ينفع أعمل التحويل الورقي قبل الإلكتروني ولا لا ؟؟؟

[Dr_Marwa]

السلام عليكم ورحمة الله وبركاته
يا جماعة أنا سمعت إن التحويل الإلكتروني ساعات مبينفعش لو كان الفرق أكتر من درجة
فهل ينفع أحول ورقي ومحولش إلكتروني وأروح للجامعة في ميعاد التحويل الإلكتروني ولا مينفعش
لأن التحويل الألكتروني أضمن
أرجو الإفادة وجزاكم الله خيرا

[ahmed.abotrika]

اللى اعرفه ان التحويل الورقي بيبقي بعد الالكترونى يعنى الالكترونى تقريبا بيفضل يومين الورقي بعدهم يعنى يوم الاحد عشان السبت تقريبا اجازة

[Mechanical Flower]

والله هو التحويل الالكتروني هيبدأ بكره ونتيجته تقريباً هتظهر الحد يعني كل القصه كام يوم
واصلا التحويل الورقى بيكون لفتره طويله ممكن شهر تقريباً على ما أعرف
فـ انتى مش هتخسري حاجه استنى التحويل الإلكتروني لو اتقبل ان شاء الله كان بها
في حال متقبلش فلسه في فرصه للتحويل الورقي

ربنا يوفقك يا دكتوره مروه

[moon_light2012]

انا المفروض احول المنصوره وفعلا روحت كليه اداب النهرده وسالت قالولي ان التحويل الالكتروني لمده 48 ساعه وبياخدوا باولويه المجموع يعني بياخدوا الاكبر فالاكبر وبعد مايخلص في تحويل ورقي ب200 ج والاضمن تعمل الاتنين انا هعمل كده وينفع لو مجموعك اقل من تنسيق الكليه بس مش كتير اوووي يعني مثلا انا الفرف 4 درجات وهعمل التحويل وربنا يسهل ان شاء الله ويقبلوني

[Dr_Marwa]

جــــــــــــزاكم الله خيرا ع الرد يا جماعة
أنا عرفت إن لازم نعمل إلكتروني الأول قبل الورقي ونشوف نتيجته وبعد كدة نحدد اللي هيتعمل بعد كدة
لكن التحويل الإلكتروني لسة مفتحش والنهاردة الخميس فلو حد عرف هيفتح امته يعرفنا
جـــــــــــــــــتتزام الله خيرا

[ماما ميا ميا]

للاس ف التحويل الورقي اتلغي

[moon_light2012]

انا كل شويه ادخل الموقع بتاع التنسيق عشان اشوف التحويل بقولي ترقبؤ بدأ التحويل ولسه مش عارفه هنفضل نترقب كده لحد امتي يعني
مع ان قالولي لما روحت سالت في الجامعه انه هيفتح من امبارح بليل ولسه مافيش حاجه

[magico24]

هو بجد الورقى اتلغى يا جدعان ولا اية

[ahmed.abotrika]

هو التحويل الورقي اتلغي ولا ايه ؟؟ حد يعرف خبر مؤكد من جامعة المنصورة :/
حرام عليهم والله عالم تيت
طب يغلوها ان شاله 1000 جنية بس نحول ^_ ^

[moon_light2012]

المشاركة الأصلية كتبت بواسطة ahmed.abotrika

هو التحويل الورقي اتلغي ولا ايه ؟؟ حد يعرف خبر مؤكد من جامعة المنصورة :/
حرام عليهم والله عالم تيت
طب يغلوها ان شاله 1000 جنية بس نحول ^_ ^

اطمن جامعه المنصوره خصوصا مافيش حاجه فيها اتلغت

[Dr_Marwa]

آخر حاجة أنا سمعتها إن التحويل الإلكتروني هيبدأ يوم الجمعة
أما بخصوص التحويل الورقي فسمعت إن السنة اللي فاتت قالو إن الورقي اتلغي وفيه ناس حولوا ورقي عادي
فالأول نشوف نتيجة الالكتروني وبعد كدة نسأل في الجامعة
اللــــــــــه المــــــــــــــوفق

[رمضان222]

التحويل الورقى لم ولن يتلغى لكن الالكترونى بيكون اولا ثم الورقى بعد نتيجة التحويل الالكترونى ويستمر لمدة شهر من تاريخ وصول الاوراق الكلية وزلك بعد دفع المصاريفوموافقة عمداء الكليتين وربنا يوفق الجميع

[moon_light2012]

والله العظيم انا روحت تاني يوم نتيجه التنسيق كليه اداب جامعه المنصوره وسألت قالي التحويل الالكتروني لمده 48ساعه وبعدها التحويل الورقي ((يعني مافيش حاجه اتلغت اطمنووووووووووووووا))