الخدعة الكبرى للكادر المعلميين الجديد

[sherif_shemy]

الخدعة الاكبر :


فى سؤال هنا هام هاجاوبكم عليه
(ليه الوزارة اعلنت عن 100 % زيادة على عاميين والحلوانى اعلن بدلات للكادر 1200،1500،2000 وهكذا ؟)

هجاوب على السؤال :
ببساطة النقابة اقترحت ان بدلات المعلم وحوافز الاداء يتشالوا ويتحطوا فى بدل على بعضه ويتزود عليهم نفس الـ 100 % اللى اقرتها ليهم المالية من ايام مجلس الشعب وعملت حسابهم فى ميزانية 2012 بواقع 50 % (3 مليار ونصف %) والسنة اللى بعدها 50 % كمان وكلهم يطلق عليهم بدل كادر ويضاف على اساسى المرتب ليكون هذا هو راتبك اول عن آخر
يعنى انا هافهمكم لو معلم اول لديه خبرة مابين 13 و 14عام مرتبه قبل الاستقطاع حوالى 1500 جنيه وزد عليه 100% من اساسيه وهو 350 جنيه يبقى راتبه
1500 + 350 = 1850 جنيه

النظام المقترح آخيرا من النقابة:
المرتب الاساسى + بدل الكادر = المرتب الجديد
350 + 1500 = 1850 جنيه هى هى بالظبط

وكمان هاتاخد الزيادة على سنتين زى ما وزارة المالية حكمت على لجنة التعليم
يعنى فعليا لو كان آخر مرتب ليك (صافى بعد الاستقطاعات)1150 هاتاخد بعد الزيادة 1300 تقريبا هذا العام بزيادة 50 %

اصلا النقابة كانت مقترحة زيادة 200 % والمالية وافقت على 50 % هذا العام و 50% العام القادم فقط (وبعد كده اللى مش عاجبه يخبط دماغه فى الحيط)
اما حكاية البدل فا دى لعبة قذرة اوووى من صاحب هذا المقترح اللئيم
وكمان ياريت على كده وبس لا دى كمان تضرررررر جدا بالمعلم لان اصبح بدل الكادر 5 اضعاف الراتب الاساسى كما فى المثال السابق يعنى
بكرة وبعده يهددوا أى معلم بقطع بدل الكادر عنه يبقى كأنه اشتغل الشهر ببلاش

اللى فكر التفكير ده بغرض خداع المعلميين وتصوير المعلم للمجتمع بأنه تساوى مع استاذ الجامعة وبياخد بدل كادر 1500 جنيه ولا 2000 وهكذا
اقوله انت انسان غير محترم

[seryo]

لو كانت هى دى الزيادة تبقى مهزله حقيقية؟؟؟؟؟؟؟؟؟؟؟؟؟؟

[أبوو أحمد]

thankssssssssssssssssssssssssss
شكلنا بيتنصب علينا
عاوزين شوية صدق شوية بس

[medokh]

من الاخر ملطشة الدول مكسوفين تقولوها

[محمود ابو يزيد]

فعلا كده بينصبوا علينا لازم نتحرك ونرفض الخداع عاوزين نصحصح شويه لما يدور حولنا لنا

[السيدالقناياتي]

هي دي الزيادة اللي فضحونا عليها منهم لله احمد الحلواني ووزير المالية ووزير الللتعليم والريس لية اعطي الجامعة كادر دون الرجوع لحد حسبي الله ونعم الوكيل

[هيثم الجمل]

تحليل مظبوط 100%

[mrhamdy89]

ألاعيب شيطانية ومش هقول حاجة تانية . هصبر شوية ويظهر أنى هقولها .

[أبو إسراء A]

إذا كانت هذه هى الزيادة المقصودة للمعلم أول ، فالكادر مجرد سراب ، فهذا المبلغ هو ما ينفقه المعلم الأول على بيته فى يوم أو يومين على الأكثر ، و الحقوق مثل الحرية لا تستجدى و إنما تنتزع إنتزاعا .

[seeen]

علينا ان نعترف ب3 امور
عدد المعلمين كبير فى وزارة خدمية مما يعنى ان اى زيادة فى المرتب لن تكون كبيرة خوفا على الميزانية
الثانى ان اى مطالب لا تتحرك من الشارع لن يكون لها اى اثر
الثالث ان المعلمين ليسوا على قلب رجل واحد زى المحامين مثلا وعلشان كدا هذا يعنى استمرار لسياسة الضرب على القفا اللى كل شوية يخدعوا بها المعلمين

الحل
لا حل الا بالاتحاد على قلب رجل واحد ويؤسفنى القول ان هذا حسب معطيات الواقع وليس تهبيطا للهمم لن يكون والسبب معروف ان اللى يقدر يحشد الناس مش عايز يحشد الناس لحسابات ايديولوجية

[رفعت توفيق 2]

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآه

[ابو أ يمان]

فعلا انت انسان فاهم جدا فى الماليات وقليلا ما اجد من استطيع ان يكون على هذا القدر من الحكمة وياريت نكون اصدقاء

[sohagy]

شكرا للزميل العزيز ..
وأقول بعيدا عن جداول الأجور وتحليلات الزملاء وتوقعاتهم ..
كل ما نريده هو راتب يتناسب مع الحياة الصعبة ومتطلباتها المتزايدة كل يوم .. وأن يكون هناك رعاية صحية واجتماعية حقيقية للمعلم من خلال مستشفيات ونوادي علي مستوي عال
يجب إلا يقل راتب المعلم عن أمثاله من المهن الأخري مثل الشرطة أو الأطباء
فالمعلم من أقل المهن سواء في التعامل المادي أو في الرعاية المعنوية

[كركرمومو]

الى متى هذا النفاق من المسؤولين على المعلمين ولما الكادلا اساسا والكل اخذ هذا الكادلر المشؤوم طيب

(( طيب ممكن اعمل ندب الى الشرطة واشتغل غفير طيب ماهو ممكن يبقى احسن من المدرس بكتير ياريت يفتحوا باب الترقية الى درجة غفير درج ))

[olaamer]

كل ما نريده هو راتب يتناسب مع الحياة الصعبة ومتطلباتها المتزايدة كل يوم .. وأن يكون هناك رعاية صحية واجتماعية حقيقية للمعلم من خلال مستشفيات ونوادي علي مستوي عال
والا يجبولنا خبير اقتصادى يمشى الشهر بمرتبى وانا موافق