى للمعلم الصدمان العدمان هو شخص لا يمتلك ذرة ضمير ولا احساس ولا انسانية . وفئة المعلمين الذين سيقودون الثورة لابد أن تتجه للمعلم الصدمان العدمان وتحسسه باهميته واهمية عمله وتشعره بانسانيته وأدميته وتجعله يؤمن بأنه يستحق أن ينال راتب شهري محترم وتزيل عنه رهبة الاف جنيه .

مع خالص تحياتي , معلم بدرجة ماجستير يكره الظلم والظالمين والمظلومين المتكاسلين

[صفاء عزمى]

المصيبة الكبري لو كانت ثورة المعلمين من اجل مال وفلوس فقط فسوف تقشل
التعليم منهار وقائم علي مناهج وطرق وحصص متخلفة والغش في الامتحانات دمار شامل

[khaled1968]

معلش محدش يزعل منى التربية والتعليم مافيها راجل لأنهم لو رجالة لأخذوا حقوقهم ولكن للاسف انك تسمع ولو ناديت حيا ولكن لاحياة لمن تنادى كل الناس اخذوا حقوقهم الا التربية والتعليم المهم اللى بيعمل فى التربية والتعليم أصبح لاقيمة له اجتماعية لأنه عايش فى مستوى اجتماعى لاقيمة له مش عارف يلبس واصبح لبسه يعر واصبح هندامه فى وسط الطلبه سىء ومش عارف يصرف على اولاده واقول لمدرسى الدروس اتقوا الله كفاية اهانة وكفاية تسول والله قيمتك فى كرامتك والله اعرف مدرس بعد مااتى من الاعارة مش يحمد ربنا ويريح دماغة فتخ فصل فى المدرسة وجلس أمام الباب وبدا كانه يتسول الطالب اللى يجى يقابله بالاحضان ويقول له مش حتيجى ولا ايه انا ساعمل محموعه وبدأ يقول عبارات مؤلمة ابعت يارب
وتيجى تقول له تعالى نعمل وقفة يقول لك الحمد لله انا كدة راضى هو انتم عاوزين ايه اطثر من كده مع العلم انه يحمل ليسانس تربية وفيه افضل منه يحمل بكالوريوس هندسة والحمد لله واقتصاد وعلوم سياسية