ال6 شهور فترة الاختبار ؟؟؟؟؟؟؟؟

[hapysweety]

انا لسه تعيين جديد بتاريخ 1/8/2012 ولسه يااااااااااادوب واخدة جواب التعيين وكنت سمعت هنا بالمنتدي ان من حقي الحصول علي اجازة لرعاية الطفل بدون انتظار مدة 6 شهور تحت الاختبار بس للاسف انهاردة رحت الادارة وقدمت الطلب وودوه الشؤون القانونية ولاقيتهم جايبنلي كتاب من كتر مهو قديم ورقه كله اصفر وطلعولي قانون الاجازات وقالولي مش من حقك وانا عايزة الاجازة دي ضروري اعمل ايه ؟ ولا هو فعلا انا مش من حقي الا بعد ال6 شهور ؟

[medoibrahim]

حرام والله لسه 6 شهور تانى

[شريف حسن .]

المشاركة الأصلية كتبت بواسطة hapysweety

انا لسه تعيين جديد بتاريخ 1/8/2012 ولسه يااااااااااادوب واخدة جواب التعيين وكنت سمعت هنا بالمنتدي ان من حقي الحصول علي اجازة لرعاية الطفل بدون انتظار مدة 6 شهور تحت الاختبار بس للاسف انهاردة رحت الادارة وقدمت الطلب وودوه الشؤون القانونية ولاقيتهم جايبنلي كتاب من كتر مهو قديم ورقه كله اصفر وطلعولي قانون الاجازات وقالولي مش من حقك وانا عايزة الاجازة دي ضروري اعمل ايه ؟ ولا هو فعلا انا مش من حقي الا بعد ال6 شهور ؟

اذهبى للمديرية فى محافظتك

ان شاء الله تحصلى عليها

[hapysweety]

انا محافظة الجيزة وان شاء الله هروح بكرة للمديرية بس ي تري في اوراق معينة اخدها معايا ؟ او جواب م المدرسة ولا اروح وقولهم المشكلة وخلاص ؟ انا طلبت من الادارة انهاردة يدوني جواب اروح بي للمديريه ورفضو وقالولي لو الكلام اللي انتي بتقوليه ده صح كانو بعتولنا فاكس وده المفروض منهم ومش مطلوب مننا اننا نستفسر عن حاجة المفروض هما يبعتولنا الجديد منهم لنفسهم

[شريف حسن .]

المشاركة الأصلية كتبت بواسطة hapysweety

انا محافظة الجيزة وان شاء الله هروح بكرة للمديرية بس ي تري في اوراق معينة اخدها معايا ؟ او جواب م المدرسة ولا اروح وقولهم المشكلة وخلاص ؟ انا طلبت من الادارة انهاردة يدوني جواب اروح بي للمديريه ورفضو وقالولي لو الكلام اللي انتي بتقوليه ده صح كانو بعتولنا فاكس وده المفروض منهم ومش مطلوب مننا اننا نستفسر عن حاجة المفروض هما يبعتولنا الجديد منهم لنفسهم

لا ان شاء الله هتحصلى عليها

فى الادارات مش بيحبوا يتعبوا نفسهم لمعرفة الجديد

منتظرين الاخبار تيجى عندهم

ربنا يوفقك ان شاء الله وابقى طمنينا

[hamada_hamdy90]

الوزير لا يدير سوى ديوان عام الوزارة ومديرى المديريات التعليمية فقط، أما المعلمون والاداريون والعمال، فهم يعملون بالمحليات وليس التربية والتعليم، موضحًا أن حقوقهم ضائعة ما بين المحافظين والتنظيم والإدارة ووزارة التعليم والمالية.

[nabamhamed]

عندنا فى ادارة القاهرة الجديدة محافظة القاهرة ناس اول ما اتعينوا اخذوا اجازة رعاية طفل
احنا مختلفين عن التعين الجديد احنا اترقينا من معلم مساعد الى معلم ولا نحتاج الى الانتظار فترة ال 6 شهور واظن ان فى المنتدى كان نازل قرار بان لا ننتظر ال6 شهور فهذة بدعة من الادارة عندك

[on_7_on]

6 شهور كلام ميش صحيح انت شغاله على الاقل سنتين روحى المديريه وقدمى واخر خطوه تفكرى فيها الاداره
انا اعرف ناس عملوا انتداب لمحافظه تانيه على طول

[hapysweety]

والله ي جماعة انا متشكرة لاهتمامكم وردودكم المطمأنة وانا لسه جاية من المديرية وقالولي نفس الكلام بتاعكم وخلوني كتبت طلب لمدير المديرية مرفق بيها صورة من شهادة ميلاد بنتي وسبت الطلب وان شاء الله بكرة اعرف هترسي علي ايه ادعولي ربنا يوفقني

[محمود يوسف محمد]

عندنا في دسوق محافظة كفرالشيخ رئيس شئون العاملين قال ليا بالحرف الواحد يوم 1/8 انت من حقك تاخد اجازة زي ما تحب ........بمعني من اتعين بقرار 280 من حقه كل الاجازات من اول شهر اغسطس الماضي

[حسين السقا]

المشاركة الأصلية كتبت بواسطة hapysweety

انا لسه تعيين جديد بتاريخ 1/8/2012 ولسه يااااااااااادوب واخدة جواب التعيين وكنت سمعت هنا بالمنتدي ان من حقي الحصول علي اجازة لرعاية الطفل بدون انتظار مدة 6 شهور تحت الاختبار بس للاسف انهاردة رحت الادارة وقدمت الطلب وودوه الشؤون القانونية ولاقيتهم جايبنلي كتاب من كتر مهو قديم ورقه كله اصفر وطلعولي قانون الاجازات وقالولي مش من حقك وانا عايزة الاجازة دي ضروري اعمل ايه ؟ ولا هو فعلا انا مش من حقي الا بعد ال6 شهور ؟

سؤال بسيط للأخت الفاضلة انتى كنتى متعاقدة قبل التثبيت ولا شغالة بالحصة وما نوع العقد علشان أنا بقالى خمس سنين دلوقتى ومتثبتش............... ولكى جزيل الشكر

[hapysweety]

المشاركة الأصلية كتبت بواسطة حسين السقا

سؤال بسيط للأخت الفاضلة انتى كنتى متعاقدة قبل التثبيت ولا شغالة بالحصة وما نوع العقد علشان أنا بقالى خمس سنين دلوقتى ومتثبتش............... ولكى جزيل الشكر

لا انا كنت بالعقد ( معلم مساعد من 2008 ) وبعد م امتحنت الكادر تم التثبيت وقبل 2008 كنت تعاقد من 2006 وقبلها كنت بالحصة من 2005

[احمدفتحي الشريف]

ان شاء الله تاخدي الاجازه لي قريب تعبن 1/3/2011بعد التعين اخد اجازه وسافر للعمل بالسعوديه نتمني لكي الخير ان شاء الله

[hapysweety]

انا لسه جاية م المهزلة وحياة ربنا مهزلة اخدت جواب بالموافقة من المديرية وطلعت بيها مختومة بختم النسر وعليها توقيع وكيل المديرية وشؤون العاملين والاجازات ورحت بيها الادارة بتاع الاجازات رفضها وطلع كل كتب القانون اللي عنده من ايام سيدنا خشبة وصور ورقة منهم وحطهم مع الطلب بتاعب وقالي ارجعي بيها للمديرية علي اساس ان المديرية في الحجرة او الشارع اللي جنبه وبالفعل رحت المديرية تاني وقابلت وكيلة المديرية قالتلي لو ليكي حق اجيبهولك بس انا معنديش معلومات غير انه لازم ال6 شهور واتصلت بشؤون العاملين اللي فيب ادارتي وسالته قالها مالهاش قالتلي مالكيش رحت شؤون العاملين قالولي ليكي واتصلو بالادارة بتاعتي وقالولهم دي تعيين بقانون 155 ملهاش فترة اختبار وانتو بتتكلمو بقانون 47 واقنعوهم وقالولي روحي الادارة يالا رحت الادارة بردو رفضوا ودخلنا لمدير الادارة الراجل كتر خيره والله قالي هبغت مدير شؤن العاملين للمديرية يوم الحد يجيب قرار ليكي ولغيرك علشان نمشي قانوني وتعالي الاتنين اعرفي النتيجة والله بهدلة من اوسيم للجيزة رايح جاي

[reem_a]

لكي ولنا الله وحسبنا الله ونعم الوكيل
لما توصلي لجديد قوليلنا وطمنينا بس عموما هو حقك وماتسكتيش