مواهب وميول

[د/نداء الجنة المصرية]

المفروض ان اى طفل بيبدا بعد عمر معين يكون عنده مواهب وميول وبينميها وبيصمم عليها لحد مايكبر ولما بيختار المجال اللى هيدخله بيختار المجال اللى بيحبه ودايما اسمع من زمان يقولوالطلبة الثانوية ماتدوروش على الكلية لا دوروا على المجال اللى بتحبوه ده صح فى اى مكان لكن واقعنالايسمح بكده تماما بمعنى ان احنا عندنا الطفل مثلا فى القرى بيتعلم من صغره انه يذاكر عشان يكون دكتور اومهندس حسب رغبات العائلة وكل الاطفال حفظت الكلمة دى مش بياخدوا حتى فرصة يفكروا فى الحاجة اللى بيحبوها اواللى بيميلواليها اكتر وده سبب اكبر فى ضغط المجاميع وزيادتها لكن المشكلة ان الاهل بالفعل عندهم حق فى الحياة اللى بنعيشها دلوقت انا شفت النتايج فى ناس جايبين مجاميع عالية وداخلين كليات اقل غالبا حسب ميولهم لكن هم فى وجهة نظرى غلطوا مش هيقدروا يحققواحاجة من اللى بيحلموابيه احناالنظام فى دولتنا كده ولو حدحقق بيكون قليل مش كل الناس بمعنى لو حد جاب مجموع طب اوهندسة واختار مثلا تجارة هو بيحب الكلية وحابب شغل التجارة ممكن يخلص الكلية ومايعرفش يشتغل فى المجال اساسا وقتهاهيندم انه مااختارش بمجموعه ولومثلا حد جايب مجموع كلية من الكليات واختار تربية لانه حابب يعلم ويبتكر طرق فى التدريس بعد فترة لمايلاقى شغل ويشتغل هيندم برده وحتى على فكرة اللى بيدخلوا كليات بمجاميع عالية بيبقى حالهم صعب لكنهم احسن حالا من غيرهم