|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
20-08-2012, 07:22 PM
|
||||
|
||||
اكبر موقف اتظلمت فيه ( انا الاول على المدرسة وكرموا التانى وعملوا حفلة وانا معبرونيش)
انا من محافظة المنوفية - ادارة منوف
انا فى كنت فى الاعدادية وانا الاول على المدرسة لما كنت فى الصف الثالث الاعدادى وانا الان رايح اولى ثانوى المهم انا الاول وانا اعلى من التانى ب درجتين ونص ومن اسبوعين عملوا حفلة وكان مدير الادارة التعليمية موجود وكرموا التانى وادولوا جايزة وشهادة تقدير مكتوب فيها انه الاول  ولوحة مطبوعة على الكمبيوتر وانا مبعتو ليش رسالة ولا اتصلوا بيا وانا الاول والحاجة اللى تخلى الواحد :ang ry2: انهم كرموا الواد اللى طالع التانى على اساس انه هو الاول وادولوا شهادة التقدير ومدير الادارة سلم عليه وباركله :a ngry2: وانا معرفش الموضوع ده غير اول امبارح لانى من قرية تانية جنبهم بعيده عنهم ب2 كيلو وانا الان :angry 2: انا بعد ما اجازة العيد تخلص هروح اولع فى المدرسة والمدير وكل اللى فيها لانى اتخننقت خلاص من المدير بعد الموقف ده والمريب فى الموضوع ان الواد اللى طالع التانى ابوه مدرس فى المدرسة اللى جنبنا واتكرم على انه هو الاب المثالى :an gry2::angr y2: واللى يغيظ انهم عملولوا لوحة ويافطة قدام المدرسة وكتبوا اسمة هو بس وان هو الاول وانا لما عرفت اول امبارح انا انهرت ومكنتش قادر ولو كنت قابلت المدير كنت قتلته وانا بابا قاعد فى السعودية واول ما عرف غضب اوى وزعل اوى وقلى توديهم كلهم فى داهية علشان اللى بيحصل دا وانا الاول الاول الاول الاول الاول وانا هروح بعد اجازة العيد المدرسة واتخانق مع المدير فى المدرسة وهطلع على ادارة التربية والتعليم بمنوف وهروح المديرية التربية والتعليم بالمنوفية والموضوع مش هيعدى على خير ابداااااااااااااااااااااااااااااياريت تقولولى لو واحد منكم مكانى كل هيعمل ايه اختر الاجابة من بين القوسين ( تنتحر - تقتل المدير -تولع فى المدرسة) :a ngry2:
|
|
#2
20-08-2012, 07:31 PM
|
|||
|
|||
|
السلام عليكم ...
بالراحة بس كدا مفيش حاجة تستدعي كل دااا .. اولا الف مبروك على النجاح .. ثانيا .. احيانا بيكون حساب الدرجات في مشكلة يعني انت متأكد ان انت الأول ؟؟ وعرفت درجاته منين تقريبا بيكون في حاجة اسمها الانشطة عندكوا مش عارفة ممكن تفرق في الدرجات ,. ولو فعلا انت الاول بحق وحقيقي مفيش مشكلة لما تروح تقدم شكوى في المدرسة ولو الموضوع مضايقك اوي ومحدش استجابلك ممكن تروح الادارة التعليمية نفسها وتكلم حد هناك .. انا عارفة ان الظلم وحش حتى لو كان في موضوع بسيط مش مؤثر اوي لكن في الأول وفي الآخر حقيقة انت الأول  ...نصيحة : بلاش الموضوع يبقا ليه اثر كبير او بلاش ياخد اكبر من حجمه كله بيعدي ... المهم تركز في المرحلة الجاية عشان تدخل الكلية اللي بتحلم بيهاا .. ربنا يوفقك ..
__________________
حسبي الله ونعم الوكيل ..... وكلتك يارب ...
|
|
#3
20-08-2012, 07:39 PM
|
||||
|
||||
|
اقتباس:
احمد جمال ابوبكر محمد مصرى انا مدايق جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااا
|
|
#4
20-08-2012, 08:25 PM
|
|||
|
|||
|
اقتباس:
انا والله مصدقة بس خفت يكون في غلط ولا حاجة في حساباتك خلاص طالما انت متأكد روح قدم شكوى ...
__________________
حسبي الله ونعم الوكيل ..... وكلتك يارب ...
|
|
#5
20-08-2012, 07:42 PM
|
||||
|
||||
|
لا اله الا الله....
يا أخى هدى نفسك مش كدة مبروووك ع النجاح والتفوق ومن تقدم الى تقدم باذن الله حافظ على مركزك ده فى الثانوية واضرب بكلام الناس دول عرض الحائط انا هختار الاختيار الثالث ....... انا اتحطيت فى موقف زى ده قبل كدة بس الحمد لله مش كان فى الشهادة الاعدادية كانت سنة نقل اولى اعدادى لو مكنتش نقل كنت عملت الاختيار الثالث... كنت انا طالعة الاول وواحدة تانية بردة اول مكرر ليه بقى يقولوا على التانية وهى الاولى وكتبوا فى شهادة التقدير التانية نا اجايبة نفس الدرجة وكمان كنت مظلومة بجد مكنتش طايقة حد فى المدرسة ....... وبالذات الاخصائى الاجتماعى عشان قريبها يعنى ولا ايه؟؟!!كل ماافتكر الموقف ده بتجنن ..... بس بقول كويس انها جت فى سنة نقل الزميلة دى ماشاء الله ورايا ورايا حتى فى ستة كنت انا الاول وهى الاول بس كانوا مدرستين ............ ولما قلت كدة لوالدى قالى اهم حاجة تثبتى نفسك فى الثانوية وخلاص وسيبك من كلام الناس طالما انتى عارفة انك الاولى مش تفرق معاكى خليهم يعملوا اللى هم عاوزينه فى الثانوية محدش بيجامل حد .... كله بياخد حقه فالمفروض كدة تروح الادارة وتقدم شكوى بكدة و معاك شهادة الدرجات وتوضحلهم الموضوع ........ بس قبل ده لازم تسأل المدير هم عملوا كدة ليه؟؟!!! ولازم تاخد حق بس بالزوق كدة تستفسر وتوضح له ان المفروض انت اللى كنت تتكرم لو اتعرض تطلع ع الادارة من غير انذار له وهم بقى يتصرفوا .... لان بكدة ممكن يتعمل فى غيرك واحنا عاوزين التعليم ينضف شوية بقى والله الواحد كره التعليم بسبب نظام الفساد اللى فيه ويارب يكون عهد الدكتور مرسى عهد جديد ويبقى التعليم افضل واحسن ان شاء الله وركز بقى فى الثانوية والنظام الجديد وربنا يعينك ويعيننا جميعاُ وكل عام وانتم بخير
__________________
أغيثوا معتقلى العقرب بالدّعاء آخر تعديل بواسطة *تائبة فى رحاب الله* ، 21-08-2012 الساعة 05:47 AM
|
|
#6
20-08-2012, 10:21 PM
|
|||
|
|||
روح المدرسة مع والدك و اعرف ايه السبب في تكريمه و انت لأ ؟ يمكن طلع له درجات في مادة اتظلم فيها
او درجات انضافت عالمجموع لانه كان بيشارك في انشطة او هو رياضي و خد درجات الحافز(7 درجات في الاعدادي) و متسبشي حقك لو متأكد انك مظلوم و انا مقدرة شعورك و فعلا الظلم وحش و صعب تقبله بس لازم تتأكد الاول من الموضوع و تعرف السبب و صدقني كله كوم و مرحلة الثانوية كوم تاني خالص ياما ناس بتطلع اوائل في جميع المراحل و ييجوا في الثانوي و يقعوا جامد و ناس طول عمرهم يجيبوا في التمانينات و في الثانوي 99 و 98 فمتزعلش نفسك و متخليش ده يأثر في مستقبلك و حط في بالك دايما ان ربنا مبيضيعش تعب حد و فقك الله..
|
|
#7
20-08-2012, 11:49 PM
|
||||
|
||||
|
انا الموضوع دا مش هيضعفنى فى الثانوية ولا حاجة لكن انا اتضايقت جدااااااااا لما عرفت والواد دا مش رياضى خالص دا انا اللى كنت كويس مع مدرس التربية الرياضية (الالعاب) وهو كان كل حصة يسيب الحصة ويطلع الفصل يذاكر
وهو معملش تظلم نهائيا وانا متاكد انا فعلا هروح المدرسة بعد اجازة العيد وهستفسر من المدير ولو لقيت فعلا انى مظلوم هطلع على الادارة وهعمل شكوى وربنا يسهل وزمايلى لما عرفوا قالولى اول ما انت تثبت انك مظلوم وتروح الادارة هيكون الخبر انتشر فى القرية كلها وهتكون فضيحة لانهم كمان اتضايقوا والواد اللى طالع التانى دا كمان انا مش بطيقة عارفين ليييييه؟؟؟؟  لانه فى الترم الاول كنت انا طالع عليه الاول بنص درجة وهو بقى علشان يبرئ نفسه قدام الناس طلع على اشاعات انى غشيت وعملى فضيحة فى القرية كلها وفى كل مكان وانا بقى اتضايقت من الموقف دا وجيت بقى تصرفت بذكاء بدل ما تحصل مشاكل جامده وخناقات  قلت انا هنشر تكذيب الخبر وانا ما شاء الله زمايلى كلهم مبيتاخروش عن اى حاجة لما قلنا ننشر تكذيب خبر الغش حصل والواد ابوه فيه طلبة كرهته وبدات تشاغب فى حصتة والاستاذ موقفه مع الطلبة اتغير خالصوالواد دا موقفه اتغير نهائيا كمان من الطلبة كلها ومشاكل ومصايب جاتلى من الواد دا كتييير قبل كده فى تانية اعدادى لاكن كنت بتصرف بذكاء لكن المرة دى انا خلاص مش طايقه واتعصبت اوى لكن انا هديت وهروح الادارة وربنا يسهل 
|
|
#8
21-08-2012, 01:29 AM
|
||||
|
||||
|
تطلع عى الادارة على طول وتطالب بحقك
بس كل ده مش مهم ازاى الكابتن اللى طلع التانى قبل يعمل الكذبة ده ويصدقها ويعيش فيها تاخد حقك وتفضح الكابتن ده
|
|
#9
21-08-2012, 01:32 AM
|
||||
|
||||
|
. ahmed-gamal
لا مش قصدهم انه بيحضر الحصص الرياضية القصد انه بيلعب في نادي مثلا اي رياضة وخد بطولة الجمهورية مثلا او الدوري فعشان كدة خد درجات زيادة
|
|
#10
21-08-2012, 05:10 AM
|
||||
|
||||
|
متسكتش ياد ايوه روح ولع ف المدير وف المدرسة وابعت شكوى ف المديرية والإدارة وطربقها على دماغ اللي خلفوهم بس بالهداوة لإن العصبية مش هترجعلك حق خالص
وبعدين عايزة انصحك ياما ناس طلعو ف الإعدادية واتصو عين خسفت بيهم الأرض ف الثانوية اللي هيه الفاينال اللي هيه المستقبل
__________________
سبحان الله وبحمده
سبحان الله العظيم عدد ما كان وعدد ما يكون وعدد الحركات والسكون
|
|
#12
25-08-2012, 09:53 PM
|
|||
|
|||
|
بصراحه ليك حق
|
|
#13
26-08-2012, 07:20 PM
|
||||
|
||||
|
اولا الف مبروك ومن نجاح لنجاح دايما ان شاء الله وهدي نفسك شوية ان الله لا يضيع اجر من احسن عملا على فكرة انا زيك حاسة بيك والله العظيم تحطيط في نفس الموقف بتاعك والكلام ده من سنتين بس ساعتها زعلت واتحرقت اوي بس اعمل ايه ما اقولش غير حسبي الله ونعم الوكيل في اللي ظلمني كنت طالعة الاولى على المدرسة ووقت التكريم اتفاجأ انهم بيكرموا الثانية قبلي كان احساس صعب حسبي الله ونعم الوكيل
__________________
 إذا مر بكم الزمان ولم تروني فهذا خط يدي فتذكرونيلا إله إلا الله استغفره وأتوب إليه
|
|
#14
26-08-2012, 10:01 PM
|
||||
|
||||
|
روحت وسالت وقالولى ان الحفلة كانت لابناء جزى فقط
وانا من قرية جنبهم اسمها قرية المصرى قالولى انت مش من ابناء جزى والحفلة عملناها لابناء جزى فقط ودى اول مرة يعملوها لابناء جزى فقط حسبى الله ونعم الوكيل تعب السنين بيضيع مننا انا معنوياتى والله مدمرة خالص بسبب اللى حصلى ده وحاسس انى خلاص بنفجر وخصوصا ان الولد اللى طلع التانى بدا يغيظنى وانا مش طايقه خالص:stick jo4:
|
|
#15
27-08-2012, 10:55 AM
|
||||
|
||||
|
اقتباس:
و ساعتها هو اللى هيتغاظ 
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:23 PM.
