رسايل الفضائيات

[اسلام رشوان]

اكيد كل واحد مننا لما يقعد قدام التلفزيون بيتحرق دمه

و عينيه بتتحول من الجري ورا رسايل الـ sms و هيا بتجري في الشاشة من تحت



فعلا الموضوع ده غريب قوي و انا واحد من الناس لما بكون فاضي

و مش لاقي حاجة في التلفزيون اسمعها بقعد اقري الرسايل دي :P

بس بلاقي حاجات غريبة قوي في الرسايل دي

و اغلبها بتكون رسايل تعارف او حب

انا حقولكم شوية من اللي قريته امبارح بس و عاوز اعرف رأيكم ايه في موضوع الرسايل دي

و ليه هيا انتشرت بالصورة الفظيعة دي :angry:

** مهندس شبه كاظم الساهر قاهري ارغب في الاتباط الجاد

** انا بطة عندي 19 سنة آخر سنة معهد ممكن اتعرف علي حد من المنيا و يكون محترم

** abc: محتاج صديقة دلوعة ستايل قاهرية او شامية

** اريد التعرف علي شاب ارجو الرد دعاء

دي نوعية و في نوعية تانية

بس دي مقبولة بس اللي مش مقبول انها بتكون غلي قنوات اغاني

** اللهم ساعد اخواننا الفلسطينين في حماية المسجد الاقصي من الصهاينة عادل حسن

** سبحان الله و الحمد لله و لا اله الا الله و الله اكبر

و نوعيةكمان بس بتحمل سمة الغدر و الخيانة او الاسف و الاعتذار

** مات الحب و مات الاحساس المخدوعة
** اسامة المدرس : ري ري يا حياتي ارضي بما قسمه الله لك من اجل الاودك و بيتك

اما بأى عن رسايل الحب فدي كتير قوي قوي

و دي رسالة واحدة اتكررت كذا مرة علي كذا قناة

** بحبك بحبك بحبك بحبك بحبك بحبك بحبك بحبك بحبك بحبك بحبك بحبك .......

اما بأى عن الرسايل الرياضية فدي كتير قوي قوي قوي و خصوصا في اوقات البرامج الرياضية

و دول شوية علي سبيل المثال لا الحصر

** بورسعيد بتكرهك يا أهلي ابراهيم البورسعيدي

** احنا ملوك الغربية غزل المحلة و البلدية مجدي النجار

** يا زمالك يا حتة لحقتوا تنسوا الستة

دول شوية نماذج بس انا عاوز اعرف رأيكم في موضوع الرسايل دي

يعني موافق و لا لا ؟؟؟

و هل ممكن تبعت رسايل زي الناس اللي بتبعت دي ؟؟

و ل بعت حتقول ايه ؟؟؟