هل ممك ان يتم تغيييييييييييييير التنسيق ؟؟؟

[yoyo_2020]

ممكن حد يقولى هو فى أمل ان التنسيق يتغير أنا حلمى كلية صيدلة بس انا جالى بيطرى أنا سامعة أن فى وقفات احتجاجية ممكن دة يجيب نتيجة ولا كله هدر

[GHOST_LioNeL AndRes MesS]

والله دة كلة هدر ولا لية اى لازمة واهو وقفات وخلاص ولا حاجة هتحصل بصى خشى الكلية واتكلى عالله
وبعدين اديكى اصلا شايفة كل حاجة ماشية فى التنسيق و لا حد رد على الوقفات دة معاناه ان مفيش اى حاجة هتتغير (انا بس عايز اثبتلك صحة كلامى )

[رودينا11]

ليه الاحباط ده حقنا ومش لازم نفرط فيه واحنالما نزلنا التحرير كنا واثقين ان الرئيس هيتنحى ومين قال ان مفيش حد مهتم بالعكس اغلب الجرائد كتبت عن الاحتجاجات دى زى اليوم السابع والمصرى اليوم واحتمال النهاردة الاحتجاجات تيجى على دريم الساعة 11 فى برنامج الحقيقة

[Moaazshehab]

لو حصل ضغط حقيقي من الطلاب وأهاليهم وتجمعات بالالاف وارد جدا يجيب نتيجه ,, انما مش عايز أحبطكم بس لو عد بسيط ومجرد عشرات بيحتجو ,, مش هيأدي النتيجه المطلوبه ,, وربنا يوفقكم وكلنا معاكم ,, ابو التنسيق بتعكم

[yoyo_2020]

أنا بقول ان لازم ناخد الموضوع بجدية وكل الطلاب ينزلوا التحرير ويطالبوا بالتغيير وانا معاكو لكن انا سامعة ان الاعداد قليلة فمعتش هيهتم انا عاوزة حد يقول ان فى وقفات فى مصر والمنصورة واحنا هننزل على طول لان الساكت عن حقة ميستهلوش والظلم كتر أووووووووووى

[hassan201022]

لو كان فى مجلس شعب كان اخذ بإيديكوا ووقف معاكوا
ادى الاخوان والسلفيين والثوريين والناس اللى بتتهان كل يوم
هما اكتر ناس كانوا وقفوا معاكو

[ΫǾũ ǎяẽ Mϊήĕ]

طب قولولنا نحتج إزاي ؟ آنا معااكوا ..بس انا متهيآلي لو قولت البيت انزل التحرير مش هيرضوا..بس بجد لازم نعمل حااجه ..احنا لو سكتناا هيستغلوها آكتر وهيعملوا آكتر من كدهـ ماحنا مش بنتكلم بقـى..

[hala azzam]

معتدقش ان في حاجه في البلد ديه هتتغير بس احنا لازم نعمل اللي علينا ونستمر في المظاهرات لا الساكت عن الحق شيطان اخرس وبعدين اكيد الخير فيما اختاره الله ارضي بالربنا كتبه ليكي

[*مسلمة مصرية*]

يا ريت يا جماعة كلنا ندعى ربنا يعوضنا خيرا من اللى حصلنا كلنا ويا رب الوزير الجديد يتصرف فى البهدلة اللى احنا كلنا فيها دى

[ΫǾũ ǎяẽ Mϊήĕ]

المشاركة الأصلية كتبت بواسطة متبعة القران

يا ريت يا جماعة كلنا ندعى ربنا يعوضنا خيرا من اللى حصلنا كلنا ويا رب الوزير الجديد يتصرف فى البهدلة اللى احنا كلنا فيها دى

يااااااااااااااااااااااااااااااااااااااارب امين

[babagamil]

استحاله ان التنسيق ينزل ممكن ينزل السنه الجايه بقى وعليكوا خير علشان

[رودينا1]

https://www.facebook.com/events/226380894150928/

دى الوقفة الاحتجاجية لطلاب الثانوية

[yoyo_2020]

يجماعة أحنا بنقول نعمل اللى علينا ونحتج لان الظلم كتر وبعدين اللى عاوزة الله سيكون بس لازم ندافع عن حقنا حرام اللى جايب 97.9 ومليحقش صيدلة يرضى مين دة لازم نقف ايد واحدة والله لو كتير نزلوه لاهيغيروا التنسيق وربنا الموفق

[marwa&ahmed]

انا مبقاش عندي امل خاااااااااااااالص ان التنسيق ينزل وكله بقى يا جماعه يرضى بالامر الواقع
لان فعلا مافيش ناس كتير واقفه وعلشان كده ولا هيسمعوا وهيكملوا تنسيق المراحل التانيه وعادي
وخلاص يا قمر يعني انا كمان كنت هموت على صيدله وجالى طب بيطري وزعلت وعيطت وقلبت الدنيا
بس خلاص الحمد لله قدر الله وما شاء فعل

[proinvestor]

ياريت يبطلوا أم الاستغلال ده .. هم معليين التنسيق علشان يخلوا الناس تخش جامعات خاصة وخلاص