الي الاخ (( اabdelsalam1983

[essamalaam]

اشرح لنا لو سمحت ماهي الخطوات لعمل اجازة من كفر الشيخ وهل الاجراءات صعبة وهل انت كنت متعاقد وشكرا؟

[abdelsalam1983]

بسم الله الرحمن الرحيم
انا كنت تعاقد 2007 واتثبت
تجيب استمارة من الاجازات من عند الاستاذ زين او المعهد الي بتعمل بيها الاجازة
تروح المعهد وتملاء البيانات وهتلاقي تحت البيانات مكتوب شئون عاملين يمضي من المعهد والشيخ يمضي ويختم
في الجانب الاخر من الورقة في خانه مكتوب فيها تأمين صحي:شئون العاملين يكتب :المذكور لم يستخرج بطاقة تأمين صحي
في رأي رئيس العمل المباشر:شيخ المعهد يكتب : لا مانع
في خانه للعهده:شئون العاملين يكتب :المذكور ليس لديه عهدده
وطبعا كل امضه بختم(يعني كده اربع اختام)
تاخد 2 افاده من المنطقة للمعهد
الاولى:للجزاءات( يفيد معهد/ ان السيد/ مدرس مادة برقم سجل/ (الجديد)
لم يحصل على اىي جزاءات او مخالفات قانونية وهذه افادة منا بذلك
الثانية:للشئون القانونية
يفيد معهد/ ان السيد/ مدرس / برقم سجل/ لم يحصل على اي جزاءات او مخالفات قانونية وغير مطلوب للمحاكمة التأديبية وليس على ذمة التحقيق
(وابقى سيب مكان فاضي لو في اضافه اصل مش فاكر النص كله والافضل تاخد افادتين مختومين وتملاهم بنفسك من المنطقة
تروح المنطقة للاستاذ الي كنا بنجدد من عند العقد ملتحي هو هيكتب لك فوق جاري ارسال الملفات
جنبه مكتب الجزاءات هيمضي وكمان الذمة المالية
تروح لبتاع الماهيات يمضيلك(وخد من عنده كارتة المرتب الخضراء هيعملك صورة غير قابلة للصرف امضيها واختمها وبعدين صورها واختمها تاني صورة طبق الاصل(او لو عايز تريح نفسك خلي بتاع المرتبات في المعهد يعملك مفردات مرتب 7 و8 و 9)وريح نفسك واختمها من المعهد والمنطقة
تروح المبنى الجديد الدور الثالث المعاشات هيديك ورقه تروح تدفع في بنك مصر حوالي 400 ج (ما تنساش وانت رايح كفرالشيخ قبا المنطقة تروح تاخد رقم من بنك مصر عشان تحجز دورك من الراجل الي على الباب عشان الزحمة)
وتروح الرابع الشئون القانونية
ولجنة الاعارة في الثالث
ولو انت ثقافي خلي الموجه الثقافي يمضي لك بدل ما تروح الادارة للموجه بتاعك جنب الاعارات
تروح البنك تدفع وترجه للتكافل هيديك ورقة وهيمضي عليها هو الراجل الي جنبه
تروح تمضي رئيس شئون العاملين في المبنى القديم وتاخد ورقك لوكيل الوزارة يمضي عليه وعلى ورقة التكافل اوعى تنساها وتختم

تروح البوسطه تشتري اقرار زمة مالية ودمغة (مش فاكر الدمغه نوع ايه وعموما في واحد في البعوث بيبعها بس غالي شويه)
وتاخد معاك صورة شخصية

تروح مصر بدري(الحسين الاول) تروح الذمة المالية وهما هيوجهوك هناك وتختم
تروح الدراسة(جيبها من الدور السادس وانت نازل
وهتدفع في الكتبه 240 ج

بعد كده خد تاكسي عشان ما تتأخرش ب 14 ج وروح البعوث الحي السابع
صور وررقك والعقد والجواز
اطلع الدور الثالث
هيبعتك قطاع المعاهد(مبنى جنب البعوث( وترجع له تاني
يخلص لك انت ومجموعه ويبعتكم الدراسة تختموا وتجيبوا القرار وترجع البعوث تاني(لازم تاكسي) وكه يبقى خلاص
ما تنساش تنقل نص البرقية الي على باب موظف البعوث الي هتبعتها يوم ما تيجي مسافر وهتبعت واحده للمنطقو وواحدة للمعهد
وم تنساش تخلي بالك من ورقك والاصول لان الموضوع فيع سرعة شوسة
السلام عليكم وربنا يوفقنا جميعا