الانضمام لنقابة المهندسين !!!

[SIR.HITLER]

انا جايب 84.6 وعايز اعرف بعد قرار النقابة الجديد هنضم للناقبة لو دخلت اكاديمية اومعهد ولا لا

ارجوووووووووووكم ردو عليا

[hamada966]

انت فى السليم يا معلم بس ادخل معهد عالى جامعه لا

[SIR.HITLER]

طب انت بتقول كدا على اساس ايه علشان بس ماروحش فى داهية !!!!

[مروه]

على أساس ان المعاهد 84 %

[hamada966]

على اساس تنسيق المرحله الاولى اللى فيه اخر هندسه عامه اسوان خدت من 387.5 يعنى 94.51% و المعاهد العاليه هيتقيد فى النقابه منها اللى جايب اقل من الحكومه ب 10 % يعنى 84.51 % 346.5 درجه ولاحظ ان فى الحكومه هندسه الكترونيه المنوفيه اقل من اسوان بس خلينا مع اقل هندسه عامه علشان نبقى فى المضمون ومبروك فلت يا معلم

[zemo22222]

بس المهم تقدم فى معهد معتمد بالنقابه

[titi1]

ياجماعة بعد احترامى الشديد ليكم لاكن مين الى قال ان القرار النقابة هيعتمد السنة دة

اولا القرار اتصدر بعد قرار التنسيق الخاص للهندسة من المجلس الاعلى للجامعات يعنى ما هيتعمل الا السنة الى جاية لان كل الجامعات الخاصة فتحت باب التقديم على اساس قرار المجلس وليس النقابة ولو كان اطبق السنة دة هتلاقى كل الطلبة بتسحب فلوسها

ثانى شىء القرار النقابة قال باثر رجعى يعنى ما هياثر بية السنين السابقة ومنهم السنة دة

[zemo22222]

المشاركة الأصلية كتبت بواسطة titi1

ياجماعة بعد احترامى الشديد ليكم لاكن مين الى قال ان القرار النقابة هيعتمد السنة دة

اولا القرار اتصدر بعد قرار التنسيق الخاص للهندسة من المجلس الاعلى للجامعات يعنى ما هيتعمل الا السنة الى جاية لان كل الجامعات الخاصة فتحت باب التقديم على اساس قرار المجلس وليس النقابة ولو كان اطبق السنة دة هتلاقى كل الطلبة بتسحب فلوسها

ثانى شىء القرار النقابة قال باثر رجعى يعنى ما هياثر بية السنين السابقة ومنهم السنة دة

اولا القرار طالع من فتره بس الناس هيا اللى لسه واخده بالها وكون الجامعات والمعاهد فاتحه ابوابها هى كده كده مش حتخسر حاجه والخسران ف الاخر هو الطالب ومذكور فى نص القرار "ونحن نعلن ذلك قبل بدء تنسيق القبول للكليات والمعاهد الخاصه"فخلوا بالكوا عشان ماتلبسوش ف الحيط عشان الناس دى مش حتجرى وراك انت اللى حتجرى وراهم بعد كده

[ريرى عثمان]

هو ايه قرار النقابة ده؟ مش فاهمة حاجة --حد يفهمنى يا جماعة

[may alamorh]

أكد المهندس محمد ماجد خلوصي نقيب المهندسين أن النقابة لن تقيد في جداولها خريجي الجامعات والمعاهد الخاصة الحاصلين علي مجموع أقل من الذي حدده المجلس الأعلي للجامعات للقبول في الكليات الخاصة، بحيث لا يقل عن (5%) علي الأكثر من أدني مجموع تقبله كليات الهندسة الحكومية، وألا يقل مجموع الثانوية العامة لمن تقبله المعاهد الهندسية الخاصة عن (10%) علي الأكثر من أدني مجموع تقبله كليات الهندسة الحكومية، مشيرا الي ان هذا القرار جاء للحفاظ علي مستوي المهندس والمهنة.
وطلب خلوصي خلال بيان أصدرته نقابه المهندسين أمس من الجامعات والمعاهد الهندسية الخاصة الالتزام بقرار المجلس الأعلي للجامعات.
وأوضح نقيب المهندسين أنه يعلن هذا القرار الأن قبل بدء التنسيق بالكليات والمعاهد الهندسية الخاصة لإعفاء النقابة من المسئولية عن عدم تسجيل الخريجين المخالفين لهذه التعليمات.