الملف المرفق ياجماعة هو عبارة عن صورة مما نشر على موقع وزارة التربية والتعليم هذا العام عند استقبال السيد الوزير لسفير فرنسا فى شهر يناير 2010 وكان الخبر يدور حول أشياء كثيرة منها ( تعميم تدريس اللغة الفرنسية على المرحلة الإعدادية من العام القادم 2010 / 2011 على مستوى الجمهورية )
وبصراحة ياجماعة ياريت يتم ده لأن المادة بالطريقة دى هتموت أكتر ماهى ميته ,,, ويبقى لها قيمه زيها زى أى ماده ,,,لأن الطلبة بيسألونا كتيير ,,, يا مسيو هى المادة هتنضاف على المجموع ولا لأ ؟. وكأنهم قاصرين مذاكرتهم واهتمامهم بالماده على اضافتها من عدمه على المجموع , يعنى لو انضافت هنذاكر ونهتم ,,, ولو مش هتنضاف مش هنذاكر ,,, فياريت تنضاف ياجماعة على المجموع خصوصا انه منهج لذيذ ومعظم الطلبة حبوه جدا ,,, تخيلو السنة دى واحنا بنعمل دورة تأسيسية للطلبة اللى طالعين أولى اعدادى فوجئت ان نص الطلبة فى سنة رابعة ابتدائى وخامسة وسادسة , ولما أسالهم ليه يقولو احنا حبينا اللغة الفرنسية قوى ,, فياريت تتعمم وتبقى على المجموع
18-07-2010, 12:24 AM
خبر تعميم اللغة الفرنسية على المرحلة الإعدادية على مستوى الجمهورية فى العام 2010 /
العرض الشجري
