|
||||||
| كليات المجموعة الرياضية (الهندسة - الحاسبات والمعلومات - التجارة & التجارة إنجلش - الفنون التطبيقية والجميلة) |
|
|
أدوات الموضوع | انواع عرض الموضوع |
|
#1
29-08-2012, 11:59 PM
|
|||
|
|||
إحصائية البطالة بإحدى كليات الحاسبات فى الصعيد
السلام عليكم قامت كلية الحاسبات و المعلومات جامعة أسيوط بعمل إحصائية عن خريجيها و عن وضعهم المهنى و ظهرت هذة النتائج
* بناءاً علي ما قامت به وحدة متابعة الخريجين من بحث وتواصل مع الخريج فقد تم الحصول علي هذه الإحصاءات عن الخريجين في المجالات المختلفة لكلية الحاسبات والمعلومات: - نسبة 41% من الخريجين يعملون بشركات تطوير برامج. - نسبة 22% من الخريجين بعضهم يعملون بمعهد (iti) والاخرين يلتحقون بمعهد (iti) تدريب 9 شهور. - نسبة 12,5 % من الخريجين يعملون في هيئات حكومية مختلفة (ضرائب_تأمينات ومعاشات_بنوك_مدارس). - نسبة 14% من الخريجين يقومون بأعمال مختلفة بجامعة أسيوط والجامعات المصرية الاخري (معيدين – اخصائي حاسب- بأكاديمية الأستشعار عن بعد). - نسبة 4% من الخريجين يعملون بأعمال مختلفة خارج مصر(مبرمج- محلل نظم – الخ....). - نسبة 6,5% من الخريجين غير عاملين. مع الأخذ في الاعتبار أن بعضاً من دفعة (2010) ودفعة (2011) خارج هذه النسب نظرا لتأدية بعضهم الخدمة العسكرية وبعضهم تحت فترة تدريب طب انا عاوز أحسبها كدا بحسبة بسيطة و هى ان أكبر كلية حاسبات و معلومات فى الجمهورية بتاخد حوالى 500 طالب و معظم كليات الأقاليم بتاخد 300 او 350 بالكتير فلو إفترضنا ان الدفعة 500 طالب و نسبة البطالة 6.5% إذن عدد العاطلين عن العمل يساوى 33 خريج فقط لاغير من هذة الإحصائية نضع ملحوظة هامة أن نسبة البطالة فى الكلية 6.5% أقل نسبة بطالة بين الكليات فأقل كلية أخرى لا تقل عن 40% مع ملاحظة أن 6.5% منهم اللى الزميلات الفضليات من الإناث الذين اختاروا التفرغ الكامل لرعاية بيت الزوجية و منهم اللى اشتغل مع والدة فى مجالة او فى شركتة و منهم من يعملون بالبيزنس او السياسة او بمجالات أخرى كاعلام و الصحافة او غيرها و تركوا المجال مع مراعاة ان حاسبات أسيوط داخل الصعيد و تبعد مسافة كبيرة جداً عن القاهرة او الإسكندرية فذلك يمنع خريجو الكلية من العمل لظروف بيئية او حياتية مثلما لا يستطيع بعض الأشخاص من العيش فى القاهرة او صعوبة المواصلات او العادات و التقاليد ، فتخيلوا أن كلية حاسبات قريبة من القاهرة كالمنوفية او بنها او فى القاهرة نفسها .. فستكون البطالة فيها منعدمة و صدقت مقولة الدكتور أحمد درويش وزير التنمية الإدارية السابق عندما قال فى 2007 فى مؤتمر التوظيف الذى تقيمة الجمعية المصرية لمهندسى البرمجيات أن البطالة بين خريجو كليات الحاسبات و المعلومات تكاد تكون منعدمة بنفس المقولة |
|
#2
30-08-2012, 12:32 AM
|
||||
|
||||
|
خبر رائع
بس ممكن اعرف شوية عن حاسبات و معلومات و عن البرمجة لانى مش فاهم معناها و ممكن اعرف لما ادرس الدراسة هقدر اعمل بيها و هشتغل ايه معلش هتعبك معايا
__________________
 وإن ضاقت عليك الأرض بما رحُبَت أخرُج وأنظر كيف هي السماء رُفعَت أما علمت بـ أن : الله رافعها !قادر على تفريج الكروب وإن عَظُمَت |
|
#3
30-08-2012, 02:27 AM
|
|||
|
|||
|
اقتباس:
دة رد مختصر عن حاسبات و معلومات كنت رديتة على زملائك فقولت انقلهولك هيقربلك الدنيا شوية أولا ً السوفت وير مش معناها برمجة و دى مشكلة بتوع هندسة و المنتسبين للمجال مفكر انة لما يضرب كورسين برمجة يبقى زية زى حاسبات و دة خطأ نهائيا و كمان مشكلتهم انهم فاهمين السوفت وير غلط فاهمين انة تخزين و استرجاع بيانات و طبعا انا بعذرهم لان بمنتهى البساطة هو مبيدرسش علم فلذلك معندوش رؤية فحاسبات و معلومات بيدرس علم تصميم البرمجيات و المعلومات يعنى بندرس فى الكلية ازاى نصمم نظام تشغيل او لغة برمجة او نظام تشفير او نظام إخفاء بيانات او نظام لمعالجة البيانات او بروتوكول شبكات او او او حاجات كتير و طبعا بما انك بتصمم بنية تحتية للبرمجيات و المعلوماتية فمن السهل تعمل تطبيقات طيب خلينا ندى مثال بسيط لتطبيق صريح و خفيف و مباشر تطبيق زى تطبيق Siri اللى نزل جديد على IPhone دة أحد تطبيقات الذكاء الاصطناعى و دة تطبيق بيخلى الكمبيوتر كأنة انسان تقولة اى كلمة او امر يترجمهولك باللغة الإنجليزية و يكتبهولك على الشاشة علشان تأكدلة بصوتك انة دة طلبك فمثلا تقولة اتصلى بفلان يتصلك بية و ابحثلى على جوجل يبحثلك و يرجعلك النتائج و هكذا و هكذا يعنى الموبايل كأنة إنسان شوف شرح كامل للتطبيق http://www.apple.com/iphone/features/siri.html طيب علشان تطبيق زى دة يتعمل محتاج تكون درست الكورسات الأتية ذكاء اصطناعى Artificial Intelligence نظم خبيرة Expert Systems معالجة اللغات الطبيعية Natural Languages Processing التعرف على الكلام Speech Recognition قواعد بيانات الوسائط المتعددة Multimedia Database نظم المعلومات الذكية Intelligent information systems التنقيب عن البيانات Data Mining & Warehouse هندسة المعلومات Information Engineering و خد بالك التطبيق دة بعد ما يتم انتاجة لازم يتم قياس أداة و جودتة صح الصح يعنى محتاج تكون دارس جودة و انتاج برمجيات و بروفيشنال و دة فقط هتلاقة فى حاسبات و معلومات وفية مواد تانية كتير دة غير ان المواد دى معتمدة على مواد أخرى متنفعش تدرس من خلالها بس انا بدى مثال فى السريع طبعا مفيش اى كلية فى مصر غير حاسبات و معلومات هتدرس الكلام دة نهائيا فالدكتور اللى بيقولك بصراحة ضحك عليك لانك بديهى لايحتك فيها كهرباء و الكترونيات و تحكم الى دة اجبارى فأكيد هيأكلوا اكتر من 65% من المنهج دة غير المواد ان اعدادى مش محسوبة لانها سنة عامة فطبعا هتلاقى نفسك أخرك بتاخد بتاع 15 مادة بالكتير ليهم علاقة بالحاسب فية منهم حوالى نصهم هاردوير و الباقى سوف وير حوالى 8 مواد اساسية زى داتا بيز او نظم تشغيل او هياكل بيانات و كل دى مواد اخدناه فى سنة اولى و تانية حاسبات و معلومات مش تخصص طبعا دة لايحة حاسبات القاهرة فيها المواد اللى بقول عليها http://fci-cu.edu.eg/?pg=academic/co...p&query=EXPAND الناس فى مصر تفكيرها غريب مفكره ان حاسبات و معلومات قاعد يدرس جافا و سى شارب و عندة مواد بالأسم دة و قاعد يكتب كود كتابة الكود دى فى العالم كلة اى حد بيكتبها و بيطلق علية مبرمج و دى وظيفة تعادل فى مصر الفنى فى دول اوربا و امريكا لان المبرمج يكتب كود و خلاص يعنى يستخدم لغات البرمجة فى كتابة اكواد او انتاج تطبيقات لكن حاسبات بيدرس علوم الحاسبات و تكنولوجيا المعلومات و مش هتلاقى عندنا مواد اسمها برمجة غير البرمجة الخطية .. طيب هتقولى السوق فى مصر هقولك واقع و السوق مش مقياس العلم لان مثلا اى تخصص فى هندسة بيدرس تصميم مثلا تصميم الانظمة الميكانيكة مثال هندسة السيارات بيدرس تصميم السيارات و تطويرها لكن فى مصر اخرنا نعرف الميكانيكى و معندناش تصنيع سيارات و هكذا لباقى التخصصات طيران بقى او كهرباء باور او اى تخصص و نفس القصة حاسبات بتدرس تصميم و من ثم لازم تدرس قياس الجودة او فيها قسم هندسة البرمجيات دة بيدرس هندسة الجودة و الإنتاج لكن فى مصر مفيش اى هندسة فى اى مجال لا ميكانيكا ولا كهرباء و لا حاسبات ولا برمجيات انا قولت مثال هندسة للتقريب فقط لانك داخل ياهندسة يا حاسبات و مش قصدى التقليل من اى كلية و انا بعترفلك اهو مفيش فى مصر اى تصميم بنية تحتية للبرمجيات و المعلومات زى انظمة التشغيل او نظم التشفير او اى شىء و كل اللى موجود تطبيقات و كمان تطبيقات عادية فى تخزين و استرجاع البيانات يعنى مش تطبيقات متقدمة زى تطبيقات الواقع الإفتراضى او تطبيقات الذكاء الإصطناعى او تطبيقات نظم القرار او تطبيقات ادارة الازمات المعلوماتية او تطبيقات التجارة الإلكترونية او تطبيقات البرمجيات الصناعية او تطبيقات أمن المعلومات و كمان على المستوى التشريعى تعبان مفيش اى قوانين بخصوص قوانين المعاملات الإلكترونية زى قوانين اصدار و تنظيم العقود الالكترونية او التجارة الإلكترونية او اى شىء و مفيش قوانين لمكافحة الجريمة المعلوماتية فالسوق واقع و 65% من خريجين حاسبات و معلومات هربانين برة البلد فى اوربا و استراليا و امريكا و تركيا و كندا و دول الخليج دى حقيقة و لازم تعرفها علشان انت بتختار و مينفعش اضلك او اقولك معلومات غلط |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:10 PM.
