الحكومة: ترقية 140 ألف معلم وتثبيت 90 ألفاً و58 ألف إدارى خلال أيام

[Rabee hassan]

الحكومة: ترقية 140 ألف معلم وتثبيت 90 ألفاً و58 ألف إدارى خلال أيام

الثلاثاء، 4 سبتمبر 2012 - 16:53
د. هشام قنديل رئيس الوزراء
كتب محمد الجالى

أعلنت الحكومة اليوم، الاثنين، أنه تم وضع خطة عاجلة لحل مشكلات ترقية 600 ألف معلم تضرروا من تطبيق القانون رقم 155 لسنة 2007.

وأشار بيان صادر عن مجلس الوزراء اليوم، الثلاثاء، إلى أنه سيصدر خلال الأيام القادمة قرار بترقية 140 ألف معلم، وبذلك يكون تمت ترقية كافة المعلمين المستحقين.

وأوضح البيان أنه سيتم تثبيت المعلمين المتعاقد معهم بالحصة أو المكافأة والقائمين بخدمة العملية التعليمية، حيث بلغ عدد المعلمين، الذين تم تثبيتهم منذ مارس 2012 وحتى الآن 130 ألف معلم و56 ألف إدارى، وجار تثبيت 90 ألف معلم إلى جانب 58 ألف إدارى.


المصدر اليوم السابع

[reem_a]

طب واللي امتحن كادر ابريل ونجح وطلع له قرار وزاري في شهر 7 اللي فات وما اتنفذش لغاية النهاردة يعمل ايه؟

[زياد عياد]

المشاركة الأصلية كتبت بواسطة reem_a

طب واللي امتحن كادر ابريل ونجح وطلع له قرار وزاري في شهر 7 اللي فات وما اتنفذش لغاية النهاردة يعمل ايه؟

طيب اللى امتحن فى ابريل 2011 وونجح وطلع له قرار وزارى فى شهر 7 فى سنة 2011 يعمل اية فيهم ؟؟؟؟

[dodog]

بالنسبة لمحافظة القاهرة القرار اتمضى من المحافظ يوم الخميس واتمضى من المديرية يوم الاثنين وهو الان في المديرية المفروض الادارات تستلمه اعتبارا من غدا الأربعاء 5/9 الكلام ده على لسان أ/ حسن مدير التعيينات اللي يعرف حد في ادارته يحاول يستعجلهم لاستلام الأسماء من المديرية واللى يستلم يعرفنا

[reem_a]

المشاركة الأصلية كتبت بواسطة زياد عياد

طيب اللى امتحن فى ابريل 2011 وونجح وطلع له قرار وزارى فى شهر 7 فى سنة 2011 يعمل اية فيهم ؟؟؟؟

ايه ده؟ يعني ايه؟ حضرتك لسه ما عملتش اقرار قيام بالعمل على وظيفة معلم؟
ولا عملتوا الاقرار بس الدرجة المالية لسه ماجاتش؟

[reem_a]

المشاركة الأصلية كتبت بواسطة dodog

بالنسبة لمحافظة القاهرة القرار اتمضى من المحافظ يوم الخميس واتمضى من المديرية يوم الاثنين وهو الان في المديرية المفروض الادارات تستلمه اعتبارا من غدا الأربعاء 5/9 الكلام ده على لسان أ/ حسن مدير التعيينات اللي يعرف حد في ادارته يحاول يستعجلهم لاستلام الأسماء من المديرية واللى يستلم يعرفنا

محافظة القليوبية القرار اتمضى من المحافظ من قبل العيد ولسه في المديرية ما اتحركش وكل ما نتصل ونسأل يدونا ميعاد لارساله للادارات ومفيش حاجة بتوصل

[M..osama]

كلام عام وهل يقصد المرحله الرابعة السابقة
أم هناك ترقيات جديدة

[حسين81]

رجاء من رئيس الجمهورية ورئيس الوزراء تثبيت المعلمين والاداريين المتعاقد معهم وامضوا 6 اشهر حسب قانون العامليين المدنيين المعدل من مجلس الشعب فلا يمكن ان يعيش الانسان المتعاقد براتب 160 حنيه اذا اردتم بصدق النهضة لهذا الوطن نحن لا نطلب المستحيل بل المساواه بعمال الكهرباء والاتصالات والضرائب والبترول والمياه والبريد والمواصلات والشرطة والخفراء والجيش حتى نعمل بذهن صافى ونخرج اجيال قادرة على تحمل المسئولية فى المستقبل فنحن مسئولون عن اسر وعائلات واطفال فهل يستطيع رئيس الوزراء ان يعيش بهذا الراتب فى هذا الغلاء الفاحش الذى لا يرحم

[smart4u]

اللهم لا سهل إلا ما جعلت سهلاً وأنت تجعل الحزن سهلاً

اللهم سهل

[علاءمالك]

فيه ناس شغاله فى محافظة المنيا ب50جنيه من صندوق الخدمات بالمحافظة هاينطبق عليهم القرارات ده ولاايه علما بانهم كانوا منقطعين ورجعوا ب50جنيه فى الشهر ولم يقبضوا حتى الان

[معلم موهوب]

هو الايام الي بيقولوا عليها ديه من قبل العيد متجيش ليه ؟؟؟

[عبدالحليم نصار]

أقول لكل متعاقد وعائد الي الذل أن ليه نرضي ب50جنيه وعلي أساس أيه أخترعوا المهزله دي أكيد دي ناس مغيبه وغبيه في نفس الوقت وناس دقه قديمه بتوع دبلومات زمان الي وضعت لخريج صرف أهله عليه دم قلبهم وعاني وكافح علشان يتخرج في الاخر تدوهم 50جنيه مش مكسوفين علي دمكم ولا طالما بتاخدوا مرتبات خياليه ميهمكوش ياريت كل المتعاقدين يتحدوا ويقفوا أيد وحده للمطالبه بأجر مجزي ويتناسب مع المهام الموكله اليهم مثل المتعينين وأكثر وأقول خدوا بالكوا مفيش حق في البلد دي بييجي بالساهل كده لازم أعتصام وأضراب ده الي للأسف بينفع في زمن مابعد الثوره وأنتوا شوفتوا الاطباء والشرطه والاتصالات والضرائب واستاذه الجامعات قولولي مين فيهم خد حقه من غير لوي الذراع نأمل أن يتدارك المسؤلون الامر وتطبيق الحد الادني علي جميع الفئات بدلا من ظلم فئه المعلمين وحدهم

[معلم موهوب]

المشاركة الأصلية كتبت بواسطة monopoly150

أقول لكل متعاقد وعائد الي الذل أن ليه نرضي ب50جنيه وعلي أساس أيه أخترعوا المهزله دي أكيد دي ناس مغيبه وغبيه في نفس الوقت وناس دقه قديمه بتوع دبلومات زمان الي وضعت لخريج صرف أهله عليه دم قلبهم وعاني وكافح علشان يتخرج في الاخر تدوهم 50جنيه مش مكسوفين علي دمكم ولا طالما بتاخدوا مرتبات خياليه ميهمكوش ياريت كل المتعاقدين يتحدوا ويقفوا أيد وحده للمطالبه بأجر مجزي ويتناسب مع المهام الموكله اليهم مثل المتعينين وأكثر وأقول خدوا بالكوا مفيش حق في البلد دي بييجي بالساهل كده لازم أعتصام وأضراب ده الي للأسف بينفع في زمن مابعد الثوره وأنتوا شوفتوا الاطباء والشرطه والاتصالات والضرائب واستاذه الجامعات قولولي مين فيهم خد حقه من غير لوي الذراع نأمل أن يتدارك المسؤلون الامر وتطبيق الحد الادني علي جميع الفئات بدلا من ظلم فئه المعلمين وحدهم

والله معاك حق